luqa 2:14 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁴ «a‑yili lmjd i‑rbbi ġ‑tattuyt, tili sslamt i‑willi‑f‑irḍa ġ‑ddunit.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁴ «ا‑ييلي لمجد ءي‑ربّي غ‑تاتّويت، تيلي سّلامت ءي‑ويلّي‑ف‑يرضا غ‑دّونيت.»

luqa 2:14 Iomraidhean Croise

matta 21:9

frḥn bahra ġwilli zwarnin i‑yasuɛ ġ‑uġaras ula ġwilli‑as‑ggʷranin, ar‑talln awal‑nsn ar‑ttinin: «huṣanna i‑yus n‑dawd. ambarki a‑iga ġwad‑d‑yuškan s‑ism n‑sidi rbbi. huṣanna ġ‑ignna yattuyn.»

luqa 1:79

yisfiw f‑willi zdġnin ġ‑tillas d‑umalu l‑lmut, isslkm iḍarn‑nnġ s‑uġaras n‑sslamt.»

luqa 19:38

ar‑ttinin: «ambarki a‑iga‑ugllid‑ad‑d‑yuškan s‑ism n‑sidi rbbi. sslamt ġ‑ignna d‑lmjd ġ‑tattuyt.»

luqa 2:13

bann‑d ilmma ikabarn l‑lmalayka ggutnin d‑lmalak, ar‑talġn rbbi ar‑ttinin:

luqa 2:15

lliġ wrrin lmalayka s‑ignwan inin imksawn i‑ngratsn: «nkrat a‑nddu s‑bitlaḥm a‑nẓr mayd‑f‑aġ‑inna sidi rbbi.»

luqa 3:22

igguz‑d fllas rruḥ lqudus ġ‑ssift n‑yan‑utbir, isawl‑d yan‑wawal zġ‑ignwan yini: «kiyi tgit iwi iɛzzan. frḥġ srk bahra.»

yuḥanna 14:27

imma ġilad flġ‑awn sslamt. sslamt‑inu ayd‑awn‑fkiġ. ur‑ra‑tiẓḍar ddunit ad‑awn‑tti‑tfk ġmklli‑awn‑tt‑fkiġ nkki. a‑ur‑tiksaḍm ula tudjm taġuft a‑tkšm s‑uwlawn‑nnun.

yuḥanna 17:4

ssbayynġ‑d lmjd‑nnk ġ‑ddunit‑ad, kmmlġ tawuri lli‑yyi‑tfkit.

yuḥanna 3:16

ašku ġunškad a‑s‑iḥnna rbbi f‑ddunit aylliġ‑d‑ifka ġwalli igan yus, a‑d‑ikkis i‑lhalak kullu wanna srs yumnn, išškšm‑tn s‑tudrt idumn.

irqqasn 10:36

ġmkad a‑iga‑wawal lli‑d‑yuzn rbbi i‑mddn‑ns n‑ayt‑yaɛqub, iml‑asn‑d lh̬bar ifulkin n‑sslamt ġ‑gras didsn f‑uwdm n‑yasuɛ lmasiḥ lli‑igan sidis n‑kullu ma‑illan.

ruma 5:1

imma ġilad tlla‑yaġ sslamt ġ‑gratnnġ d‑rbbi f‑uwdm n‑siditnnġ yasuɛ lmasiḥ, ašku iga‑yaġ d‑wid‑f‑irḍa f‑ssibt n‑ma‑srs‑numn.

afsus 1:6

ar‑t‑bahra‑ntalġ f‑lḥnant‑ad iggutn lli‑s‑aġ‑ibark f‑uwdm n‑yus iɛzzan

afsus 1:9

ašku issbayyn‑aġ‑d taġawsa‑yad intln, iml‑aġ‑d ma‑ira a‑iskr irḍu srs iqṣad‑t f‑ufus l‑lmasiḥ,

afsus 2:4

imma rbbi, tggut dars rrḥmt, iḥnnu ginnġ s‑lḥnant‑ns iggutn,

afsus 2:7

baš a‑iml, ġilad ula kullu mayd‑d‑iftan, mnšk a‑s‑bahra‑tggut lḥnant‑ns lli‑s‑aġ‑ibark f‑ssibt l‑lmasiḥ yasuɛ.

filibbi 2:11

yini kraygatt ils: «yasuɛ lmasiḥ a‑igan sidis n‑kullu ma‑illan.» ġmkad a‑s‑rad‑kullu‑uqqrn lmjd n‑rbbi babatnnġ.

filibbi 2:13

ašku rbbi a‑bdda‑gigun‑iḥkamn baš a‑ttirim ma‑t‑irḍan ar‑srs‑tskarm.

kulussi 1:20

f‑uwdm‑ns a‑f‑iqṣad rbbi a‑irar i‑ih̬f‑ns kullu ma‑illan ġ‑wakal ula ġ‑ignwan, iskr sslamt ġ‑gras d‑mddn f‑ssibt n‑idammn l‑lmasiḥ lli‑ffinin lliġ immut f‑uggjdi.

2 tasaluniki 2:16

ar‑ntalġ siditnnġ yasuɛ lmasiḥ d‑rbbi babatnnġ lli‑fllannġ‑iḥnnan ibark‑aġ ifk‑aġ zzɛamt idumn ula rrja iṣḥan.

anurẓm 5:13

sfldġ ġakudan i‑kullu ma‑ih̬lq rbbi ġ‑ignna ula ġ‑wakal ula ġ‑ddu‑wakal ula ġ‑umda, sfldġ i‑kullu ma‑iddrn ġ‑kraygatt mani ar‑ttinin: «a‑yili lḥmd d‑ttuqir d‑lmjd d‑lquwwa i‑walli iskiwsn f‑lɛrš ula i‑ulqqaġ, ġilad ula kullu mayd‑d‑iftan.»