luqa 6:23 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²³ thnnayat iġ‑a‑skarn ġmkan, tfrḥm bahra, ašku tggut lbaraka lli‑rad‑awn‑yili ġ‑ignna. han ġmkan ad‑skrn imzwura‑nsn i‑lanbiya lli‑zrinin.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²³ تهنّايات ءيغ‑ا‑سكارن غمكان، تفرحم باهرا، اشكو تگّوت لباراكا لّي‑راد‑اون‑ييلي غ‑يگنّا. هان غمكان اد‑سكرن ءيمزوورا‑نسن ءي‑لانبيا لّي‑زرينين.

luqa 6:23 Iomraidhean Croise

matta 5:12

thnnayat tfrḥm bahra, ašku tggut lbaraka lli‑rad‑awn‑yili ġ‑ignna. han ġmkan ad‑ssrfufnn ula lanbiya lli‑kʷn‑d‑zwarnin.

luqa 1:41

lliġ tsfld aliṣabaṭ i‑wawal n‑maryam immass‑wazzan ġ‑waḥlig‑ns, tɛmmr s‑rruḥ lqudus,

luqa 1:44

ġir sfldġ i‑wawal‑nnm s‑immussa‑wazzan s‑lfrḥ ġ‑waḥlig‑inu.

luqa 6:35

walaynni ḥnnwat ġ‑inuwwašn‑nnun, ar‑asn‑tskarm lh̬ir. rṭṭlat bla‑da‑tswingimm a‑tamẓm arṭṭal‑nnun tigira. ġmkad a‑s‑ra‑tgm tarwa n‑rbbi amattuy, tili‑awn lbaraka iggutn. ašku ntta ar‑itfulki d‑willi‑t‑ur‑tškarnin d‑willi skarnin ma‑yʷh̬šnn.

irqqasn 14:10

yini‑as s‑wawal itjhhdn: «nkr‑d, tbiddt f‑iḍarn‑nnk,» s‑yukʷi ibidd f‑iḍarn‑ns iftu.

irqqasn 3:8

yakʷi ibidd f‑iḍarn‑ns iftu. ikšm didsn s‑tgmmi n‑rbbi ar‑ifttu ar‑itakʷi ar‑italġ rbbi.

irqqasn 5:41

ffuġn irqqasn zġ‑lmḥkama, frḥn bahra ašku iga‑tn rbbi d‑wid‑f‑irḍa aylliġ rfufnn f‑ism n‑yasuɛ.

ruma 5:3

walaynni urd ġir mayan a‑s‑a‑ntfraḥ. ar‑ntfraḥ ula s‑trfufnt nna‑darnnġ‑illan, ašku nssn izd s‑trfufnt a‑s‑ra‑ginnġ‑itzayad ṣṣbr.

2 kurintus 12:10

ar‑tqnaɛġ nkki ġakud nna‑ḍɛfġ, ula ġakud nna‑yyi‑rgmn mddn ula ġakud nna‑kkatġ tammara ar‑trfufunġ ar‑zrayġ ġ‑tnukmut f‑ssibt l‑lmasiḥ. ašku ġakud nna‑ḍɛfġ, hati tjhhdġ.

kulussi 1:24

frḥġ ġilad s‑trfufnt‑ad ġ‑a‑zrayġ f‑ssibt‑nnun. ašku ar‑tkmmalġ s‑ddat‑inu ma‑iqaman ġ‑trfufnt l‑lmasiḥ f‑ssibt n‑ddat‑ns lli‑igan amnaggar n‑mddn‑ns.

2 timutaws 2:12

iġ‑a‑ntṣbar ra‑dids‑ntḥkam. iġ‑nenna ur‑t‑nssin ra‑yini ur‑aġ‑issin.

iɛbrin 11:26

iḥasb ntta tadallit lli‑ġ‑illa f‑ssibt l‑lmasiḥ is‑tɛzza uggʷar n‑tmih̬ar n‑miṣr, ašku ar‑n‑itrju ġ‑lbaraka lli‑ra‑yili tigira.

iɛbrin 11:6

walaynni yan ur‑yuminn rbbi, ur‑ra‑yiẓḍar a‑yamẓ rrḍa‑ns. ašku wanna iran a‑n‑yakmur s‑rbbi, iqqan‑t‑id a‑yamn is‑illa rbbi, yujad a‑ibark wanna‑t‑isiggiln.

yaɛqub 1:2

frḥat bahra ay‑aytma ġakud nna‑ttyaramm s‑tnukmut nna‑illan,

1 bṭrus 4:13

walaynni frḥat lliġ tkšmm d‑lmasiḥ ġ‑trfufnt, baš a‑tfrḥm s‑uggʷar ġakud lliġ ra‑d‑iban lmjd‑ns i‑kullu mddn.

anurẓm 2:17

wanna dar imzgan, iqqan‑t‑id a‑isfld i‑mayd ittini rruḥ lqudus i‑imnaggarn. kullu wanna inran, rad‑as‑fkġ zġ‑uġrum intln lli‑mi‑ttinin ‹manna›. fkġ‑as ula yan‑uẓru umlil, ityara gis yan‑ism l‑ljdid ur‑t‑issin yan abla ġwalli mi ityawfka.

anurẓm 2:26

kullu wanna inran ar‑iskar mad‑riġ ar isiggʷra, rad‑as‑fkġ taẓḍḍart f‑tmizar n‑ddunit ġmklli‑yyi‑ifka baba rbbi. ra‑tnt‑iḥkam s‑uɛmud n‑uwzzal, irẓ‑tnt zund irukutn n‑idqqi.

anurẓm 2:7

wanna dar imzgan, iqqan‑t‑id a‑isfld i‑mayd ittini rruḥ lqudus i‑imnaggarn. kullu wanna inran, rad‑as‑fkġ a‑išš zġ‑lġllt n‑usġar n‑tudrt lli‑illan ġ‑talɛrṣt l‑lmjd n‑rbbi.

anurẓm 21:7

imma wanna inran, rad‑as‑fkġ lwrt‑ad: rad‑gġ rbbi‑ns, ig ntta iwi.

anurẓm 3:12

kullu wanna inran, ra‑t‑gġ d‑tannalt ġ‑tgmmi n‑rbbi‑nu, ur‑sar‑tt‑iffuġ. ra‑fllas‑araġ ism n‑rbbi‑nu d‑ism n‑tmdint n‑rbbi‑nu, a‑stt‑igan d‑urušalim l‑ljdid lli‑ra‑d‑igguz zġ‑ignna zġ‑dar rbbi‑nu, araġ fllas ula ism‑inu l‑ljdid.

anurẓm 3:5

kullu wanna inran, ra‑ils ula ntta timlsit tumlilt. rad‑addrġ ism‑ns ġ‑dar baba rbbi ula lmalayka‑ns, iniġ fllas izd winu a‑iga. ur‑sar‑kkisġ ism‑ns zġ‑warra n‑tudrt.