luqa 6:27 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁷ «wa‑kunni‑ad sri isflidn, rad‑awn‑iniġ, ḥnnwat ġ‑inuwwašn‑nnun. skrat afulki ġ‑willi‑kʷn‑kurhanin.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁷ «وا‑كونّي‑اد سري ءيسفليدن، راد‑اون‑ينيغ، حنّوات غ‑ينوّاشن‑نّون. سكرات افولكي غ‑ويلّي‑كُن‑كورهانين.

luqa 6:27 Iomraidhean Croise

marqus 4:24

izayd yini‑asn: «rarat lɛaql s‑mayd mi tsflidm. hati s‑lɛbrt lli‑s‑a‑ttɛbbarm a‑s‑rad‑awn‑ityawɛbbar ityawfka‑yawn s‑uggʷar.

luqa 23:34

iẓẓall yasuɛ yini: «wa‑baba rbbi, ṣamḥ‑asn. ur‑akkʷ‑ssinn mayd skarn.» grn‑d iɛskrin asġar f‑tmlsa‑ns a‑tnt‑bḍun.

luqa 6:22

imbarkin a‑tgam iġ‑kʷn‑kurhan mddn ssufġn‑kʷn rgmn‑kʷn ar‑fllawn‑ttinin ‹kunni tʷh̬šnm› f‑ssibt n‑ma‑tgam win yus n‑bnadm.

luqa 6:35

walaynni ḥnnwat ġ‑inuwwašn‑nnun, ar‑asn‑tskarm lh̬ir. rṭṭlat bla‑da‑tswingimm a‑tamẓm arṭṭal‑nnun tigira. ġmkad a‑s‑ra‑tgm tarwa n‑rbbi amattuy, tili‑awn lbaraka iggutn. ašku ntta ar‑itfulki d‑willi‑t‑ur‑tškarnin d‑willi skarnin ma‑yʷh̬šnn.

luqa 8:15

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

luqa 8:18

awiyat‑stt ġ‑mayd mi tsflidm, ašku wanna dar illa, rad‑as‑izayd rbbi. imma wanna ur‑dar‑illi, rad‑as‑ikkis ula maylli‑s‑iġal is‑dars‑illa.»

luqa 8:8

iḍr‑n kra ġ‑wakal ifulkin imġi‑d ifk ṣṣabt, ifk f‑miyya n‑twal.» izayd yasuɛ yall awal‑ns yini‑asn: «wanna dar imzgan a‑srsn‑isflid, illa fllas a‑isfld.»

irqqasn 10:38

tissanm f‑yasuɛ gu‑naṣira is‑t‑iɛmmr rbbi s‑rruḥ lqudus d‑tḥkimt itjhhdn, ar‑itkka kraygatt mani ar‑iskar afulki ar‑ijjujji kullu willi tyawkrrafnin s‑iskraf n‑iblis, ašku illa dids rbbi.

irqqasn 16:28

iġr‑as bulus s‑jjhd yini‑as: «ad‑ur‑thlkt ih̬f‑nnk. hati nlla kullwaġ.»

irqqasn 7:60

iḍr f‑ifaddn‑ns s‑wakal, yut s‑yat‑tġuyyit yini: «wa‑sidi, a‑ur‑fllasn‑tḥasbt lh̬ʷšant‑ad.» ġir inna awal‑ad immt. imma šawl ifrḥ lliġ nġan stifanus.

گالاطيّا 6:10

illa fllannġ a‑nskar afulki ġ‑kullu mddn ġakud nna‑nufa, s‑uggʷar ġ‑aytmatnnġ lli‑umnnin s‑lmasiḥ.

1 tasaluniki 5:15

rarat lɛaql iġ‑illa mad‑awn‑iskrn kra yʷh̬šnn, ad‑as‑t‑ur‑trarm s‑lh̬ʷšant. gat‑n tiqqi‑nnun a‑bdda‑ttirim a‑tskarm afulki ġ‑gratun ula d‑kullu mddn.

3 yuḥanna 1:11

wa‑gʷma iɛzzan, a‑ur‑tskart zund mddn ʷh̬šnnin walaynni zund ġwilli šwanin. wanna iskarn afulki, win rbbi a‑iga. imma wanna iskarn ma‑yʷh̬šnn, ur‑issin rbbi.