luqa 22:37 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁷ ašku rad‑awn‑iniġ, iqqan‑d a‑ijru maylli flla ityawnnan ġayd izrin ityara: ‹gan‑t d‑yan zġ‑willi ffuġnin zġ‑ššrɛ n‑rbbi.› hati ra‑yafu kullu ma‑flla‑ityaran.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁷ اشكو راد‑اون‑ينيغ، ءيقّان‑د ا‑يجرو مايلّي فلّا ءيتياونّان غايد ءيزرين ءيتيارا: ‹گان‑ت د‑يان زغ‑ويلّي فّوغنين زغ‑شّرع ن‑ربّي.› هاتي را‑يافو كولّو ما‑فلّا‑يتياران.»

luqa 22:37 Iomraidhean Croise

marqus 15:27

awin‑d sin imh̬h̬arn agʷln‑tn f‑iggjda yan f‑ufasi n‑yasuɛ d‑yan f‑uẓlmaḍ‑ns.

marqus 15:28

ġmkan a‑yuwfa ma‑ityaran ġ‑warra n‑rbbi lli‑innan «ra‑t‑gn d‑yan zġ‑willi ffuġnin zġ‑wawal n‑rbbi.»

luqa 18:31

yawi yasuɛ sin d‑mraw n‑umḥḍar‑ns waḥdutn, yini‑asn: «ẓrat, ra‑nddu s‑urušalim, ijru ġin kullu mad‑uran lanbiya f‑yus n‑bnadm.

luqa 22:22

ra‑immt yus n‑bnadm ġmklli iqṣad rbbi, walaynni taguḍi a‑ra‑yili i‑urgaz lli‑t‑izznzan.»

luqa 22:36

yini‑asn: «imma ġilad, wanna dar aqʷrab ula awmmis illa fllas a‑tn‑dids‑yawi. wanna ur‑dar lkummit illa fllas a‑izznz aslham‑ns isġ‑tt‑id.

luqa 22:52

isawl yasuɛ s‑inmġurn n‑tgmmi n‑rbbi d‑win imh̬zniyn d‑imġarn n‑tmazirt lli‑d‑uškanin a‑t‑amẓn, yini‑asn: «ma‑s‑di‑tffuġm s‑lkmami d‑iɛmad zund iġ‑giġ amh̬h̬ar?

luqa 23:32

awin iɛskrin sin irgazn yaḍni gan imh̬h̬arn, a‑tn‑nġn d‑yasuɛ.

luqa 24:27

isawl‑asn ilmma f‑iwaliwn n‑musa ula win lanbiya kullutn, iml‑asn ma‑fllas‑ityaran ġ‑kullu arratn n‑rbbi.

yuḥanna 10:35

nssn is‑yʷġẓan kullu ma‑ityaran ġ‑warratn n‑rbbi. walaynni lliġ inna ‹tgam id‑rbbi› i‑willi sfldnin i‑wawal‑ns,

yuḥanna 17:4

ssbayynġ‑d lmjd‑nnk ġ‑ddunit‑ad, kmmlġ tawuri lli‑yyi‑tfkit.

2 kurintus 5:21

lmasiḥ lli‑ur‑jju‑iskirn kra n‑ddnb, irur‑t rbbi zund iġ‑iɛmmr s‑ddnub f‑ssibt‑nnġ, baš a‑nɛmmr nkkʷni s‑ufulki n‑rbbi f‑ssibt‑ns.

گالاطيّا 3:13

imma lmasiḥ ifukka‑yaġ zġ‑lɛqubit lli‑ra‑iḍr f‑willi ibnnun f‑ššrɛ. iwrri iga ntta wad‑f‑tḍr lɛqubit, baš a‑ur‑fllannġ‑tḍr nkkʷni. ašku ityara: «kullu wanna ityaggaln f‑uggjdi, lɛqubit n‑rbbi a‑fllas‑illan.»