luqa 21:34 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁴ «awiyat‑stt ġ‑ih̬f‑nnun a‑ur‑tlhum s‑umššu ula tissi ula tiġufiwin n‑tudrt‑ad, a‑ur‑imil iruḥ‑kʷn‑d‑wass‑an iġwi‑kʷn zund agḍiḍ lli‑tġwi‑tẓqqurt.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁴ «اويات‑ستّ غ‑يخف‑نّون ا‑ور‑تلهوم س‑ومشّو ءولا تيسّي ءولا تيغوفيوين ن‑تودرت‑اد، ا‑ور‑يميل ءيروح‑كُن‑د‑واسّ‑ان ءيغوي‑كُن زوند اگضيض لّي‑تغوي‑تژقّورت.

luqa 21:34 Iomraidhean Croise

matta 13:22

imma amud lli‑iḍrn ġ‑uzggʷar, iga ntta zund yan isfldn i‑wawal, walaynni idda yasi tiġufiwin n‑ddunit ilhu s‑wayda. ġayan a‑iššqajjin awal aylliġ ur‑d‑yiwi ṣṣabt.

marqus 13:9

«awiyat‑stt ġ‑ih̬f‑nnun. ra‑kʷn‑dḥayn s‑lmḥkamat, ssġuršn‑kʷn ġ‑tgʷmma n‑tẓallit. ra‑tbddadm f‑ssibt‑inu ġ‑lgddam l‑lḥukkam d‑igldan ad‑asn‑takkam tugga flla.

marqus 4:19

walaynni ddan asin tiġufiwin n‑ddunit lhun s‑wayda irin tiġawsiwin yaḍni. ġayan a‑iššqajjin awal‑an aylliġ ur‑d‑yiwi ṣṣabt.

luqa 10:41

isawl srs siditnnġ yini‑as: «marta, marta, ha‑kmmi tuḥlt bahra, thuwwlt ih̬f‑nnm s‑kigan d‑tġawsiwin.

luqa 12:40

ula kunni illa fllawn a‑bdda‑tujadm, ašku rad‑d‑aškġ nkki lli‑igan yus n‑bnadm ġ‑kra n‑tasaɛt lli‑ur‑tġalm.»

luqa 17:3

awiyat‑stt ġ‑ih̬f‑nnun. iġ‑iskr gʷmak kra yʷh̬šnn, sawl srs baš a‑ur‑t‑sul‑iskr. iġ‑tʷgraẓ gʷmak ifl lh̬ʷšant‑an, ṣamḥ‑as.

luqa 21:35

ašku ra‑izri‑wass‑an f‑kullu imzdġn n‑ddunit.

luqa 21:8

yini‑asn yasuɛ: «awiyat‑stt ġ‑ih̬f‑nnun a‑kʷn‑ur‑ijlu yan, ašku ggutn ġwilli ra‑d‑yašk asin ism‑inu, kud yan ar‑ittini izd nttan a‑igan lmasiḥ ar‑ittini: ‹hati truḥ‑d tasaɛt.› walaynni a‑tn‑ur‑tḍfurm.

luqa 8:14

imma ġwalli iḍrn ġ‑uzggʷar iga zund mddn lli‑sfldnin i‑wawal, ddun ilmma asin tiġufiwin n‑ddunit‑ad lhun s‑wayda ršqn s‑tġawsiwin yaḍni. ġayan a‑iššqajjin awal aylliġ ur‑d‑yiwi ṣṣabt.

1 kurintus 5:11

walaynni uriġ‑awn tabrat‑an ad‑awn‑iniġ a‑ttanfm i‑wanna igan ih̬f‑ns d‑gʷmatun amumn walaynni ar‑itfsad nġd ar‑itamẓ ma‑iggutn i‑ih̬f‑ns nġd ar‑itɛbad ilahat yaḍni nġd ar‑irggm ġ‑wiyyaḍ nġd ar‑issnuful ih̬f‑ns s‑tissi iktin nġd ar‑itakʷr. wan ġwad, anfat‑as. ula tirmt, a‑ur‑tt‑dids‑tdrum.

1 kurintus 6:10

nġd yan išttan wiyyaḍ nġd yan dar iɛzza a‑itamẓ ma‑iggutn i‑ih̬f‑ns nġd yan itnufuln s‑tissi nġd yan irggmn nġd yan itakʷrn.

گالاطيّا 5:20

ar‑tɛbadn ilahat n‑ddunit‑ad ar‑skarn ssiḥr, ar‑tkrhun ar‑tẓin ar‑tnuwwašn ar‑tbzagn f‑ingratsn, ar‑ttirin ad‑agʷrn wiyyaḍ, ar‑tmmaġn d‑wanna ur‑zgisn‑igin, ar‑rggmn wanna ur‑didsn‑ibiddn,

filibbi 4:6

a‑ur‑tasim taġuft f‑kra, walaynni tẓẓallat ar‑ttḍalabm rbbi f‑kraygatt kra, ar‑ti‑ttškarm ar‑as‑ttinim f‑aynna‑kʷn‑ih̬ṣṣan.

iɛbrin 12:15

awiyat‑stt ġ‑ih̬fawn‑nnun a‑ur‑ijlu yan gigun zġ‑lbaraka n‑rbbi, ula imġi‑d‑wamud n‑wasmmum ġ‑gratun, ard issduy mddn isshrš ma‑iggutn.

2 bṭrus 3:10

walaynni ass n‑siditnnġ ra‑d‑yašk zund amh̬h̬ar. rad‑ittin ignwan s‑ijjij itjhhdn, ifnu kullu ma‑gisn‑illan s‑lɛafit, tjdr akal ula kullu ma‑gis‑skrn mddn.

2 bṭrus 3:14

imma ġilad ġ‑a‑ttqlm s‑mayad, ay‑aytma ɛzzanin, gat‑n tiqqi‑nnun a‑bdda‑tili sslamt ġ‑gratun d‑rbbi, bla gigun illa kra l‑lɛib ula kra yʷh̬šnn ġ‑uwlawn‑nnun.

anurẓm 3:3

swangm‑d ma‑tlmdt ula maylli mi‑tsfldt ġayd izrin. skar srs, twrrid‑d zġ‑ddnub‑nnk. iġ‑ur‑trurt lɛaql, hati ra‑n‑srk‑aškġ zund amh̬h̬ar, ur‑ra‑tissant man tasaɛt ġ‑ra‑k‑in‑lkmġ.