luqa 21:8 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ yini‑asn yasuɛ: «awiyat‑stt ġ‑ih̬f‑nnun a‑kʷn‑ur‑ijlu yan, ašku ggutn ġwilli ra‑d‑yašk asin ism‑inu, kud yan ar‑ittini izd nttan a‑igan lmasiḥ ar‑ittini: ‹hati truḥ‑d tasaɛt.› walaynni a‑tn‑ur‑tḍfurm.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ ييني‑اسن ياسوع: «اويات‑ستّ غ‑يخف‑نّون ا‑كُن‑ور‑يجلو يان، اشكو گّوتن غويلّي را‑د‑ياشك اسين ءيسم‑ينو، كود يان ار‑يتّيني ءيزد نتّان ا‑يگان لماسيح ار‑يتّيني: ‹هاتي تروح‑د تاساعت.› والاينّي ا‑تن‑ور‑تضفورم.

luqa 21:8 Iomraidhean Croise

matta 24:11

ggutn id‑bu‑tkrkas lli‑ra‑d‑yašk ar‑ttinin is‑gan lanbiya, ar‑jllun kigan d‑mddn.

matta 3:2

«flat kullu ma‑tskarm yʷh̬šn, ašku takmur‑d‑tgldit n‑ignna.»

matta 4:17

ġakudan a‑igra yasuɛ ar‑itbrraḥ ar‑ittini: «flat kullu ma‑tskarm yʷh̬šn, ašku takmur‑d‑tgldit n‑ignna.»

luqa 17:23

rad‑nkrn mddn inin‑awn ‹hatin› nġd ‹hati›. walaynni rad‑awn‑iniġ, a‑ur‑darsn‑tddum ula tḍfurm‑tn.

luqa 21:7

sqsan‑t: «way‑amslmd, managu a‑ra‑yili ġayan? ma‑ra‑ig tamatart n‑is‑d‑yakmur a‑ijru?»

luqa 21:9

iġ‑tsfldm f‑imaġn ula uduyn ad‑ur‑tġuwḍm, ašku iqqan‑d a‑yili ġayan, walaynni ur‑ta‑d‑iruḥ isiggʷra.»

yuḥanna 5:43

uškiġ‑d s‑ism n‑baba, imma kunni ur‑a‑sri‑tsflidm. mrad is‑d‑yuška kra n‑yan yaḍni ar‑isawal ġir zġ‑ih̬f‑ns, ra‑srs‑tsflidm.

yuḥanna 8:24

mayad a‑f‑awn‑nniġ ra‑tmmtm ġ‑ddnub‑nnun. iġ‑ur‑tuminm is‑giġ ġwalli bdda illan, rad‑nnit‑tmmtm ġ‑ddnub‑nnun.»

yuḥanna 8:28

izayd yasuɛ yini‑asn: «ar tallm yus n‑bnadm f‑uggjdi, ġakudan a‑ra‑tissanm is‑giġ ġwalli bdda illan, tissanm is‑a‑sawalġ s‑mad‑iyi‑imla baba, ur‑a‑skarġ yat zġ‑ih̬f‑inu.

1 kurintus 6:9

is‑ur‑tssinm mayad? ur‑rad‑kšmn mddn ʷh̬šnnin s‑tgldit n‑rbbi. ad‑ur‑tjlum ih̬f‑nnun. ur‑ra‑srs‑ikšm yan itfsadn nġd yan itɛbadn ilahat n‑ddunit‑ad nġd yan itznun nġd yan itfsadn d‑yutman zund ntta

afsus 5:6

a‑ur‑tadjm yan a‑kʷn‑ijlu s‑iwaliwn h̬wanin, ašku f‑ssibt l‑lh̬ʷšanat‑an a‑f‑ra‑iḍr lġaḍab n‑rbbi f‑willi srs rurnin tiġurdin‑nsn.

2 tasaluniki 2:3

ad‑ur‑tadjm yan a‑kʷn‑ijlu, ašku ur‑ra‑d‑ilkm‑wass‑an ard munn mddn ggutnin ad‑mmaġn d‑rbbi, iban‑d‑unuwwaš n‑rbbi lli‑ra‑iggʷru s‑lhalak.

2 timutaws 3:13

imma mddn ʷh̬šnnin d‑ayt‑tkrkas rad‑ġir‑tzayadn ġ‑lh̬ʷšant‑nsn s‑uggʷar, jlan ntni ar‑jllun wiyyaḍ.

1 yuḥanna 4:1

way‑aytma ɛzzanin, a‑ur‑tamnm kullu wanna innan «illa‑gigi rruḥ lqudus,» walaynni armat rruḥ‑an a‑tẓrm is‑iga win rbbi nġd uhu. ašku ggutn mddn lli‑tkkanin ddunit, ar‑ttinin is‑a‑sawaln s‑mad‑asn‑imala rbbi walaynni ar‑sskirkisn.

2 yuḥanna 1:7

han kigan d‑ayt‑tkrkas ar‑tkkan ddunit, agʷin ad‑inin: «yuška‑d yasuɛ lmasiḥ zġ‑rbbi, iwrri s‑ddat n‑bnadm.» wan mddn‑an, ayt‑tkrkas ad‑gan, gn inuwwašn l‑lmasiḥ.

anurẓm 1:3

ambarki a‑iga wanna yaqran iwaliwn‑ad n‑rbbi. imbarkin ad‑gan winna‑yasn‑sflidnin ar‑skarn s‑mayd ityaran, ašku yakmur‑d‑uzmz lli‑ġ‑rad‑kullu‑jrunt‑tġawsiwin‑ad.

anurẓm 12:9

ityawgar‑n‑ulgmmaḍ‑an imqqurn s‑iyzdar. nttan a‑mi‑ttinin ‹iblis› ula ‹šiṭan›, ig abnkal aqdim lli‑ijllun kullu imzdġn n‑ddunit. ityawgar‑n s‑wakal ntta d‑lmalayka‑ns.