luqa 3:7 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ aškin‑d mddn ggutnin s‑dar yuḥanna, irin a‑tn‑issddm ġ‑waman. imma ntta inna‑yasn: «wa‑tarwa n‑ifaġrn, mad‑awn‑innan izd ġmkad a‑s‑ra‑tanfm i‑lɛqubit lli‑ra‑ittut f‑ddunit?

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ اشكين‑د مدّن گّوتنين س‑دار يوحانّا، ءيرين ا‑تن‑يسّدّم غ‑وامان. ءيمّا نتّا ءينّا‑ياسن: «وا‑تاروا ن‑يفاغرن، ماد‑اون‑ينّان ءيزد غمكاد ا‑س‑را‑تانفم ءي‑لعقوبيت لّي‑را‑يتّوت ف‑دّونيت؟

luqa 3:7 Iomraidhean Croise

matta 12:34

wa‑tarwa n‑ifaġrn, mamnk a‑ra‑tiẓḍarm a‑tsawalm s‑ufulki d‑kunni tʷh̬šnm? hati aynna‑s‑iɛmmr‑uwl a‑s‑a‑d‑isawal imi.

matta 23:33

wa‑ilgmmaḍn, wa‑tarwa n‑ifaġrn, mamnk a‑ra‑tnjmm zġ‑lhalak n‑jhnnama?

matta 3:6

ar‑tqrran s‑ddnub‑nsn, ar‑tn‑issddam ġ‑wasif n‑urdun.

yuḥanna 8:44

win babatun iblis a‑tgam, ar‑ttirim a‑tskarm ma‑irḍan babatun. iga wad inqqan zġ‑isizwar, ur‑jju‑iskir s‑lḥqq ašku lḥqq ur‑dars‑illi. ġakud nna‑isskarks ar‑iskar s‑ma‑gis‑illan, ašku bu‑tkrkas a‑iga, ig babas n‑kullu ma‑isskirkisn.

irqqasn 13:10

yini‑as: «wa‑yus n‑iblis, tgit amḍaḍḍ i‑kullu ma‑ira rbbi. tɛmmrt s‑tkrkas d‑tillay ʷh̬šnnin. ar‑bdda‑tsslullit iġarasn ʷġẓannin n‑siditnnġ.

1 tasaluniki 1:10

ar‑ttinin f‑mamnk a‑ttqlm ġilad s‑yus lli‑d‑issnkr zġ‑lmut ar‑d‑iwrri zġ‑ignna, a‑t‑igan d‑yasuɛ lli‑aġ‑ijjnjmn zġ‑lġaḍab lli‑ra‑ittut f‑ddunit.

iɛbrin 6:18

ašku sin‑ad, ur‑illi ma‑iẓḍarn a‑tn‑igllb ula iẓḍar rbbi a‑fllasn‑isskarks. ġmkan a‑iskr f‑ssibt‑nnġ nkkʷni lli‑gis‑izawgn, baš a‑bahra‑nzɛm namẓ s‑uggʷar ġ‑rrja lli‑aġ‑ifka.

1 yuḥanna 3:8

imma wanna iskarn ddnub, win iblis a‑iga, ašku iblis ar‑iskar ddnub zġ‑isizwar. mayad a‑f‑d‑yuška yus n‑rbbi: yuška‑d a‑ihlk iskkirn n‑iblis.