luqa 6:21 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²¹ imbarkin a‑tgam a‑willi yaġ laẓ ġilad, ašku kunni a‑ra‑išbɛ. imbarkin a‑tgam a‑willi allanin ġilad, ašku kunni a‑ra‑iḍṣṣa.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²¹ ءيمباركين ا‑تگام ا‑ويلّي ياغ لاژ غيلاد، اشكو كونّي ا‑را‑يشبع. ءيمباركين ا‑تگام ا‑ويلّي الّانين غيلاد، اشكو كونّي ا‑را‑يضصّا.

luqa 6:21 Iomraidhean Croise

matta 5:4

imbarkin ad‑gan ġwilli allanin, ašku ntni a‑mi‑ra‑isfiḍ rbbi imṭṭawn‑nsn.

matta 5:6

imbarkin ad‑gan ġwilli yaġ laẓ ula irifi i‑ma‑irḍan rbbi, ašku ntni a‑ra‑išbɛ.

luqa 1:53

iššbaɛ s‑tmih̬ar ġwilli inġa laẓ, irar ayt‑wayda bla yat.

luqa 6:20

issmaqql yasuɛ ġ‑imḥḍarn‑ns yini‑asn: «imbarkin a‑tgam a‑willi ḥtajjanin, ašku kunni a‑mi‑tlla‑tgldit n‑rbbi.

luqa 6:22

imbarkin a‑tgam iġ‑kʷn‑kurhan mddn ssufġn‑kʷn rgmn‑kʷn ar‑fllawn‑ttinin ‹kunni tʷh̬šnm› f‑ssibt n‑ma‑tgam win yus n‑bnadm.

luqa 6:25

taguḍi a‑rad‑awn‑yili, a‑willi šbɛanin ġilad, ašku ra‑kʷn‑yaġ laẓ. taguḍi a‑rad‑awn‑yili, a‑willi ḍṣṣanin ġilad, ašku ra‑kʷn‑tigʷraẓ ar‑tallam.

yuḥanna 11:35

ar‑yalla yasuɛ.

yuḥanna 4:10

isawl yasuɛ yini‑as: «mrad is‑tssnt tawafka n‑rbbi ula ma‑iga ġwad‑am‑innan ‹fk‑iyi ad‑suġ,› ikun tḍalbt‑iyi fkġ‑am aman n‑tudrt.»

yuḥanna 6:35

isawl yasuɛ yini‑asn: «nkki a‑igan aġrum n‑tudrt. wanna‑d‑sri‑yuškan, ur‑sar‑t‑yaġ laẓ. wanna sri yumnn, ur‑sar‑t‑yaġ irifi.

1 kurintus 4:11

sul s‑ġilad ar‑ntqama s‑laẓ ula irifi. idrbaln a‑nlssa, d‑ibariqn a‑nštta, ula darnnġ maniġ a‑ntgawar.

2 kurintus 11:27

ar‑kkatġ takrrayt ar‑kkatġ tammara. mnnawt‑twal ad‑ssikkiġ iṭs, ur‑ššiġ ula swiġ. ur‑dari mad‑šttaġ ula mad‑lssaġ ula maniġ a‑tntalġ i‑usmmiḍ.

2 kurintus 12:10

ar‑tqnaɛġ nkki ġakud nna‑ḍɛfġ, ula ġakud nna‑yyi‑rgmn mddn ula ġakud nna‑kkatġ tammara ar‑trfufunġ ar‑zrayġ ġ‑tnukmut f‑ssibt l‑lmasiḥ. ašku ġakud nna‑ḍɛfġ, hati tjhhdġ.

2 kurintus 6:10

wah̬h̬a da‑ginnġ‑itqama lḥal, ar‑bdda‑ntfraḥ. wah̬h̬a nga imẓlaḍ, iggut ma‑zginnġ‑itamẓn lh̬ir. wah̬h̬a ur‑darnnġ yat, nṭṭaf kraygatt kra.

yaɛqub 1:12

ambarki a‑iga wanna iṣbrn izgan ġ‑tasaɛt n‑tnukmut. ašku lliġ ityaram sul‑izga, rad‑as‑yili ttaj n‑tudrt idumn lli‑f‑inna rbbi ra‑t‑ifk i‑willi ranin rbbi.

anurẓm 21:3

sfldġ i‑yan‑wawal itjhhdn isawl‑d zġ‑dar lɛrš yini: «hati ġ‑gr bnadm a‑ġ‑ra‑tili‑tzdġt n‑rbbi, izdġ ġilad ġ‑wammas‑nsn, gn ayt‑dars. rbbi rad‑didsn‑yili, ig rbbi‑nsn.

anurẓm 7:16

ur‑sar‑tn‑inġi laẓ ula irifi. ur‑sar‑tn‑tut tafukt ula ijawan.