luqa 24:47 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁷ tffuġ‑tbrraḥt s‑ism‑ns zġ‑urušalim ard tlkm kullu timizar n‑ddunit, sfldn kullu mddn f‑mamnk a‑s‑ẓḍarn ad‑fln ddnub‑nsn iṣamḥ‑asn rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁷ تفّوغ‑تبرّاحت س‑يسم‑نس زغ‑وروشاليم ارد تلكم كولّو تيميزار ن‑دّونيت، سفلدن كولّو مدّن ف‑مامنك ا‑س‑ژضارن اد‑فلن دّنوب‑نسن ءيصامح‑اسن ربّي.

luqa 24:47 Iomraidhean Croise

matta 28:19

ddwat ġilad s‑kraygatt tamazirt, trarm mddn ad‑gn imḥḍarn‑inu, tssddmm‑tn ġ‑waman s‑ism n‑baba d‑yus d‑rruḥ lqudus,

matta 3:2

«flat kullu ma‑tskarm yʷh̬šn, ašku takmur‑d‑tgldit n‑ignna.»

matta 9:13

zaydat tswangmm ġ‑warra n‑rbbi lli‑innan ‹riġ darun lḥnant, urd tiġrsi.› imma nkki, ur‑d‑uškiġ a‑n‑ġrġ i‑willi ġalnin is‑fulkin, walaynni uškiġ‑d a‑n‑ġrġ i‑willi ʷh̬šnnin.»

luqa 13:34

wa‑urušalim, wa‑urušalim, wa‑talli inqqan lanbiya n‑rbbi ar‑tkkatt s‑iẓran ġwilli‑d‑srm‑yuzn. mnnawt‑twal ad‑riġ ad‑d‑ssmunġ tarwa‑nnm ġmklli‑di‑tssmunu‑tfullust ikiyyawn ġ‑ddu ifrawn‑ns, imma kunni ur‑trim.

irqqasn 10:43

nttan a‑f‑sawln lanbiya kullutn ar‑akkan tugga‑nsn ar‑ttinin: s‑ism‑ns a‑s‑ra‑issitti rbbi ddnub f‑kullu wanna srs yumnn.»

irqqasn 11:18

lliġ sfldn mddn‑an i‑ma‑inna bṭrus ur‑sul‑darsn ma‑ttinin. alġn rbbi inin: «hati ifka rbbi i‑ibrraniyn ula ntni ad‑d‑wrrin zġ‑kullu ma‑yʷh̬šnn, kšmn‑d s‑tudrt‑ad idumn.»

irqqasn 13:46

irar‑asn ilmma bulus d‑barnaba s‑zzɛamt inin‑asn: «niwi‑awn‑d awal n‑rbbi ġmklli‑aġ‑d‑iqqann baš a‑tzwurm kunni. imma ġilad ur‑ti‑trim, tgm ih̬fawn‑nnun d‑willi ur‑isthllan ad‑kšmn s‑tudrt idumn. ra‑kʷn‑nfl ġilad nawi‑tt ġ‑ibrraniyn,

irqqasn 2:38

isawl bṭrus yini‑asn: «flat kullu ma‑tskarm yʷh̬šn, iddm kud yan gigun ġ‑waman s‑ism n‑yasuɛ lmasiḥ, ad‑awn‑iṣamḥ rbbi f‑ddnub‑nnun ifk‑awn lbaraka n‑rruḥ lqudus.

irqqasn 20:21

ar‑bdda‑ttiniġ s‑lmɛqul i‑ayt‑yudaya ula ibrraniyn ad‑fln kullu mad‑skarn yʷh̬šn, wrrin s‑rbbi amnn s‑siditnnġ yasuɛ.

irqqasn 26:18

ra‑k‑aznġ a‑trẓmt alln‑nsn, trart‑tn‑d zġ‑tillas s‑tifawt, ula zġ‑lquwwa n‑šiṭan s‑rbbi, baš a‑fllasn‑ittin ddnub‑nsn, wrrin ṭṭafn taġamt ġ‑gr ġwilli ẓliġ ad‑gn winu f‑ssibt n‑mad‑sri‑umnn.›

irqqasn 26:20

ffuġġ ar‑tbrraḥġ ġ‑dimašq, dduġ ilmma ar‑tbrraḥġ ġ‑urušalim ula ġ‑kullu tamazirt n‑yudaya ula timizar n‑ibrraniyn. ar‑asn‑ttiniġ is‑tn‑ih̬ṣṣa ad‑fln kullu ma‑yʷh̬šnn wrrin s‑rbbi, ar‑skarn afulki baš a‑iban is‑fln ma‑yʷh̬šnn.

irqqasn 28:28

f‑mayan a‑f‑rad‑awn‑iniġ, ajnjm‑ad ifka‑t rbbi ġilad i‑ayt‑tmizar yaḍni. ntni a‑ra‑srs‑isfld.»

irqqasn 3:19

mayad a‑f‑rad‑awn‑iniġ, flat kullu ma‑tskarm yʷh̬šn, twrrim‑d s‑rbbi a‑fllawn‑issitti ddnub‑nnun,

irqqasn 4:12

ur‑iẓḍar yan a‑injm zġ‑lhalak abla srs nttan, ašku ur‑illi ġ‑ddu ignwan kra n‑ism yaḍni ifka‑t rbbi ma‑s‑a‑itnjam bnadm.»

irqqasn 5:31

issattuy‑t s‑ufasiy‑ns baš a‑ig agllid d‑unjjam i‑ayt‑rbbi, iskr‑asn aġaras ma‑s‑a‑di‑twrrin zġ‑kullu ma‑yʷh̬šnn, issitti fllasn ddnub‑nsn.

ruma 5:20

ifk ilmma rbbi ššrɛ baš ad‑igatn lmɛṣiyat. walaynni ġunšk lli‑ttigatn ddnub uggʷar‑an a‑tga lḥnant n‑rbbi.

afsus 1:6

ar‑t‑bahra‑ntalġ f‑lḥnant‑ad iggutn lli‑s‑aġ‑ibark f‑uwdm n‑yus iɛzzan

afsus 3:8

wah̬h̬a mẓẓiġ bahra ġ‑gr kullu imẓlayn n‑rbbi, ifka‑yyi lbaraka‑yad ad‑tbrraḥġ i‑ayt‑tmizar n‑ddunit f‑tmih̬ar l‑lmasiḥ lli‑ugʷrnin kullu iswingimn n‑bnadm.

kulussi 1:27

iqṣad ad‑aġ‑d‑iml taġawsa‑yad bahra ifulkin ihiyyan lli‑s‑ra‑ibark kullu timizar n‑ddunit. ġmkad a‑tga: illa lmasiḥ ġ‑uwl‑nnun ad‑awn‑ifk rrja iṣḥan n‑is‑ra‑n‑tkšmm s‑lmjd‑ns.

1 yuḥanna 2:12

uriġ‑awn‑in a‑tarwa ɛzzanin, ašku rbbi issitti fllawn ddnub‑nnun f‑ism l‑lmasiḥ.