luqa 24:44 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁴ isawl‑daġ yasuɛ yini‑asn: «ġmkad a‑s‑yuwfa maylli‑awn‑nniġ ġ‑uwssan‑an ġ‑sul‑didun‑lliġ. nniġ‑awn, iqqan‑d a‑ijru kullu ma‑flla‑ityaran ġ‑ššrɛ n‑musa ula arratn l‑lanbiya ula imurign n‑rbbi.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁴ ءيساول‑داغ ياسوع ييني‑اسن: «غمكاد ا‑س‑يووفا مايلّي‑اون‑نّيغ غ‑ووسّان‑ان غ‑سول‑ديدون‑لّيغ. نّيغ‑اون، ءيقّان‑د ا‑يجرو كولّو ما‑فلّا‑يتياران غ‑شّرع ن‑موسا ءولا ارّاتن لّانبيا ءولا ءيموريگن ن‑ربّي.»

luqa 24:44 Iomraidhean Croise

matta 1:22

kullu mayad ijra baš a‑yafu maylli inna sidi rbbi f‑ils n‑nnabi ġayd izrin inna:

matta 16:21

zġ‑ġassan a‑ibda yasuɛ ar‑imala i‑imḥḍarn‑ns ma‑rad‑as‑ijru, yini‑asn: «iqqan‑iyi‑d ad‑dduġ s‑tmdint n‑urušalim, rfufnġ bahra f‑ufus n‑imġarn n‑tmazirt d‑inmġurn n‑tgmmi n‑rbbi d‑imslmdn n‑ššrɛ. ra‑yyi‑nġn, walaynni wis kraḍ‑uwssan ra‑d‑nkrġ zġ‑lmut.»

matta 26:54

walaynni iġ‑skrġ mayan, mamnk a‑rad‑afun‑warratn n‑rbbi lli‑mlanin is‑d‑iqqan a‑ijru kullu mayad?»

matta 26:56

walaynni ijra kullu mayad baš a‑yafu ma‑ityaran ġ‑warratn l‑lanbiya.» ġakudan rwln kullu imḥḍarn‑ns fln‑t.

marqus 9:31

ašku ar‑isslmad imḥḍarn‑ns, yini‑asn: «nkki lli‑igan yus n‑bnadm ra‑yyi‑n‑dḥin s‑gr ifassn n‑mddn nġn‑iyi. walaynni ġ‑wis kraḍ‑uwssan ra‑d‑nkrġ zġ‑lmut.»

luqa 21:22

ašku rad‑gn‑uwssan‑an ussan l‑lɛqubit, a‑gisn‑ijru kullu ma‑fllasn‑ityaran ġ‑warratn n‑rbbi.

luqa 22:37

ašku rad‑awn‑iniġ, iqqan‑d a‑ijru maylli flla ityawnnan ġayd izrin ityara: ‹gan‑t d‑yan zġ‑willi ffuġnin zġ‑ššrɛ n‑rbbi.› hati ra‑yafu kullu ma‑flla‑ityaran.»

luqa 24:46

yini‑asn: «ġmkad a‑ityaran, iqqan‑d lmasiḥ n‑rbbi a‑irfufn inkr‑d zġ‑lmut ġ‑wis kraḍ‑uwssan,

luqa 9:22

yini‑asn: «ha‑nkki lli‑igan yus n‑bnadm iqqan‑iyi‑d ad‑bahra‑rfufnġ. ra‑yyi‑n‑luḥn imġarn n‑tmazirt d‑inmġurn n‑tgmmi n‑rbbi d‑imslmdn n‑ššrɛ. ra‑yyi‑nġn, walaynni wis kraḍ‑uwssan ra‑d‑nkrġ zġ‑lmut.»

luqa 9:44

«sfldat i‑ma‑rad‑awn‑iniġ. ha‑nkki lli‑igan yus n‑bnadm, ra‑yyi‑n‑dḥin s‑gr ifassn n‑mddn.»

yuḥanna 3:14

ġmklli yull musa algmmaḍ n‑wanas f‑iggi n‑uggjdi ġ‑lh̬la, ġmkan a‑yyi‑d‑iqqan ad‑tyalalġ ula nkki lli‑igan yus n‑bnadm,

yuḥanna 5:39

kunni ar‑tsiggilm ġ‑warratn n‑rbbi ašku tġalm izd gisn a‑ġ‑ra‑tafm aġaras n‑tudrt idumn. ntni a‑flla‑yakkan tugga,

yuḥanna 5:46

mrad is‑tumnm musa ikun tumnm‑iyi, ašku yura flla.

irqqasn 13:33

hati iskr‑t ġilad ġ‑darnnġ nkkʷni lli‑igan tarwa‑nsn. ašku issnkr‑d yasuɛ zġ‑lmut ġmklli ityaran ġ‑wis sin imurign, inna rbbi: ‹kiyi tgit iwi. babak ad‑giġ ġassad.›

irqqasn 13:40

imma ġilad, rarat lɛaql‑nnun ad‑awn‑ur‑ijru ġmklli nnan lanbiya:

irqqasn 2:27

ur‑ra‑yyi‑tflt ġ‑udġar n‑willi mmutnin, ula ra‑tadjt amẓlay‑nnk a‑irkm ġ‑umḍḍal.

irqqasn 3:18

walaynni ġmkan a‑s‑issuwfa rbbi maylli inna f‑imi l‑lanbiya kullutn, imla‑yasn mamnk a‑d‑iqqan lmasiḥ a‑irfufn.

irqqasn 7:37

musa, nttan a‑innan i‑ayt‑rbbi: ‹rad‑awn‑ifk rbbi yan zġ‑aytmatun a‑ig nnabi zund nkki.›

iɛbrin 10:1

imma ššrɛ n‑ayt‑yudaya iga ġir zund amalu l‑lbarakat lli‑ra‑yili. ur‑iẓḍar a‑d‑issbayyn lbarakat‑an ġmklli gant. ašku ššrɛ ur‑iẓḍar a‑issġus s‑usġus ikmmln ġwilli‑n‑bdda‑ssakmurnin tiġrsiw i‑rbbi asggʷas ar asggʷas.

iɛbrin 3:5

musa issuwfa kullu ma‑gis‑ira rbbi, ig ah̬ddam ġ‑wammas n‑ayt‑tgmmi n‑rbbi, iml‑asn ma‑ra‑yini rbbi ġ‑maylli‑d‑iftan.

iɛbrin 7:1

malkiṣadq ikka‑ttin iga agllid n‑tmdint n‑salim, ig anmġur ibiddn ġ‑gr mddn d‑rbbi amattuy. nttan a‑n‑imnaggarn ibrahim ibark‑t lliġ‑d‑iwrri ibrahim zġ‑imiġ lli‑ġ‑inra igldan yaḍni.

iɛbrin 9:8

ġmkad a‑s‑aġ‑imla rruḥ lqudus is‑ur‑ta‑yujad‑uġaras lli‑itawin s‑tḥanut ityawqdasn, maḥdd sul tqama‑tḥanut tamzwarut n‑uh̬iyyam.

1 bṭrus 1:11

ar‑sqsan man azmz a‑ġ‑ra‑yili ula mamnk a‑ra‑ig‑uzmz lli‑f‑a‑ittini rruḥ l‑lmasiḥ lli‑gisn‑illan lliġ a‑yasn‑imala arfufn lli‑ġ‑ra‑izri lmasiḥ ula lmjd lli‑rad‑as‑yili tigira.

anurẓm 19:10

imma nkki ḍrġ‑n ġ‑dar iḍarn‑ns iriġ ad‑as‑sjdġ, s‑iyi‑inna: «a‑ur‑tskrt ġmkan. ašku ah̬ddam kad‑giġ, zund kiyi d‑aytmak lli‑umẓnin ġ‑tugga n‑yasuɛ. rbbi waḥdut a‑ttɛbadt.» ašku tugga n‑yasuɛ a‑idḥayn ġwilli sawalnin s‑mad‑asn‑imala rbbi.