luqa 23:5 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ rarn‑as ntni s‑jjhd: «ar‑itkka kullu tamazirt n‑yudaya, zġ‑jalil ar ġid, ar‑issduy mddn s‑ulmmud‑ns.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ رارن‑اس نتني س‑جّهد: «ار‑يتكّا كولّو تامازيرت ن‑يودايا، زغ‑جاليل ار غيد، ار‑يسّدووي مدّن س‑ولمّود‑نس.»

luqa 23:5 Iomraidhean Croise

matta 11:1

lliġ ikmml yasuɛ iwaliwn‑an lli‑s‑yuṣṣa imḥḍarn‑ns s‑sin d‑mraw, iddu ar‑itbrraḥ ar‑isslmad ġ‑tmdinin n‑tmazirt‑an.

matta 2:1

ilul yasuɛ ġ‑uwssan n‑ugllid hirudus ġ‑tmdint n‑bitlaḥm ġ‑tmazirt n‑yudaya. uškan‑d kra n‑imajusin zġ‑ššrq ġ‑uwssan‑an s‑tmdint n‑urušalim

matta 27:24

iẓr bilaṭus is‑ur‑isugir yat, ġir zuydn mddn duyn s‑uggʷar. yasi‑d aman isird ifassn‑ns ġ‑lgddam‑nsn yini‑asn: «ha‑nkki ur‑flla‑llin idammn n‑urgaz‑ad. ẓrat kunni ma‑ra‑tskrm.»

matta 4:23

izayd yasuɛ ar‑itkka tamazirt n‑jalil kullutt, ar‑isslmad ġ‑tgʷmma n‑tẓallit, ar‑itbrraḥ s‑lh̬bar ifulkin n‑tgldit n‑ignna, ar‑ijjujji mddn zġ‑kraygatt tamaḍunt ula kraygatt aṭṭan nna‑gisn‑illan.

marqus 1:14

lliġ ityamaẓ yuḥanna ġ‑lḥbs yašk‑id yasuɛ s‑tmazirt n‑jalil ar‑itbrraḥ s‑lh̬bar ifulkin n‑rbbi

luqa 11:53

lliġ iffuġ yasuɛ zġ‑tgmmi‑an ar‑t‑bahra‑tẓin imslmdn n‑ššrɛ d‑ifarisin. ar‑t‑sqsan f‑mnnawt‑tġawsiwin,

luqa 23:23

imma ntni ar‑bahra‑ssġuyyun s‑jjhd ar‑tḍalabn bilaṭus a‑issufġ yasuɛ a‑immt f‑uggjdi. ar isiggʷra nran‑t s‑iwaliwn‑nsn.

luqa 23:6

lliġ isfld bilaṭus i‑mayad yini‑asn: «izd gu‑jalil a‑iga‑urgaz‑ad?»

yuḥanna 1:43

ndid azkka iskr yasuɛ f‑a‑iddu s‑tmazirt n‑jalil. imnaggar filibbus yini‑as: «ašk‑id, mun didi.»

yuḥanna 19:15

rarn‑as ar‑ssġuyyun: «ssitti‑t, ssitti‑t. agʷl‑t f‑uggjdi.» yini‑asn bilaṭus: «is‑tram ad‑agʷlġ agllid‑nnun f‑uggjdi?» rarn‑as inmġurn n‑tgmmi n‑rbbi: «ur‑darnnġ kra n‑ugllid abla qayṣr.»

yuḥanna 2:11

h̬tad a‑igan lmɛjizt tamzwarut, iskr‑tt yasuɛ ġ‑qana n‑jalil, issbayyn‑d lmjd‑ns, amnn srs imḥḍarn‑ns.

yuḥanna 7:41

inin wiyyaḍ: «ġwad a‑igan lmasiḥ n‑rbbi.» imma wiyyaḍ nnan: «izd tamazirt n‑jalil a‑zġ‑ra‑d‑yašk lmasiḥ?

yuḥanna 7:52

imma ntni rurn‑as: «izd ula kiyi gu‑jalil a‑tgit? siggil ġ‑warratn tissant is‑ur‑ra‑d‑yašk kra n‑nnabi zġ‑jalil.»

irqqasn 10:37

tsfldm f‑ma‑ijran ġ‑kullu tamazirt n‑yudaya, ibdu zġ‑jalil tigira n‑ma‑itbrraḥ yuḥanna ar‑issddam mddn ġ‑waman.

irqqasn 23:10

zaydn ġmkan aylliġ gis ruḥn timiġt. ar‑kullu‑lddin ġ‑bulus, aylliġ iksuḍ‑unmġur n‑iɛskrin a‑t‑gn d‑igzman. yamr iɛskrin ad‑gguzn ad‑asn‑t‑id‑kkisn s‑ifaddn awin‑t s‑lqṣr.

irqqasn 5:33

lliġ sfldn ayt‑lmḥkama i‑mayad, nkrn‑d gisn iriyn bahra, irin ad‑nġn irqqasn.

irqqasn 7:54

lliġ sfldn ayt‑lmḥkama i‑mayad, nkrn‑d gisn iriyn bahra, ar‑tgẓaẓn uh̬san‑nsn.

irqqasn 7:57

qqnn imzgan‑nsn ar‑tġuwwatn s‑jjhd, azzln srs kullutn.