luqa 2:11 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ ašku ġassad ġ‑tmdint n‑dawd ilul‑awn‑d‑unjjam lli igan lmasiḥ siditnnġ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ اشكو غاسّاد غ‑تمدينت ن‑داود ءيلول‑اون‑د‑ونجّام لّي‑يگان لماسيح سيديتنّغ.

luqa 2:11 Iomraidhean Croise

matta 1:16

yaɛqub yuru yusf argaz n‑maryam lli‑igan innas n‑yasuɛ lli‑mi‑ttinin lmasiḥ.

matta 1:21

ra‑taru yan‑warraw, tgt‑as ism ‹yasuɛ› ašku ra‑ijjnjm mddn‑ns zġ‑ddnub‑nsn.»

matta 16:16

isawl simɛan bṭrus yini‑as: «tgit lmasiḥ yus n‑rbbi lli‑iddrn.»

matta 16:20

yuṣṣa imḥḍarn‑ns ilmma yini‑asn s‑lmɛqul: «a‑ur‑tinim i‑yan izd nkkin a‑igan lmasiḥ lli‑s‑a‑tqln.»

luqa 1:43

mad‑giġ nkki aylliġ‑d‑dari‑tuška innas n‑sidi?

luqa 1:69

issmġi‑d ġ‑gr tasutin n‑uh̬ddam‑ns dawd yan igan anjjam itjhhdn,

luqa 2:26

imla‑yas rruḥ lqudus is‑ur‑ra‑immt ard iẓr lmasiḥ n‑sidi rbbi.

luqa 2:4

inkr yusf iffuġ tamdint n‑naṣira ġ‑jalil imuddu s‑tmdint n‑dawd lli‑mi‑ttinin bitlaḥm ġ‑tmazirt n‑yudaya, ašku iga ntta zġ‑tasut n‑dawd ula tarwa‑ns.

yuḥanna 1:41

iddu ġakudan yaf‑n gʷmas simɛan yini‑as: «ha‑yaġ nmnaggar ġwalli igan lmasiḥ n‑rbbi.» (awal‑ad ‹lmasiḥ›, tga lmɛna‑ns ‹amẓlay›.)

yuḥanna 1:45

iddu filibbus yaf‑n natanayl yini‑as: «ha‑yaġ nmnaggar ġwalli‑f‑yura musa ġ‑ššrɛ ula lanbiya ġ‑warratn‑nsn. iga yasuɛ gu‑naṣira yus n‑yusf.»

yuḥanna 11:27

tini‑as‑d: «umnġ‑t a‑sidi, amnġ is‑tgit lmasiḥ yus n‑rbbi lli‑f‑nsfld ra‑d‑yašk s‑ddunit.»

yuḥanna 20:31

walaynni tyarant h̬tid baš a‑tamnm is‑iga yasuɛ yus n‑rbbi ig lmasiḥ‑ns, tili‑awn tudrt s‑ism‑ns iġ‑srs‑tumnm.

yuḥanna 4:25

tini‑as‑d‑tmġart: «ssnġ is‑ra‑d‑yašk lmasiḥ (a‑t‑igan d‑umẓlay n‑rbbi). ġakud nna‑d‑yuška rad‑aġ‑d‑iml kullu tiġawsiwin‑ad.»

yuḥanna 4:42

inin i‑tmġart‑an: «urd ġir f‑ssibt n‑wawal‑nnm a‑f‑numn ġilad walaynni nsfld‑as ula nkkʷni, nissan izd s‑ṣṣaḥt ġwad a‑igan anjjam n‑ddunit.»

yuḥanna 6:69

ha‑yaġ numn nissan izd kiyi a‑igan amẓlay n‑rbbi.»

yuḥanna 7:41

inin wiyyaḍ: «ġwad a‑igan lmasiḥ n‑rbbi.» imma wiyyaḍ nnan: «izd tamazirt n‑jalil a‑zġ‑ra‑d‑yašk lmasiḥ?

irqqasn 10:36

ġmkad a‑iga‑wawal lli‑d‑yuzn rbbi i‑mddn‑ns n‑ayt‑yaɛqub, iml‑asn‑d lh̬bar ifulkin n‑sslamt ġ‑gras didsn f‑uwdm n‑yasuɛ lmasiḥ lli‑igan sidis n‑kullu ma‑illan.

irqqasn 13:23

imma ġilad, zġ‑tasut n‑dawd a‑zġ‑d‑ifka rbbi yan yaḍni a‑ig anjjam i‑ayt‑rbbi ġmklli‑s‑inna ġayd izrin, a‑t‑igan d‑yasuɛ.

irqqasn 17:3

ar‑asn‑ittini: «iqqan‑d ġwalli igan lmasiḥ a‑irfufn bahra, inkr‑d ilmma zġ‑lmut.» ar‑asn‑ittini: «yasuɛ lli‑f‑a‑yawn‑tbrraḥġ, nttan a‑igan lmasiḥ lli‑s‑a‑ttqlm.»

irqqasn 2:36

way‑ayt‑rbbi kullukn, iqqan‑kʷn‑d a‑tissanm mayad. yasuɛ lli‑tnġam f‑uggjdi, iga‑t rbbi d‑sidis n‑bnadm ig‑t d‑lmasiḥ‑nnġ.»

irqqasn 5:31

issattuy‑t s‑ufasiy‑ns baš a‑ig agllid d‑unjjam i‑ayt‑rbbi, iskr‑asn aġaras ma‑s‑a‑di‑twrrin zġ‑kullu ma‑yʷh̬šnn, issitti fllasn ddnub‑nsn.

1 kurintus 15:47

argaz amzwaru ityawskar zġ‑idqqi, ig win‑wakal. imma argaz wis sin iga zġ‑ignna.

filibbi 2:11

yini kraygatt ils: «yasuɛ lmasiḥ a‑igan sidis n‑kullu ma‑illan.» ġmkad a‑s‑rad‑kullu‑uqqrn lmjd n‑rbbi babatnnġ.

filibbi 3:8

ḥasbġ kullu tiġawsiwin‑an zund ur‑gint yat, ašku tlla dari ġilad ma‑tnt‑yufn bahra, a‑stt‑igan d‑twassna l‑lmasiḥ yasuɛ lli‑iwrrin iga sidi. f‑ssibt‑ns a‑f‑giġ tiġawsiwin‑an d‑irkan, flġ kullu ma‑dari‑illan baš ad‑iyi‑yili lmasiḥ,

kulussi 2:6

ssnġ is‑tgam lmasiḥ yasuɛ d‑siditun. d‑mayan a‑f‑rad‑awn‑iniġ, skarat‑bdda ma‑ira.

1 yuḥanna 4:14

rbbi babatnnġ yuzn‑d yus baš a‑ig anjjam n‑ddunit. nẓra‑t nkkʷni, ng fllas inagan.

1 yuḥanna 5:1

kullu wanna yumnn izd yasuɛ a‑igan lmasiḥ n‑rbbi, hati ilul‑d talalit l‑ljdid zġ‑dar rbbi. kullu wanna ittirin rbbi babatnnġ, ar‑ittiri yus.