luqa 6:12 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² yan‑wass ġ‑uwssan‑an iġli yasuɛ s‑yan‑uwrir a‑iẓẓall. izzri iḍ kullut ar‑itẓalla ar‑itḍalab rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² يان‑واسّ غ‑ووسّان‑ان ءيغلي ياسوع س‑يان‑وورير ا‑يژّالّ. ءيزّري ءيض كولّوت ار‑يتژالّا ار‑يتضالاب ربّي.

luqa 6:12 Iomraidhean Croise

matta 5:1

lliġ iẓra yasuɛ mddn ggutnin uškan‑d s‑dars, iġli s‑yan‑uwrir iskiws, munn‑d fllas imḥḍarn‑ns.

matta 6:6

imma kiyi ġakud nna‑trit a‑tẓẓallt, kšm s‑tḥanut‑nnk tqqnt tiflut tẓẓallt i‑babak lli‑intln, ra‑k‑ibark babak lli‑iẓrran ma‑intln.

marqus 1:35

inkr‑d yasuɛ ġ‑tillas n‑ṣṣbaḥ, iffuġ iftu s‑yan mani ġ‑ur‑illi yan, ar‑ġin‑itẓalla.

marqus 3:13

iġli yasuɛ s‑yan‑uwrir iġr‑d i‑willi ira, aškin‑d s‑dars.

marqus 6:46

tiġurdin n‑ma‑didsn‑ibḍa iddu s‑yan‑uwrir a‑iẓẓall.

luqa 5:16

imma ntta ar‑tn‑ifal iddu s‑mani ih̬wan a‑n‑gis‑iẓẓall.

luqa 6:11

imma ntni nkrn‑d gisn iriyn, bdun ar‑tmšawarn i‑ngratsn f‑ma‑rad‑skrn i‑yasuɛ.

luqa 6:17

lliġ‑d‑igguz yasuɛ d‑irqqasn‑ns, ibidd ġ‑yan‑udġar yastwan. munn‑d fllas kigan d‑imḥḍarn‑ns d‑mddn yaḍni ggutnin. uškan‑d zġ‑tsgiw n‑yudaya ula urušalim ula zġ‑tmdinin n‑ṣur d‑ṣayda lli‑llanin ġ‑tama n‑umda imqqurn.

luqa 9:18

yan‑wass ar‑itẓalla yasuɛ waḥdut, aškin‑d dars imḥḍarn‑ns. isqsa‑tn: «ma‑flla‑ttinin mddn, mad‑giġ nkki?»

luqa 9:28

izri ma‑itggan tam‑uwssan tigira n‑mayan, iftu yasuɛ iġli s‑yan‑uwrir a‑iẓẓall, yawi dids bṭrus d‑yuḥanna d‑yaɛqub.

luqa 9:29

lliġ a‑itẓalla tbddl ssift n‑uwdm‑ns, wrrint‑tmlsa‑ns mllulnt bahra aylliġ a‑ssmrqiqiynt.

yuḥanna 6:3

iġli yasuɛ s‑yan‑uwrir, igawr ġin ntta d‑imḥḍarn‑ns.

kulussi 4:2

zaydat ar‑bdda‑ttẓallam ar‑tḍalabm rbbi, trarm lɛaql s‑mad‑as‑ttinim ar‑ti‑ttškarm bahra.

iɛbrin 5:7

ġ‑uwssan lli‑ġ‑iṭṭaf yasuɛ ddat n‑bnadm, ar‑itẓalla ar‑itḍalab s‑tġuyya d‑imṭṭawn i‑walli iẓḍarn a‑t‑issanf i‑lmut. isfld‑as rbbi ašku ifka ih̬f‑ns a‑iskr ma‑t‑irḍan.