luqa 6:49 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁹ imma wanna isfldn i‑iwaliwn‑ad‑inu ur‑a‑srsn‑iskar, irwas argaz lli‑ibnan tigmmi‑ns f‑wakal ur‑iġza llsas. lliġ‑d‑ingi‑wasif yut tigmmi tḍr‑d, th̬lu kullutt.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁹ ءيمّا وانّا ءيسفلدن ءي‑يواليون‑اد‑ينو ءور‑ا‑سرسن‑يسكار، ءيرواس ارگاز لّي‑يبنان تيگمّي‑نس ف‑واكال ءور‑يغزا لّساس. لّيغ‑د‑ينگي‑واسيف يوت تيگمّي تضر‑د، تخلو كولّوتّ.»

luqa 6:49 Iomraidhean Croise

matta 23:3

sflidat s‑iwaliwn‑nsn ar‑tskarm s‑ma‑ttinin, walaynni a‑ur‑tskarm mad‑skarn ašku iskkirn‑nsn ur‑a‑di‑tmšaškan d‑iwaliwn‑nsn.

matta 24:10

iggut gigun ma‑ra‑tut‑tbayḍḍrt iḍr ġ‑uwssan‑an. ra‑n‑idḥay kra kra, ar‑itkrhu kra kra.

marqus 4:17

walaynni ur‑ikšim‑wawal‑an s‑uwl‑nsn. qaman ġir kra n‑uwssan ard tili tassast nġd tarfufnt f‑ssibt n‑wawal s‑knukin.

luqa 12:47

ah̬ddam nna‑issnn ma‑zgis‑ira sidis walaynni ur‑t‑inawl ula iskr‑t, ra‑t‑issġurš sidis bahra.

luqa 19:14

imma argaz‑an, ar‑ti‑tkrhun ayt‑tmazirt‑ns, aznn irqqasn s‑tmazirt‑lli yaggugn ar‑ttinin: ‹ur‑nri argaz‑ad a‑fllannġ‑iḥkam.›

luqa 19:27

imma inuwwašn‑an‑inu lli‑ur‑rinin ad‑gġ agllid‑nsn, awiyat‑tn‑d tnġm‑tn ġ‑lgddam‑inu.›»

luqa 6:46

«mah̬ aylliġ a‑yyi‑ttinim ‹wa‑sidi wa‑sidi› walaynni ur‑a‑tskarm s‑wawal‑inu?

luqa 6:48

irwas argaz lli‑ibnan tigmmi, iġza bahra izzugz llsas f‑isli. lliġ‑d‑ingi‑wasif yut tigmmi ur‑tt‑issmussi ašku idus llsas‑ns.

luqa 7:1

lliġ ikmml yasuɛ kullu ma‑ira a‑yini i‑mddn‑an, iddu s‑tmdint n‑kafrnaḥum.

yuḥanna 15:2

ar‑zgigi‑itkkis tiṣṭṭwin nna‑ur‑iskarn lġllt. ar‑ifrrn kraygatt taṣṭṭa nna‑yakkan lġllt baš a‑tigat lġllt‑ns s‑uggʷar.

irqqasn 20:29

ssnġ ussan lli‑ġ‑ra‑kʷn‑flġ nkki, ra‑n‑kšmn‑uwššann šqanin s‑gratun, rad‑ssyaggasn tawrut.

irqqasn 26:11

kigan d‑twal ad‑kššmġ s‑tgʷmma n‑tẓallit ar‑tn‑ssrfufunġ baš a‑tn‑rarġ ad‑rggmn ġ‑uġaras‑ad. ar‑iyi‑srsn‑tasin iriyn bahra aylliġ a‑srsn‑tmudduġ ula s‑tmdinin aggugnin baš a‑tn‑ssrfufnġ.

1 tasaluniki 3:5

mayad a‑f‑t‑in‑uznġ s‑darun, ašku ur‑ẓḍarġ ad‑sul‑ṣbrġ. ih̬ṣṣa‑yyi ad‑issanġ is‑sul‑tzgam ġ‑uġaras n‑rbbi nġd uhu, ašku ksuḍġ a‑kʷn‑ur‑issḍr iblis, tḍr ula tawuri‑nnġ ġ‑gratun bla lfaytt.

2 bṭrus 2:20

iġ‑d‑njmn mddn zġ‑irkan n‑ddunit s‑twassna n‑unjjam siditnnġ yasuɛ lmasiḥ walaynni wrrin tigira tyassasn‑daġ s‑irkan‑an aylliġ‑tn‑nran, hati iwrri isiggʷra n‑mddn‑an yʷh̬šn uggʷar n‑isizwar‑nsn.

1 yuḥanna 2:19

ffuġn ntni zġ‑darnnġ walaynni urd zġ‑ginnġ a‑zġ‑gan. mrad is‑zginnġ‑gan ikun didnnġ qaman, walaynni nssn kullutn ur‑gin zġ‑ginnġ, ašku ffuġn zġ‑darnnġ.