luqa 5:17 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁷ yan‑wass yasuɛ ar‑isslmad mddn. gawrn ġ‑gratsn kra n‑mddn l‑lmdhb n‑ifarisin d‑kra n‑imslmdn n‑ššrɛ, uškan‑d zġ‑kullu timdinin n‑jalil ula zġ‑yudaya d‑tmdint n‑urušalim. yasuɛ tlla‑gis‑tḥkimt itjhhdn n‑rbbi a‑ijjujji imuḍan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁷ يان‑واسّ ياسوع ار‑يسّلماد مدّن. گاورن غ‑گراتسن كرا ن‑مدّن لّمدهب ن‑يفاريسين د‑كرا ن‑يمسلمدن ن‑شّرع، ءوشكان‑د زغ‑كولّو تيمدينين ن‑جاليل ءولا زغ‑يودايا د‑تمدينت ن‑وروشاليم. ياسوع تلّا‑گيس‑تحكيمت ءيتجهّدن ن‑ربّي ا‑يجّوجّي ءيموضان.

luqa 5:17 Iomraidhean Croise

matta 11:5

ha‑ibukaḍn ar‑ttisfiwn, ikušamn ar‑fttun, injdamn ar‑tġusn, iḍrḍar ar‑sflidn, ġwilli mmutnin ar‑d‑nkkrn ula imẓlaḍ ar‑tn‑ilkkm lh̬bar ifulkin.

matta 15:1

aškin‑d kra n‑ifarisin d‑imslmdn n‑ššrɛ zġ‑tmdint n‑urušalim s‑dar yasuɛ. sqsan‑t:

marqus 1:45

imma ntta iffuġ ġakudan ar‑isawal bahra f‑yasuɛ, ar‑itawi lh̬bar n‑mad‑as‑ijran aylliġ ur‑sul‑iẓḍar yasuɛ a‑ikšm ibayyn s‑kra n‑uduwwar. iqama ġ‑lh̬la ar‑n‑dars‑ttaškin mddn zġ‑kraygatt tasga.

marqus 16:18

iġ‑usin ilgmmaḍn ula iġ‑swan kra inqqan ur‑ra‑tn‑iḍrru. rad‑srasn ifassn‑nsn f‑imuḍan jjin.»

marqus 3:22

imma imslmdn n‑ššrɛ lli‑d‑uškanin zġ‑tmdint n‑urušalim, ar‑ttinin: «illa gis ‹bɛl‑zabul.› hati s‑tḥkimt n‑ugllid l‑ljnun a‑s‑a‑issufuġ ljnun.»

marqus 5:30

issḥssa yasuɛ is‑zgis‑tffuġ kra l‑lbaraka, igrawl ġ‑mddn‑an yini‑asn: «ma‑d‑iggrn i‑tmlsit‑inu?»

marqus 7:1

munn‑d ifarisin f‑yasuɛ ntni d‑kra n‑imslmdn n‑ššrɛ lli‑d‑uškanin zġ‑tmdint n‑urušalim.

luqa 15:2

ar‑tngmugn ifarisin d‑imslmdn n‑ššrɛ ar‑ttinin: «han argaz‑an ar‑ištta d‑willi ʷh̬šnnin ar‑srsn‑itfraḥ.»

luqa 2:46

ar wis kraḍ‑uwssan a‑t‑in‑ufan ġ‑gr imslmdn n‑ššrɛ ġ‑tgmmi n‑rbbi, ar‑asn‑isflid ar‑tn‑isqsa.

luqa 5:21

bdun imslmdn‑lli n‑ššrɛ d‑ifarisin ar‑swingimn d‑ih̬fawn‑nsn: «ma‑iga ġwad ar‑isawal s‑lkufr? ma‑iẓḍarn a‑issitti ddnub abla rbbi waḥdut?»

luqa 5:30

imma ifarisin d‑imslmdn n‑ššrɛ zġ‑lmdhb‑nsn ar‑ssngmugn f‑imḥḍarn n‑yasuɛ inin‑asn: «mah̬ aylliġ a‑tšttam ar‑tssam d‑willi tamẓnin nkkas ula mddn‑an ʷh̬šnnin?»

luqa 6:19

ar‑di‑takmurn mddn kullutn ad‑as‑ggrn, ašku ar‑zgis‑ttffuġ lbaraka. ar‑tn‑ijjujji kullutn.

luqa 7:30

walaynni ifarisin d‑imslmdn n‑ššrɛ ffuġn zġ‑ma‑gisn‑iqṣad rbbi, agʷin ad‑ddmn f‑ufus‑ns.

luqa 8:46

imma yasuɛ inna: «iggr‑iyi‑d kra n‑yan, ašku ssḥssaġ is‑zgigi‑tffuġ kra l‑lbaraka.»

yuḥanna 3:10

yini‑as yasuɛ: «kiyi tgit amslmd n‑ayt‑rbbi, sul ur‑tssint tiġawsiwin‑ad?

yuḥanna 3:21

imma wanna iskarn s‑lḥqq, ar‑d‑itffuġ s‑tifawt baš ad‑d‑bayynn iskkirn‑ns izd s‑wawal n‑rbbi a‑s‑a‑iskar.

irqqasn 19:11

ar‑iskar rbbi lmɛjizat f‑ufus n‑bulus, ur‑jju‑ẓrin mddn zund ntnti.

irqqasn 4:30

mdi‑d afus‑nnk a‑tjjujjit, ar‑tskart lmɛjizat d‑tmitar tjhhdnin s‑ism n‑uh̬ddam‑nnk amẓlay yasuɛ.»

irqqasn 5:34

walaynni inkr yan gisn ġ‑wammas l‑lmḥkama, ism‑ns gamalyal. iga zġ‑lmdhb n‑ifarisin, ig amslmd n‑ššrɛ, ar‑ti‑tuqqarn mddn kullutn. yini‑asn ad‑ssufġn irqqasn yan imikk.