luqa 6:13 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹³ lliġ‑d‑iġli‑wass iġr‑d i‑imḥḍarn‑ns s‑dars. isti zġ‑gisn sin d‑mraw, ig‑tn d‑irqqasn‑ns.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹³ لّيغ‑د‑يغلي‑واسّ ءيغر‑د ءي‑يمحضارن‑نس س‑دارس. ءيستي زغ‑گيسن سين د‑مراو، ءيگ‑تن د‑يرقّاسن‑نس.

luqa 6:13 Iomraidhean Croise

matta 10:2

ġmkad ad‑gan ismawn n‑irqqasn s‑sin d‑mraw: amzwaru simɛan lli‑mi‑ttinin bṭrus, ntta d‑gʷmas andraws, d‑yaɛqub yus n‑zabdi, ntta d‑gʷmas yuḥanna,

matta 19:28

yini‑asn yasuɛ: «lḥqq a‑rad‑awn‑iniġ, ġakud lliġ rad‑gawrġ nkki lli‑igan yus n‑bnadm f‑lɛrš l‑lmjd‑inu ġ‑ddunit l‑ljdid, ra‑tgawrm ula kunni lli‑didi‑itmunun f‑sin d‑mraw l‑lɛrš ar‑ttḥkamm f‑kullu ayt‑rbbi.

matta 9:36

lliġ imnad ġ‑mddn‑an ggutnin, qaman gis bahra, ašku iẓra tammara d‑taġuft lli‑ġ‑llan zund ulli bla amksa.

marqus 6:30

wrrin‑d irqqasn lli‑yuzn yasuɛ, inin‑as f‑kullu mad‑skrn d‑kullu mad‑sslmadn.

marqus 6:7

iġr‑d i‑imḥḍarn‑ns s‑sin d‑mraw s‑dars, yazn‑tn sin s‑sin ifk‑asn taẓḍḍart ad‑ssufuġn ljnun ʷh̬šnnin.

luqa 11:49

d‑ġayan a‑f‑tnna‑tḥkimt n‑rbbi: ‹rad‑asn‑aznġ lanbiya d‑irqqasn, nġn gisn kra ssrfufnn kra.›

luqa 22:30

a‑tšttam ar‑tssam ġ‑dar lmida‑nu ġ‑tgldit‑inu, tgawrm f‑lɛruš ar‑ttḥkamm f‑kullu ayt‑rbbi.»

luqa 6:14

isti simɛan ifk‑as ism l‑ljdid ‹bṭrus›, isti andraws gʷmas n‑simɛan. isti yaɛqub d‑yuḥanna d‑filibbus d‑bartulamaws

yuḥanna 4:33

sqsan imḥḍarn i‑ngratsn: «is‑illa mad‑as‑d‑yiwin ma‑ištta?»

irqqasn 1:13

lliġ lkmn tamdint ġlin s‑uḥanu n‑uflla lli‑ġ‑a‑tgawarn. illa bṭrus d‑yuḥanna d‑yaɛqub d‑andraws d‑filibbus d‑tuma d‑bartulamaws d‑matta d‑yaɛqub yus n‑ḥalfa d‑simɛan awaṭani d‑yahuda yus n‑yaɛqub.

afsus 2:20

lli‑ibnnu f‑llsas n‑irqqasn d‑lanbiya, ig lmasiḥ yasuɛ aẓru imqqurn n‑uġẓu.

afsus 4:11

nttan a‑ifkan i‑kra ginnġ ad‑gn irqqasn‑ns, ifk i‑wiyyaḍ ad‑sawaln s‑mad‑asn‑imala rbbi, ifk i‑wiyyaḍ ad‑tbrraḥn s‑lh̬bar ifulkin, ifk i‑wiyyaḍ ad‑tgabaln ar‑sslmadn mddn‑ns

iɛbrin 3:1

way‑aytma imẓlayn lli‑mi‑d‑iġra rbbi ad‑kšmn s‑tamunt‑ad, swingimad‑d yasuɛ lli‑d‑ityazann a‑ig anmġur ihiyyan l‑liman lli‑ġ‑numẓ.

2 bṭrus 3:2

riġ a‑di‑tktim iwaliwn lli‑s‑nnan lanbiya n‑rbbi ġayd izrin, tktim‑d almmud lli‑f‑kʷn‑yuṣṣa‑unjjam siditnnġ f‑imi n‑irqqasn‑nnun.

anurẓm 12:1

tban ilmma yat‑tmatart imqqurn ġ‑ignwan. tga zund yat‑tmġart ilsan tafukt, yili‑wayyur ġ‑ddu iḍarn‑ns, yili f‑ih̬f‑ns yan‑ttaj n‑sin d‑mraw n‑itri.

anurẓm 18:20

frḥat ay‑ayt‑ignna s‑lhalak‑ns, tfrḥm ay‑imẓlayn n‑rbbi d‑irqqasn‑ns d‑lanbiya, ašku izzugz‑d fllas rbbi‑nnun lɛqubit f‑ġaylli‑awn‑tskr.»

anurẓm 21:14

llan sin d‑mraw n‑uẓru ġ‑llsas n‑uġʷrab n‑tmdint, tyaran gisn ismawn n‑sin d‑mraw n‑urqqas n‑ulqqaġ.