luqa 6:8 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ imma yasuɛ issn iswingimn‑nsn, isawl s‑urgaz lli‑mi‑immut‑ufus yini‑as: «ašk‑id s‑wammas.» inkr‑d ibidd ġ‑wammas‑nsn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ ءيمّا ياسوع ءيسّن ءيسوينگيمن‑نسن، ءيساول س‑ورگاز لّي‑مي‑يمّوت‑وفوس ييني‑اس: «اشك‑يد س‑وامّاس.» ءينكر‑د ءيبيدّ غ‑وامّاس‑نسن.

luqa 6:8 Iomraidhean Croise

matta 9:4

imma yasuɛ issn mad‑swangmn, yini‑asn: «mah̬ aylliġ tudjam iswingimn ʷh̬šnnin ad‑kšmn s‑ih̬fawn‑nnun?

marqus 3:3

isawl yasuɛ s‑walli mi immut‑ufus yini‑as: «ašk‑id s‑wammas.»

luqa 13:12

lliġ‑tt‑iẓra yasuɛ iġr‑as yini‑as: «wa‑tamġart, ha‑kmmi tfsit zġ‑uskrf‑nnm.»

luqa 5:22

imma yasuɛ issn ma‑ġ‑a‑swingimn, yini‑asn: «mah̬ aylliġ a‑tswingimm d‑ih̬fawn‑nnun ġmkad?

luqa 6:9

izayd yasuɛ isqsa mddn‑an: «iniyat‑iyi, ma‑iḥllan ġ‑wass n‑usunfu? a‑nskar ma‑ifulkin nġd a‑nskar ma‑yʷh̬šnn? izd a‑njjnjm yan nġd a‑t‑nhlk?»

yuḥanna 2:25

ur‑iḥtajja mad‑as‑yakkan tugga f‑bnadm, ašku issn ma‑illan ġ‑bnadm.

yuḥanna 21:17

isqsa‑t yasuɛ tis kraṭṭ‑twal: «wa‑simɛan yus n‑yuna, is‑dark‑ɛzzaġ?» ṭiyyr ilmma i‑bṭrus ašku inna‑yas tis kraṭṭ‑twal «is‑dark‑ɛzzaġ?» isawl yini‑as: «a‑sidi, tssnt kullu ma‑illan. tssnt is‑dari‑tɛzzat.» yini‑as‑d yasuɛ: «ks ulli‑nu.

yuḥanna 9:4

illa fllannġ, maḥdd illa‑uzal, a‑nskar iskkirn n‑walli‑yyi‑d‑yuznn. ra‑d‑yašk‑iyḍ, ur‑ra‑yiẓḍar yan a‑gis‑iskr yat.

irqqasn 20:24

imma nkki ur‑a‑tḥasabġ tudrt‑inu is‑tga kra. ur‑riġ abla a‑tazzalġ ard ruḥġ ttmi n‑uġaras‑inu, kmmlġ tawuri lli‑yyi‑ifka siditnnġ yasuɛ, sslkmġ lh̬bar ifulkin f‑lbaraka n‑rbbi.

irqqasn 26:26

tiġawsiwin‑ad, issn‑tnt‑ugllid agribbas, ẓḍarġ ad‑as‑fllasnt‑sawlġ s‑zzɛamt. ssnġ is‑ur‑fllas‑intil mayad, ašku urd ġ‑kra n‑tuġẓut illasn a‑ġ‑ijra.

filibbi 1:28

bla‑da‑ttiksaḍm zġ‑willi‑kʷn‑ssrfufunnin. ġmkad a‑s‑rad‑ẓrn is‑llan ntni ġ‑uġaras l‑lhalak tilim kunni ġ‑uġaras n‑ujnjm, ašku rbbi a‑ra‑kʷn‑ijjnjm.

iɛbrin 4:13

ur‑irgs yat f‑rbbi ġ‑kullu ma‑ih̬lq. hati ibayyn kullu ġ‑iẓri n‑walli mi‑d‑iqqan a‑nrar lḥsab.

1 bṭrus 4:1

mayan a‑f‑rad‑awn‑iniġ, lliġ irfufn lmasiḥ ġ‑ddat‑ns, illa fllawn a‑tbkism a‑trfufnm ula kunni. ašku wanna irfufnn ġ‑ddat‑ns ur‑sul‑a‑itlhu s‑ddnub.

anurẓm 2:23

rad‑utġ tarwa‑ns s‑lmut. ġakudan a‑rad‑ẓrn ayt‑imnaggarn kullutn is‑giġ wad issnn kullu mad‑swingimn mddn ula ma‑ttirin ġ‑uwl‑nsn. rad‑rarġ i‑kraygatt yan gigun f‑ma‑iskr.