luqa 23:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ isawl bilaṭus s‑inmġurn n‑tgmmi n‑rbbi d‑mddn‑an kullutn yini‑asn: «ur‑ufiġ kra l‑lɛib ġ‑urgaz‑ad.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ ءيساول بيلاطوس س‑ينمغورن ن‑تگمّي ن‑ربّي د‑مدّن‑ان كولّوتن ييني‑اسن: «ءور‑وفيغ كرا لّعيب غ‑ورگاز‑اد.»

luqa 23:4 Iomraidhean Croise

matta 27:19

walaynni ġ‑tasaɛt‑an sul iskiws bilaṭus ġ‑lkursi l‑lḥukm s‑d‑srs‑tuzn‑tmġart‑ns tini‑as‑d: «ad‑ur‑tkšmt ssuq n‑urgaz‑an ifulkin, ašku tuška‑yyi‑d taġuft iggutn ġassad f‑ssibt‑ns ġ‑yat‑twargit.»

marqus 15:14

isqsa‑tn bilaṭus: «mah̬? ma‑iskr yʷh̬šnn?» imma ntni ar‑ssġuyyun s‑uggʷar ar‑ttinin: «agʷl‑t f‑uggjdi a‑immt.»

luqa 23:22

izayd bilaṭus tis kraṭṭ‑twal yini‑asn: «mal‑lɛib iskr? ur‑gis‑ufiġ kra l‑lɛib f‑t‑id‑iqqan a‑immt. ra‑t‑ssġuršġ ukan, rẓmġ‑as.»

yuḥanna 18:38

yini‑as ilmma bilaṭus: «ma‑iga lḥqq?» ġakudan inkr bilaṭus iffuġ‑d s‑dar mddn‑an n‑ayt‑yudaya yini‑asn: «ur‑gis‑ufiġ kra l‑lɛib.

irqqasn 25:25

ur‑gis‑ufiġ nkki kra‑f‑isthlla lmut, walaynni lliġ issġli taġawsa‑ns s‑gr ifassn n‑qayṣr skrġ f‑a‑t‑aznġ s‑dars.

irqqasn 3:13

rad‑awn‑iniġ, rbbi n‑ibrahim d‑isḥaq d‑yaɛqub, rbbi n‑imzwura‑nnġ issbayyn‑d lmjd n‑uh̬ddam‑ns yasuɛ ġassad. tdḥim‑t‑in kunni i‑lmut, trgmm‑t ġ‑lgddam n‑bilaṭus wah̬h̬a ira nttan ad‑as‑irẓm.

iɛbrin 7:26

wan anmġur‑ad a‑nḥtajja, iɛmmr s‑ufulki n‑rbbi, iġus‑uwl‑ns, ur‑gis‑illi kra l‑lɛib, ityawẓlay zġ‑kullu ma‑iskarn ddnub, ityalal s‑iggi n‑ignwan.

1 bṭrus 1:19

walaynni s‑idammn ɛzzanin l‑lmasiḥ zund idammn n‑yan‑ulqqaġ iġusn bla lɛib.

1 bṭrus 2:22

ityara fllas: «ur‑akkʷ‑iskir kra n‑ddnb. ur‑jju‑kkint‑tkrkas imi‑ns.»

1 bṭrus 3:18

ašku lmasiḥ, yat‑twal a‑immut f‑ssibt n‑ddnub, immt ġwalli ifulkin f‑ssibt n‑willi ʷh̬šnnin, baš ad‑aġ‑d‑irar i‑rbbi. nġan‑t mddn ġ‑ddat‑ns, issddr‑t rbbi ġ‑rruḥ‑ns.