luqa 17:24 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁴ ašku ġmklli kkatn‑uwsmann zġ‑yat‑tsga n‑ignwan isfiwn‑in i‑tsga yaḍni, ġmkan a‑rad‑d‑aškġ nkki lli‑igan yus n‑bnadm ġ‑wass‑inu.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁴ اشكو غمكلّي كّاتن‑ووسمانّ زغ‑يات‑تسگا ن‑يگنوان ءيسفيون‑ين ءي‑تسگا ياضني، غمكان ا‑راد‑د‑اشكغ نكّي لّي‑يگان يوس ن‑بنادم غ‑واسّ‑ينو.

luqa 17:24 Iomraidhean Croise

matta 24:27

ašku ġmklli kkatn‑uwsmann ġ‑ššrq ar‑n‑ttisfiwn i‑lġrb, ġmkan a‑rad‑d‑aškġ nkki lli‑igan yus n‑bnadm.

matta 24:30

ġakudan a‑ra‑di‑tban‑tmatart n‑yus n‑bnadm ġ‑ignwan, ar‑allan kullu imzdġn n‑ddunit, ẓrn‑iyi ftiġ‑d ġ‑gr imdla n‑ignwan s‑lquwwa d‑lmjd iggutn.

matta 25:31

izayd yasuɛ yini‑asn: «ġakud lliġ rad‑d‑wrriġ s‑ddunit‑ad, munn‑d didi kullu lmalayka s‑lmjd iggutn, rad‑skiwsġ nkki lli‑igan yus n‑bnadm f‑lɛrš n‑tgldit‑inu,

matta 26:64

irar‑as yasuɛ: «kiyi a‑t‑innan. walaynni rad‑awn‑iniġ, yan imikk ra‑tẓrm yus n‑bnadm iskiws f‑ufasi n‑rbbi itjhhdn, iftu‑d ġ‑gr imdla n‑ignwan.»

matta 5:15

ur‑a‑ssrġan mddn lqndil a‑t‑in‑srsn ġ‑ddu lɛbrt, walaynni f‑iggi n‑mani yattuyn a‑f‑a‑t‑in‑srasn baš ad‑isfiwn kullu ayt‑tgmmi.

1 kurintus 1:8

nttan a‑ra‑kʷn‑issdus ar isiggʷra f‑a‑ur‑gigun‑yili kra l‑lɛib ġ‑wass lli‑ġ‑ra‑d‑iwrri siditnnġ yasuɛ lmasiḥ.

1 tasaluniki 5:2

ašku tssnm izd zund amh̬h̬ar n‑iyḍ a‑s‑ra‑d‑ilkm‑wass n‑siditnnġ.

2 tasaluniki 2:2

walaynni ad‑ur‑tasim taġuft ula tġuwḍm iġ‑tsfldm i‑kra n‑yan ar‑ittini «izri‑wass lli‑ġ‑d‑yuška siditnnġ.» a‑ur‑ti‑tamnm wah̬h̬a iġ‑awn‑inna imla‑yas‑t rruḥ lqudus nġd isfld i‑lh̬bar‑ns nġd iġra‑t ġ‑kra n‑tbrat zġ‑darnnġ.

2 tasaluniki 2:8

ġakudan a‑ra‑d‑iban‑unuwwaš n‑rbbi, yašk‑id ilmma siditnnġ yasuɛ s‑lmjd iggutn, inġ‑t s‑yat tunfust zġ‑imi‑ns ihlk‑t.

yaɛqub 5:8

ula kunni, illa fllawn a‑ttṣbarm ar‑tzzɛamm ulawn‑nnun, ašku yakmur‑d‑wass lli‑ġ‑ra‑d‑yašk siditnnġ.

2 bṭrus 3:10

walaynni ass n‑siditnnġ ra‑d‑yašk zund amh̬h̬ar. rad‑ittin ignwan s‑ijjij itjhhdn, ifnu kullu ma‑gisn‑illan s‑lɛafit, tjdr akal ula kullu ma‑gis‑skrn mddn.