luqa 22:42 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴² yini: «wa‑baba ḍalbġ‑ak iġ‑trit, kkis flla lkas‑ad n‑urfufn. walaynni a‑yili ma‑trit, urd mad‑riġ nkki.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴² ييني: «وا‑بابا ضالبغ‑اك ءيغ‑تريت، كّيس فلّا لكاس‑اد ن‑ورفوفن. والاينّي ا‑ييلي ما‑تريت، ءورد ماد‑ريغ نكّي.»

luqa 22:42 Iomraidhean Croise

matta 11:25

iẓẓall yasuɛ ġ‑tasaɛt‑an yini: «wa‑baba, sidis n‑ignna d‑wakal, ulġġ‑k ašku tssntlt tiġawsiwin‑ad f‑ayt‑lɛaql d‑lfhmt tssmlt‑tnt i‑ibujadiyn.

matta 11:26

ašku ġmkad a‑s‑trḍit a‑baba.»

matta 20:22

isawl yasuɛ yini‑asn: «ur‑tssinm mayd tḍalbm. is‑tẓḍarm a‑tsum lkas n‑urfufn lli‑rad‑suġ nkki?» inin‑as: «nẓḍar‑as.»

matta 26:39

izayd iftu yan imikk iḍr f‑uwdm‑ns s‑wakal iẓẓall yini: «wa‑baba, ssitti flla lkas‑ad n‑urfufn iġ‑iẓḍar a‑yitti. walaynni a‑yili ma‑trit, urd mad‑riġ nkki.»

matta 26:42

iddu tis snat‑twal iẓẓall yini: «wa‑baba, iġ‑ur‑iẓḍar ad‑iyi‑yanf lkas‑ad bla‑t‑swiġ, a‑yili ma‑trit kiyi.»

matta 26:44

ifl‑tn iddu tis kraṭṭ‑twal iẓẓall yini ġmklli inna tiwaliw timzwura.

matta 6:10

tašk‑id‑tgldit‑nnk, yili ma‑k‑irḍan ġ‑ddunit ġmklli illa ġ‑ignna.

marqus 14:36

iẓẓall‑daġ yini: «abba wa‑baba, ur‑illi kra mi ur‑tẓḍart a‑ti‑tskrt. kkis flla lkas‑ad n‑urfufn, walaynni a‑yili ma‑trit, urd mad‑riġ nkki.»

luqa 23:34

iẓẓall yasuɛ yini: «wa‑baba rbbi, ṣamḥ‑asn. ur‑akkʷ‑ssinn mayd skarn.» grn‑d iɛskrin asġar f‑tmlsa‑ns a‑tnt‑bḍun.

yuḥanna 18:11

imma yasuɛ inna‑yas i‑bṭrus: «rar lkummit‑an s‑uġlaf‑ns. is‑tġalt is‑ur‑rad‑suġ lkas‑ad n‑urfufn lli‑yyi‑ifka rbbi baba?»

yuḥanna 4:34

imma yasuɛ inna‑yasn: «ha‑yyi ar‑tšbaɛġ iġ‑a‑skarġ ma‑ira ġwalli‑yyi‑d‑yuznn, ssafuġ tawuri‑ns.

yuḥanna 5:30

«ur‑ẓḍarġ ad‑skrġ yat zġ‑ih̬f‑inu, walaynni ar‑tḥkamġ s‑mad‑iyi‑imala baba. s‑lḥqq a‑s‑a‑tḥkamġ ašku ur‑a‑skarġ s‑ma‑ttiriġ nkki walaynni s‑ma‑ittiri ġwalli‑yyi‑d‑yuznn.

yuḥanna 6:38

ašku gguzġ‑d zġ‑ignna baš ad‑skarġ ma‑ira ġwalli‑yyi‑d‑yuznn, urd mad‑riġ nkki.

irqqasn 21:14

bulus ur‑sul‑iri a‑srnnġ‑isfld, nfssa ġakudan nini: «a‑yili ma‑ira siditnnġ.»