luqa 21:19 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁹ biddat tzgam, ġmkad a‑s‑ra‑tnjmm.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁹ بيدّات تزگام، غمكاد ا‑س‑را‑تنجمّ.

luqa 21:19 Iomraidhean Croise

matta 10:22

ra‑kʷn‑tkrhun kullu mddn f‑ssibt n‑ma‑tgam winu, walaynni wanna ibiddn izga ar isiggʷra ra‑injm.

matta 24:13

imma wanna ibiddn izga ar isiggʷra ra‑injm.

luqa 8:15

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

ruma 15:4

kullu ma‑ityaran ġ‑uwssan lli‑zrinin, ityara baš a‑nlmd nkkʷni, nṣbr nzɛm nzga ġ‑rrja f‑ssibt n‑maylli naqra ġ‑warratn‑an.

ruma 2:7

llan kra n‑mddn ar‑bdda‑skarn afulki ar‑n‑trjun ġ‑dar rbbi a‑tn‑issattuy ar‑tn‑issimġur ifk‑asn tudrt idumn. ntni rad‑asn‑ifk rbbi tudrt l‑lih̬rt.

ruma 5:3

walaynni urd ġir mayan a‑s‑a‑ntfraḥ. ar‑ntfraḥ ula s‑trfufnt nna‑darnnġ‑illan, ašku nssn izd s‑trfufnt a‑s‑ra‑ginnġ‑itzayad ṣṣbr.

ruma 5:4

ula s‑ṣṣbr a‑s‑ra‑ntnru tassast nna‑illan. ula s‑tnri a‑s‑ra‑darnnġ‑yili rrja.

ruma 8:25

walaynni lliġ a‑ntrju ġ‑maylli ur‑ta‑nẓri, hati ar‑srs‑ntql nzga ġ‑rrja ard‑aġ‑yili.

1 tasaluniki 1:3

ar‑d‑nswingim ġ‑lgddam n‑rbbi babatnnġ mamnk a‑kullu‑tskarm s‑liman‑nnun, ar‑tth̬damm s‑lḥnant, tzgam ġ‑rrja n‑siditnnġ yasuɛ lmasiḥ.

2 tasaluniki 3:5

imma ġilad, nḍalb siditnnġ a‑kʷn‑ihdu baš a‑ttḥnnum ġmklli itḥnnu rbbi, ar‑ttṣbarm ġmklli itṣbar lmasiḥ.

iɛbrin 10:36

ih̬ṣṣa‑kʷn a‑tṣbrm ard tkmmlm kullu ma‑gigun‑ira rbbi, tkšmm tigira s‑maylli‑s‑awn‑inna rad‑awn‑yili.

iɛbrin 6:11

imma ġilad nra kud yan gigun a‑itzayad ġmkan s‑zzɛamt ar isiggʷra, baš a‑tkšmm kullukn s‑lbaraka lli‑n‑ntrju.

iɛbrin 6:15

iql ibrahim iṣbr aylliġ‑as‑ityawfka maylli‑s‑as‑inna rbbi.

yaɛqub 1:3

ašku tssnm iġ‑tzrim ġ‑tnukmut sul‑tzgam ġ‑uġaras l‑lmasiḥ, ra‑kʷn‑issdus mayan baš a‑tiẓḍarm a‑ttṣbarm s‑uggʷar.

yaɛqub 1:4

imma ġilad, zaydat tṣbrm ard tlkmm ttmi baš a‑timġurm tkmmlm bla‑kʷn‑ih̬ṣṣa yat.

2 bṭrus 1:6

tzaydm f‑twassna n‑rbbi a‑bdda‑tġwim ġ‑ih̬f‑nnun, tzaydm f‑mayan a‑bahra‑tzgam ġ‑lḥqq, tzaydm f‑mayan a‑bdda‑trḍum rbbi,

anurẓm 1:9

imma nkki yuḥanna gʷmatun d‑usmun‑nnun ġ‑tnukmut ula tagldit ula ṣṣbr lli‑aġ‑illan s‑ism n‑yasuɛ, lliġ ġ‑igzir n‑baṭmus tyamaẓġ f‑ssibt n‑tbrraḥt n‑wawal n‑rbbi ula f‑tugga n‑yasuɛ.

anurẓm 13:10

«wanna‑d‑iqqann a‑ityamaẓ ra‑ityamaẓ. wanna‑d‑iqqann a‑immt s‑taẓẓit ra‑immt s‑taẓẓit. mayan a‑f‑illa f‑imẓlayn n‑rbbi a‑gis‑amẓn, zgan ġ‑uġaras‑ns.»

anurẓm 14:12

mayan a‑f‑illa f‑imẓlayn n‑rbbi ad‑ṣbrn zgan, a‑tn‑igan d‑willi skarnin s‑luṣiyat n‑rbbi ġwin‑bdda ġ‑yasuɛ.

anurẓm 3:10

hati tṣbrt tzgat ġmklli‑k‑uṣṣaġ. f‑mayan a‑f‑ra‑k‑ssntalġ ġ‑tasaɛt n‑tnukmut lli‑ra‑izri f‑ddunit a‑tarm kullu willi gis zdġnin.