luqa 22:41 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴¹ ifl‑tn iftu yaggug‑n fllasn ma‑itggan kkuẓ id‑mraw n‑uẓmmuẓl, iḍr f‑ifaddn‑ns ar‑itẓalla,

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴¹ ءيفل‑تن ءيفتو ياگّوگ‑ن فلّاسن ما‑يتگّان كّوژ ءيد‑مراو ن‑وژمّوژل، ءيضر ف‑يفادّن‑نس ار‑يتژالّا،

luqa 22:41 Iomraidhean Croise

matta 26:39

izayd iftu yan imikk iḍr f‑uwdm‑ns s‑wakal iẓẓall yini: «wa‑baba, ssitti flla lkas‑ad n‑urfufn iġ‑iẓḍar a‑yitti. walaynni a‑yili ma‑trit, urd mad‑riġ nkki.»

marqus 14:35

izayd iftu yan imikk iḍr s‑wakal iẓẓall yini: «ssitti flla tasaɛt‑ad n‑urfufn iġ‑tẓḍar a‑titti.»

luqa 18:11

ibidd‑ufarisi waḥdut, iẓẓall d‑ih̬f‑ns yini: ‹wa‑rbbi, ar‑k‑tškarġ ašku ur‑giġ zund mddn yaḍni. ntni ar‑takʷrn ar‑tġʷššan ar‑tfsadn. ar‑k‑tškarġ ašku ur‑akkʷ‑giġ zund bu‑nkkas‑ad.

luqa 18:13

imma bu‑nkkas, ibidd‑n ġ‑tġurdin. ur‑iẓḍar a‑yall alln‑ns s‑iggi. ar‑ikkat f‑idmarn‑ns ar‑ittini: ‹wa‑rbbi ṣamḥ‑iyi, iggut mad‑skrġ yʷh̬šn.›

irqqasn 20:36

ġir ikmml bulus awal‑ad, iḍr ntta didsn f‑ifaddn‑nsn, iẓẓall iḍalb rbbi.

irqqasn 21:5

walaynni lliġ kmmln‑uwssan‑an, nffuġ zġ‑darsn a‑nzayd f‑umuddu‑nnġ. munn‑d didnnġ ntni kullutn ula timġarin‑nsn d‑tarwa‑nsn s‑brra n‑tmdint. nutš f‑ifaddn‑nnġ ġ‑tama n‑umda nẓẓall nḍalb rbbi.

irqqasn 7:60

iḍr f‑ifaddn‑ns s‑wakal, yut s‑yat‑tġuyyit yini: «wa‑sidi, a‑ur‑fllasn‑tḥasbt lh̬ʷšant‑ad.» ġir inna awal‑ad immt. imma šawl ifrḥ lliġ nġan stifanus.

irqqasn 9:40

imma bṭrus issufġ‑tnt kullutnt zġ‑uḥanu, yutš f‑ifaddn‑ns iẓẓall iḍalb rbbi. igrawl ilmma ġ‑talli immutn yini‑as: «wa‑ṭabita, nkr,» s‑di‑trẓm alln‑ns tẓr bṭrus, tnkr ġ‑tisi‑ns.

iɛbrin 5:7

ġ‑uwssan lli‑ġ‑iṭṭaf yasuɛ ddat n‑bnadm, ar‑itẓalla ar‑itḍalab s‑tġuyya d‑imṭṭawn i‑walli iẓḍarn a‑t‑issanf i‑lmut. isfld‑as rbbi ašku ifka ih̬f‑ns a‑iskr ma‑t‑irḍan.