luqa 3:11 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ irar‑asn: «wanna iṭṭafn sin iqšban, ifk yan i‑wanna ur‑dar‑illi. wanna dar ma‑ištta, ibḍu‑t d‑wiyyaḍ.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ ءيرار‑اسن: «وانّا ءيطّافن سين ءيقشبان، ءيفك يان ءي‑وانّا ءور‑دار‑يلّي. وانّا دار ما‑يشتّا، ءيبضو‑ت د‑وييّاض.»

luqa 3:11 Iomraidhean Croise

matta 25:40

rad‑asn‑rarġ, nkki lli‑igan agllid, ‹lḥqq a‑rad‑awn‑iniġ, ġakud nna‑ti‑tskrm ġ‑yan zġ‑aytma‑yad mẓẓinin, hati tskrm‑t gigi nkki.›

luqa 11:41

walaynni fkat i‑imẓlaḍ ma‑illan ġ‑irukutn‑nnun, s‑awn‑iġus kraygatt kra.

luqa 18:22

lliġ isfld yasuɛ i‑mayad yini‑as: «yat‑tġawsa ad‑ak‑iqaman. zayd tzznzt kullu mad‑dark‑illan tfkt‑t i‑imẓlaḍ, yili‑ak‑wayda ġ‑ignna. taškid‑d ilmma tmunt didi.»

luqa 19:8

imma zakka inkr ibidd f‑iḍarn‑ns yini i‑siditnnġ: «ġilad a‑sidi, rad‑fkġ mnaṣṣ n‑wayda‑nu i‑imẓlaḍ. iġ‑ššiġ kra n‑yan s‑lġʷšš rad‑as‑t‑rarġ f‑kkuẓṭ‑twal.»

yuḥanna 13:29

kra gisn iġal is‑as‑t‑inna ašku yahuda a‑dar‑illa ṣṣnduq n‑iqaridn‑nsn. ġaln is‑t‑yuṣṣa yasuɛ a‑iddu a‑d‑isġ ġaylli‑tn‑ih̬ṣṣan i‑lɛid, nġd a‑n‑ifk kra i‑imẓlaḍ.

irqqasn 10:2

ar‑itɛbad rbbi yiri bdda a‑t‑irḍu, nttan ula kullu ayt‑tgmmi‑ns. ar‑yakka ma‑iggutn i‑imẓlaḍ n‑ayt‑yudaya, ar‑bdda‑itẓalla ar‑itḍalab rbbi.

irqqasn 10:31

yini‑yyi: ‹wa‑kurnilyus, isfld rbbi i‑tẓulla‑nnk, ur‑ittu maylli takkat i‑imẓlaḍ.

irqqasn 10:4

issmaqql gis kurnilyus yiksaḍ bahra yini: «mad‑dari‑trit a‑sidi?» izayd lmalak yini‑as: «hati iqbl rbbi tiẓulla‑nnk ula maylli takkat i‑imẓlaḍ, irḍu fllak.

afsus 4:28

imma wanna igan amh̬h̬ar, ih̬ṣṣa‑t a‑ur‑sul‑itakʷr. yili fllas a‑igr ġ‑kra n‑twuri, ih̬dm s‑ifassn‑ns ġ‑kra išwan, baš a‑dars‑yili ma‑yakka i‑willi ur‑dar yat.

1 timutaws 6:17

ini i‑willi dar iggut‑wayda n‑ddunit‑ad, a‑ur‑ssimġurn ih̬f‑nsn ula‑da‑tawin rrja s‑maylli ur‑ssinn is‑rad‑darsn‑iqama. tinit‑asn ad‑gn rrja ġ‑rbbi lli‑irḍan ad‑aġ‑yakka kullu ma‑igan lh̬ir a‑srs‑ntfraḥ.

1 timutaws 6:18

ini‑asn ad‑skarn afulki, igatn darsn iskkirn šwanin, ar‑tɛawann ar‑akkan i‑wiyyaḍ.

iɛbrin 6:10

nttan, s‑lḥqq a‑s‑a‑itḥkam. ur‑ra‑ittu tawuri lli‑tskrm ula ittu mamnk a‑tusim ism‑ns s‑lfrḥ tɛawanm imẓlayn‑ns, ar‑tn‑sul‑ttɛawanm.

yaɛqub 1:27

imma yan dar liman ifulkin iṣḥan ġ‑iẓri n‑rbbi babatnnġ, ġmkad a‑ra‑ig: ar‑itɛawan igigiln d‑thjjalin ġ‑tnukmut‑nsn, ar‑itanf i‑irkan n‑ddunit.

yaɛqub 2:14

way‑aytma, mal‑lfaytt a‑ra‑yili iġ‑inna kra n‑yan «ha‑yyi umnġ» walaynni ur‑a‑iskar ifulkitn? is‑ra‑t‑ijjnjm wan liman‑an?

1 yuḥanna 3:17

iġ‑illa yan iṭṭafn lh̬ir iẓr gʷmas iḥtajja walaynni issiqar fllas ul‑ns, mamnk a‑ra‑yini tlla gis lḥnant n‑rbbi?

1 yuḥanna 4:20

iġ‑a‑ittini kra n‑yan «ar‑ttiriġ rbbi» walaynni sul a‑itkrhu gʷmas, hati ar‑isskirkis. ašku iġ‑ur‑a‑ittiri gʷmas lli‑itmnad, mamnk a‑ra‑yiri rbbi lli‑ur‑a‑itmnad?