luqa 7:37 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁷ tašk‑id ġakudan yat‑tmġart ullt‑tmdint‑an, tga tad iskarn ma‑yʷh̬šnn. tsfld f‑yasuɛ is‑illa ġ‑tgmmi n‑ufarisi, tasi‑d yat‑tbuqqalt n‑uẓru lli‑ġ‑tlla tujjut išwan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁷ تاشك‑يد غاكودان يات‑تمغارت ءولّت‑تمدينت‑ان، تگا تاد ءيسكارن ما‑يُخشنّ. تسفلد ف‑ياسوع ءيس‑يلّا غ‑تگمّي ن‑وفاريسي، تاسي‑د يات‑تبوقّالت ن‑وژرو لّي‑غ‑تلّا توجّوت ءيشوان.

luqa 7:37 Iomraidhean Croise

matta 21:31

isqsa‑tn yasuɛ: «manwa ġ‑sin‑ad a‑iskrn ma‑ira babas?» inin‑as: «amzwaru.» irar‑asn yasuɛ: «lḥqq a‑rad‑awn‑iniġ, ar‑kʷn‑zggurunt‑tmgganin d‑ayt‑nkkas s‑tgldit n‑rbbi.

luqa 18:13

imma bu‑nkkas, ibidd‑n ġ‑tġurdin. ur‑iẓḍar a‑yall alln‑ns s‑iggi. ar‑ikkat f‑idmarn‑ns ar‑ittini: ‹wa‑rbbi ṣamḥ‑iyi, iggut mad‑skrġ yʷh̬šn.›

luqa 19:7

lliġ‑t‑ẓran mddn‑an ggutnin, ar‑kullu‑tngmugn i‑ngratsn ar‑ttinin: «hati ikšm a‑ig anbgi ġ‑dar bu‑ddnub‑ad.»

luqa 5:30

imma ifarisin d‑imslmdn n‑ššrɛ zġ‑lmdhb‑nsn ar‑ssngmugn f‑imḥḍarn n‑yasuɛ inin‑asn: «mah̬ aylliġ a‑tšttam ar‑tssam d‑willi tamẓnin nkkas ula mddn‑an ʷh̬šnnin?»

luqa 5:32

ur‑d‑uškiġ a‑n‑ġrġ i‑willi ġalnin is‑fulkin, walaynni uškiġ‑d a‑n‑ġrġ i‑willi ʷh̬šnnin, ad‑fln lh̬ʷšant‑nsn.»

luqa 7:34

aškġ‑d nkki lli‑igan yus n‑bnadm ar‑šttaġ ar‑ssaġ, ar‑flla‑ttinim: ‹ġwad iga bu‑udis ig askayri, ig amddakkʷl n‑ayt‑nkkas d‑wiyyaḍ ʷh̬šnnin.›

luqa 7:36

yan‑ufarisi iḍalb yasuɛ a‑dids‑išš imkli. ikšm s‑tgmmi n‑ufarisi igawr a‑išš.

yuḥanna 11:2

maryam‑ad mi yuḍn gʷmas liɛazr tga h̬talli iffin asafar f‑iḍarn n‑yasuɛ tsfiḍ‑tn s‑wazzar‑ns.

yuḥanna 9:24

aznn‑daġ imġarn s‑walli‑sttin ikkan ibukḍ, inin‑as: «nga‑n srk rbbi a‑ur‑tsskarkst. nssn ġwan is‑iffuġ aġaras n‑rbbi.»

yuḥanna 9:31

nssn is‑ur‑ra‑isflid rbbi i‑yan iffuġn aġaras‑ns, walaynni yan‑t‑ituqqarn ar‑iskar ma‑t‑irḍan, nttan a‑mi‑isflid rbbi.

ruma 5:8

walaynni rbbi imla‑yaġ mnšk a‑s‑ginnġ‑iḥnna, ašku immut fllannġ lmasiḥ lliġ sul a‑ntsala ddnub.

1 timutaws 1:15

awal izgan ayad, iqqan‑d kud yan a‑t‑yamn: yuška‑d lmasiḥ yasuɛ s‑ddunit baš a‑ijjnjm mddn ʷh̬šnnin, d‑nkki a‑kullu‑gisn‑yʷh̬šnn.

1 timutaws 1:9

walaynni iqqan‑d a‑nissan izd f‑ssibt n‑willi ʷh̬šnnin a‑f‑d‑ifka rbbi ššrɛ, urd f‑ssibt n‑willi fulkinin. ifk‑t‑id f‑willi ur‑rinin ššrɛ ffuġn zġ‑gis. ifk‑t‑id f‑willi rurnin tiġurdin‑nsn s‑rbbi ar‑tsalan ddnub, ur‑a‑tuqqarn rbbi ula‑da‑ttirin aġaras‑ns. ifk‑t‑id f‑willi nqqanin babatsn nġd innatsn ula ġwilli nqqanin wiyyaḍ.

1 bṭrus 4:18

ġmklli ityaran: «iġ‑išqa a‑injm yan ifulkin ma‑ra‑ijru i‑yan irurn tiġurdin‑ns s‑rbbi ula yan isalan ddnub?»