luqa 22:32 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³² walaynni ḍalbġ rbbi fllak a‑ur‑immt liman‑nnk. ġakud lliġ twrrit, ssdus aytmak.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³² والاينّي ضالبغ ربّي فلّاك ا‑ور‑يمّت ليمان‑نّك. غاكود لّيغ توورّيت، سّدوس ايتماك.»

luqa 22:32 Iomraidhean Croise

matta 18:3

yini‑asn: «lḥqq a‑rad‑awn‑iniġ, iġ‑ur‑tbddilm twrrim tgm zund tarwa mẓẓinin, ur‑sar‑tkšimm s‑tgldit n‑ignna.

matta 26:75

ikti‑d bṭrus maylli‑s‑as‑inna yasuɛ: «ur‑ra‑iġr‑ufullus ard tinit kraṭṭ‑twal ur‑iyi‑tssint.» iffuġ ar‑yalla bahra.

marqus 14:72

iġr‑ufullus ġakudan tis snat‑twal. ikti‑d bṭrus maylli‑s‑as‑inna yasuɛ «ur‑ra‑iġr‑ufullus snat‑twal ard tinit kraṭṭ‑twal ur‑iyi‑tssint.» iswangm‑d awal‑an ar‑yalla.

marqus 16:7

imma ġilad, ddwamt tsslkmmt awal‑ad i‑imḥḍarn‑ns ntni d‑bṭrus, tinimt‑asn: ‹yasuɛ ra‑kʷn‑izwur s‑tmazirt n‑jalil. ġin a‑ġ‑ra‑ti‑tẓrm ġmklli‑s‑awn‑inna.›»

luqa 8:13

imma ġwalli iḍrn ġ‑isli iga zund mddn lli‑sfldnin i‑wawal frḥn srs walaynni ur‑ikšim‑wawal‑an s‑uwl‑nsn. amnn ġir kra n‑uwssan ard tili tassast s‑knukin.

yuḥanna 14:19

ġir yan imikk ur‑sul‑ra‑yyi‑ẓrn ayt‑ddunit‑ad, imma kunni ra‑yyi‑tẓrm. ašku lliġ ddrġ nkki ra‑tddrm ula kunni.

irqqasn 3:19

mayad a‑f‑rad‑awn‑iniġ, flat kullu ma‑tskarm yʷh̬šn, twrrim‑d s‑rbbi a‑fllawn‑issitti ddnub‑nnun,

ruma 8:32

imma rbbi, lliġ ur‑n‑iḥḍi yus ġ‑dars walaynni idḥi‑t‑id f‑ssibt‑nnġ kullwaġ, is‑ur‑ra‑yiri ad‑aġ‑dids‑ifk kraygatt kra?

ruma 8:34

ma‑iẓḍarn a‑yini nʷh̬šn? han lmasiḥ yasuɛ a‑fllannġ‑immutn, inkr‑d‑nnit zġ‑lmut yili f‑ufasi n‑rbbi, ar‑t‑fllannġ‑itḍalab.

2 timutaws 2:18

jlan ntni zġ‑uġaras l‑lḥqq, ar‑traran ula wiyyaḍ a‑ur‑sul‑amnn. ar‑ttinin ur‑rad‑nkrn mddn ġ‑lih̬rt walaynni ġir ġ‑ddunit‑ad a‑ġ‑d‑nkrn.

tiṭus 1:1

zġ‑bulus ah̬ddam n‑rbbi d‑urqqas n‑yasuɛ lmasiḥ lli‑yyi‑iẓlin ad‑malaġ i‑imẓlayn n‑rbbi mamnk ad‑tamnn s‑wawal‑ns, issann kullu ma‑igan lḥqq n‑uġaras‑ns

iɛbrin 12:15

awiyat‑stt ġ‑ih̬fawn‑nnun a‑ur‑ijlu yan gigun zġ‑lbaraka n‑rbbi, ula imġi‑d‑wamud n‑wasmmum ġ‑gratun, ard issduy mddn isshrš ma‑iggutn.

iɛbrin 7:25

mayad a‑f‑iẓḍar a‑ijjnjm kullu winna‑n‑issruḥ i‑rbbi ġilad ula kullu mayd‑d‑iftan, ašku iddr‑bdda a‑itḍalab rbbi fllasn.

1 bṭrus 1:1

zġ‑bṭrus arqqas n‑yasuɛ lmasiḥ, i‑imẓlayn n‑rbbi lli‑akutnin, gn iġribn ġ‑tmizar n‑buntus ula galaṭiyya ula kabadukiyya ula asiyya ula bitiniyya.

1 bṭrus 1:13

f‑mayan a‑f‑rad‑awn‑iniġ, bkisat ih̬f‑nnun trarm lɛaql, tzgam bahra ġ‑rrja lli‑s‑a‑ttrjum f‑lbaraka lli‑rad‑awn‑yili ġakud lliġ ra‑d‑yašk yasuɛ lmasiḥ ibayyn.

1 bṭrus 1:5

s‑tḥkimt‑ns itjhhdn a‑s‑a‑kʷn‑issntal kunni lli‑srs‑umnnin, ard tnjmm s‑ujnjm ikmmln lli‑rad‑awn‑yili ġ‑isiggʷra n‑ddunit.

2 bṭrus 3:14

imma ġilad ġ‑a‑ttqlm s‑mayad, ay‑aytma ɛzzanin, gat‑n tiqqi‑nnun a‑bdda‑tili sslamt ġ‑gratun d‑rbbi, bla gigun illa kra l‑lɛib ula kra yʷh̬šnn ġ‑uwlawn‑nnun.

1 yuḥanna 2:19

ffuġn ntni zġ‑darnnġ walaynni urd zġ‑ginnġ a‑zġ‑gan. mrad is‑zginnġ‑gan ikun didnnġ qaman, walaynni nssn kullutn ur‑gin zġ‑ginnġ, ašku ffuġn zġ‑darnnġ.