luqa 21:36 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁶ rarat lɛaql tḍufm‑bdda ar‑ttḍalabm rbbi a‑kʷn‑issdus a‑tnjmm zġ‑kullu ġaylli ra‑ijru, tbiddm ġ‑lgddam n‑yus n‑bnadm tzgam.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁶ رارات لعاقل تضوفم‑بدّا ار‑تّضالابم ربّي ا‑كُن‑يسّدوس ا‑تنجمّ زغ‑كولّو غايلّي را‑يجرو، تبيدّم غ‑لگدّام ن‑يوس ن‑بنادم تزگام.»

luqa 21:36 Iomraidhean Croise

matta 24:42

ḍufat ašku ur‑tssinm man ass a‑ra‑d‑yašk siditun.

matta 24:43

rad‑awn‑iniġ, mrad is‑issn bu‑tgmmi man tasaɛt ġ‑iyḍ a‑ra‑d‑yašk‑umh̬h̬ar, rad‑bahra‑iḍuf. ur‑ra‑t‑yadj a‑inqb tigmmi‑ns.

matta 24:44

ula kunni illa fllawn a‑bdda‑tujadm, ašku ra‑d‑yašk yus n‑bnadm ġ‑kra n‑tasaɛt lli‑ur‑tġalm.

matta 25:13

izayd yasuɛ yini‑asn: «ḍufat ašku ur‑tssinm man ass ula man tasaɛt a‑rad‑d‑aškġ.

matta 26:41

awzat tḍalbm rbbi a‑kʷn‑issanf i‑kullu ma‑ra‑kʷn‑ijllu. hati ul n‑bnadm ar‑ittiri a‑iskar afulki, imma ddat‑ns tḍɛf.»

matta 8:20

irar‑as yasuɛ yini‑as: «ibuġaġ darsn tansiwin‑nsn, ula igḍaḍ n‑ignwan darsn usudn‑nsn, imma yus n‑bnadm ur‑dars maniġ a‑isras agayyu‑ns.»

marqus 13:33

rarat lɛaql‑nnun tḍufm ašku ur‑tssinm managu a‑ra‑d‑iruḥ‑uzmz‑an.

marqus 13:37

mayd‑awn‑nniġ, ra‑t‑iniġ i‑kullu mddn: ḍufat.»

luqa 1:19

yini‑as lmalak: «nkki giġ jibrayyil, ar‑tbddadġ ġ‑lgddam n‑rbbi. yuzn‑iyi‑d a‑srk‑sawlġ awiġ‑ak‑d lh̬bar‑ad ifulkin.

luqa 18:1

isawl yasuɛ s‑imḥḍarn‑ns, yiri ad‑asn‑iml is‑tn‑d‑iqqan a‑bdda‑tẓallan bla‑da‑trmayn. yut‑asn lmɛna‑yad,

luqa 20:35

imma ġwilli f‑irḍa rbbi ad‑nkrn zġ‑lmut ddrn ġ‑lih̬rt, ntni ur‑ra‑tahaln ula‑da‑tahalnt.

luqa 21:35

ašku ra‑izri‑wass‑an f‑kullu imzdġn n‑ddunit.

irqqasn 10:2

ar‑itɛbad rbbi yiri bdda a‑t‑irḍu, nttan ula kullu ayt‑tgmmi‑ns. ar‑yakka ma‑iggutn i‑imẓlaḍ n‑ayt‑yudaya, ar‑bdda‑itẓalla ar‑itḍalab rbbi.

1 kurintus 16:13

ḍufat tzgam ġ‑uġaras l‑lmasiḥ, tzɛmm tdusm.

2 kurintus 4:14

nssn mayad bahra: rbbi lli‑d‑issnkrn siditnnġ yasuɛ rad‑aġ‑issnkr ula nkkʷni d‑yasuɛ, yawi‑aġ didun s‑dars.

kulussi 4:2

zaydat ar‑bdda‑ttẓallam ar‑tḍalabm rbbi, trarm lɛaql s‑mad‑as‑ttinim ar‑ti‑ttškarm bahra.

1 tasaluniki 5:17

ar‑ttẓallam ġ‑kraygatt luqt,

2 timutaws 4:5

imma kiyi ih̬ṣṣa‑k a‑bdda‑tġwit ġ‑ih̬f‑nnk, tṣbrt i‑trfufnt, ar‑tth̬damt s‑tbrraḥt l‑lh̬bar ifulkin. skar kullu ma‑d‑iqqann wad igan ah̬ddam n‑rbbi.

1 bṭrus 4:7

hati yakmur‑d isiggʷra n‑kullu ma‑illan. rarat lɛaql tġwim ġ‑ih̬f‑nnun baš a‑ttẓallam ar‑tḍalabm rbbi.

1 bṭrus 5:8

amẓat ġ‑ih̬f‑nnun trarm lɛaql, ašku ar‑itlli‑unuwwaš‑nnun iblis zund izm, ar‑inddr ar‑isiggil s‑ma‑iqqʷay.

1 yuḥanna 2:28

imma ġilad a‑tarwa ɛzzanin, zaydat tzgam ġ‑lmasiḥ, baš a‑izɛm‑uwl‑nnġ ġakud nna‑d‑iwrri ibayyn‑d, ur‑ra‑niri a‑zgis‑nrgs.

yahuda 1:24

imma ġwalli iẓḍarn a‑kʷn‑injja baš a‑ur‑tḍrm, isslkm‑kʷn‑in s‑lgddam l‑lmjd‑ns s‑lfrḥ iggutn bla gigun illa kra l‑lɛib, nttan a‑mi‑illa lmjd d‑tmuġra d‑tẓḍḍart d‑lquwwa ġilad ula kullu ġayd izrin ula kullu mayd‑d‑iftan. d‑ġmkad a‑f‑rad‑bdda‑ntalġ ġwalli igan rbbi anjjam‑nnġ s‑ism n‑siditnnġ yasuɛ lmasiḥ, amin.

anurẓm 11:4

rad‑gn ntni zund snat‑tizutna ula sin lqnadl, biddn ġ‑lgddam n‑rbbi lli‑iḥkamn kullu ddunit.

anurẓm 6:17

ašku ilkm‑d‑wass lli‑bahra‑išqan ig ass l‑lġaḍab‑nsn. ma‑ra‑yiẓḍar a‑gis‑ibidd?»

anurẓm 7:9

lliġ izri mayan ssmaqqlġ‑n ẓrġ mddn ggutnin bahra, ur‑ra‑yiẓḍar yan a‑tn‑iḥasb. gan ntni zġ‑kullu timizar d‑tqbilin d‑tasutin d‑lluġat n‑ddunit. biddn ġ‑lgddam l‑lɛrš ula alqqaġ s‑tmlsa tumlilin, asin talḍayin ġ‑ufus‑nsn.

anurẓm 8:2

ẓrġ ilmma ssa l‑lmalayka lli‑biddnin ġ‑lgddam n‑rbbi, ttfkn‑asn ssa n‑nnffarat.