luqa 19:12 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² yini‑asn: «ha‑yan‑urgaz iga yus n‑tgmmi imqqurn, iskr f‑a‑imuddu s‑yat‑tmazirt yaggugn, baš ad‑as‑fkn lḥqq a‑iḥkam tamazirt‑ns iwrri‑d ig fllas agllid.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² ييني‑اسن: «ها‑يان‑ورگاز ءيگا يوس ن‑تگمّي ءيمقّورن، ءيسكر ف‑ا‑يمودّو س‑يات‑تمازيرت ياگّوگن، باش اد‑اس‑فكن لحقّ ا‑يحكام تامازيرت‑نس يوورّي‑د ءيگ فلّاس اگلّيد.

luqa 19:12 Iomraidhean Croise

matta 21:38

walaynni ih̬ʷmmaṣn‑an, lliġ ẓran yus mšawarn i‑ngratsn inin ‹ġwad a‑ra‑iwrt igr. aškad‑d a‑t‑nnġ ig lwrt winnġ.›

matta 28:18

imma yasuɛ iruḥ‑tn yini‑asn: «hati ġ‑ufus‑inu a‑ġ‑ityawfka kullu ma‑illan ġ‑ignwan ula ġ‑wakal.

marqus 12:1

ibdu yasuɛ ar‑srsn‑isawal s‑lmɛni yini‑asn: «ha‑yan‑urgaz iẓẓa aḍil ġ‑igr‑ns, isslulli‑as ifrig iġza agʷḍi i‑lmɛṣṣrt, ibnu yal‑lbrj ifl‑t i‑ih̬ʷmmaṣn iftu imuddu.

marqus 16:19

siditnnġ yasuɛ, tiġurdin n‑ma‑srsn‑isawl, ityalal s‑ignna iskiws f‑ufasi n‑rbbi.

luqa 20:9

isawl yasuɛ s‑mddn, yut‑asn lmɛna‑yad yini‑asn: «ha‑yan‑urgaz iẓẓa aḍil ġ‑igr‑ns. ifl‑t i‑ih̬ʷmmaṣn, iftu imuddu s‑tmazirt yaḍni igawr‑n ġin.

luqa 24:51

sul a‑tn‑itbarak s‑fllasn‑ityalal s‑ignwan.

yuḥanna 18:37

yini‑as bilaṭus: «izd‑nnit agllid a‑tgit?» irar‑as yasuɛ: «kiyi ayd innan is‑giġ agllid. mayad a‑f‑d‑lulġ i‑ddunit, aškġ‑d ad‑akkaġ tugga f‑lḥqq. kullu wanna iran lḥqq ra‑isflid i‑wawal‑inu.»

irqqasn 17:31

ašku iqṣad yan‑wass lli‑ġ‑ra‑yut lḥukm s‑lḥqq f‑kullu ddunit f‑ufus n‑yan‑urgaz lli‑iẓli, iml srs tamatart i‑kullu mddn lliġ‑t‑id‑issnkr zġ‑lmut.»

1 kurintus 15:25

ra‑iḥkam lmasiḥ ard ig rbbi kullu inuwwašn‑ns ġ‑ddu iḍarn‑ns.

iɛbrin 9:28

ġmkan a‑s‑ifka lmasiḥ ula ntta ih̬f‑ns yat‑twal baš a‑yasi ddnub n‑mddn ggutnin. ra‑d‑iwrri tis snat‑twal, urd baš a‑yasi ddnub walaynni baš a‑ijjnjm kullu winna srs tqlnin rjun‑in gis.

1 bṭrus 3:22

nttan a‑ikšmn ilmma s‑ignna, iskiws ġilad f‑ufasi n‑rbbi, ilin kullu lmalayka d‑ssulṭat d‑lquwwat n‑ignwan ġ‑ddu‑ufus‑ns.

anurẓm 1:7

hati ra‑d‑iftu ġilad ġ‑gr imdla, ẓrn‑t kullu mddn, ẓrn‑t ula ġwilli‑t‑ssyaggasnin. rad‑allant‑kullu‑tmizar n‑ddunit f‑ssibt‑ns. ġmkad a‑ra‑yili, amin.