luqa 4:6 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁶ yini‑as: «rad‑ak‑fkġ a‑tḥkamt kullu mayad, yili‑ak lmjd‑ns kullut, ašku nkki a‑mi‑ityawfka a‑t‑fkġ i‑wanna riġ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁶ ييني‑اس: «راد‑اك‑فكغ ا‑تحكامت كولّو ماياد، ييلي‑اك لمجد‑نس كولّوت، اشكو نكّي ا‑مي‑يتياوفكا ا‑ت‑فكغ ءي‑وانّا ريغ.

luqa 4:6 Iomraidhean Croise

luqa 4:7

iġ‑iyi‑tsjdt, kullu mayad ra‑ig winnk.»

yuḥanna 12:31

ašku ġilad a‑ra‑ittut lḥukm f‑ddunit. ġilad a‑ra‑n‑ityawgar‑ugllid n‑ddunit‑ad.

yuḥanna 14:30

ur‑ra‑sul‑didun‑sawlġ bahra. ra‑d‑yašk ġwalli itḥkamn ġ‑ddunit‑ad, imma ntta ur‑dars‑flla yat.

yuḥanna 8:44

win babatun iblis a‑tgam, ar‑ttirim a‑tskarm ma‑irḍan babatun. iga wad inqqan zġ‑isizwar, ur‑jju‑iskir s‑lḥqq ašku lḥqq ur‑dars‑illi. ġakud nna‑isskarks ar‑iskar s‑ma‑gis‑illan, ašku bu‑tkrkas a‑iga, ig babas n‑kullu ma‑isskirkisn.

2 kurintus 11:14

ur‑igi ġayad lɛjb, ašku šiṭan ula nttan ar‑itbddal ssift‑ns baš a‑irwas yal‑lmalak ifawn.

afsus 2:2

tkkam‑ttin ar‑ttidum ġ‑uġaras n‑ddunit‑ad, ar‑ttḍfarm lquwwa yʷh̬šnn lli‑itjhhdn ġ‑ignwan. tga rruḥ lli‑itḥkamn ġilad ġ‑ġwilli ur‑sflidnin s‑rbbi.

1 bṭrus 1:24

ašku ityara: «bnadm iga zund tuga, tg lhibt‑ns zund ajddig n‑tuga. tsllaw tuga yasus‑ujddig,

1 yuḥanna 5:19

nssn is‑nga tarwa n‑rbbi, tili ddunit kullutt ġ‑ddu‑ufus n‑iblis.

anurẓm 12:9

ityawgar‑n‑ulgmmaḍ‑an imqqurn s‑iyzdar. nttan a‑mi‑ttinin ‹iblis› ula ‹šiṭan›, ig abnkal aqdim lli‑ijllun kullu imzdġn n‑ddunit. ityawgar‑n s‑wakal ntta d‑lmalayka‑ns.

anurẓm 13:2

ig‑waġʷẓn‑an zund agrzam, ṣḥun iḍarn‑ns ilin‑gisn‑wah̬bbašn mqqurnin, ig imi‑ns zund imi n‑izm. ifk‑as‑ulgmmaḍ lḥukm‑ns ula taẓḍḍart itjhhdn n‑tgldit‑ns.

anurẓm 13:7

ittfk‑as a‑itmmaġ d‑imẓlayn n‑rbbi inru‑tn, ittfk‑as a‑iḥkam ġ‑mddn n‑kraygatt taqbilt d‑tasut d‑lluġa d‑tmazirt.