luqa 17:2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² yuf‑as iġ‑as‑ityaggal‑uẓru n‑uzrg ġ‑umggrḍ‑ns ityawgar‑n ġ‑umda, ula issḍr yan zġ‑imẓẓiyn‑ad.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² يوف‑اس ءيغ‑اس‑يتياگّال‑وژرو ن‑وزرگ غ‑ومگّرض‑نس ءيتياوگار‑ن غ‑ومدا، ءولا ءيسّضر يان زغ‑يمژّيين‑اد.

luqa 17:2 Iomraidhean Croise

matta 17:27

walaynni a‑stt‑ur‑nssṭiyyar i‑mddn‑an. zayd s‑umda, tluḥt‑n yat tukṭṭ ġ‑waman. taslmt tamzwarut nna‑di‑tumẓt, trẓmt imi‑ns ra‑n‑taft yan‑uqarid. awi‑t tfrut srs mad‑aġ‑ḍfarn nkki ula kiyi.»

matta 18:10

awiyat‑stt ġ‑ih̬f‑nnun a‑ur‑tḥgrm yan ġ‑imẓẓiyn‑ad. ašku rad‑awn‑iniġ, lmalayka‑nsn ar‑n‑bdda‑tmunun d‑baba rbbi lli‑illan ġ‑ignna.

matta 18:14

ġmkad a‑ira babatun lli‑illan ġ‑ignna a‑ur‑ityawhlak yan ġ‑imẓẓiyn‑ad.

matta 26:24

ha‑yus n‑bnadm ra‑immt ġmklli fllas ityaran, walaynni taguḍi a‑ra‑yili i‑urgaz lli‑izznzan yus n‑bnadm. yuf‑as i‑urgaz‑an mrad is‑ur‑akkʷ‑ilul.»

marqus 9:42

«wanna issḍrn yan zġ‑imẓẓiyn‑ad lli‑sri‑umnnin, yuf‑as mrad is‑as‑ityaggal‑uẓru n‑uzrg imqqurn ġ‑umggrḍ‑ns ityawgar‑n ġ‑umda.

yuḥanna 21:15

lliġ ššan, isawl‑d yasuɛ s‑simɛan bṭrus yini‑as: «wa‑simɛan yus n‑yuna, is‑a‑yyi‑ttirit uggʷar n‑ma‑yyi‑ttirin ġwid?» irar‑as bṭrus: «iyah a‑sidi, tssnt is‑dari‑tɛzzat.» yini‑as‑d yasuɛ: «ks ilqqaġn‑inu.»

1 kurintus 9:15

imma nkki ur‑jju‑ḍalbġ lḥqq‑inu. tabrat‑ad, ur‑awn‑tt‑in‑uriġ baš ad‑amẓġ kra i‑ih̬f‑inu. ašku yuf dari ad‑mmtġ ula ikkis flla kra n‑yan lfrḥ‑ad dari illan s‑mayd skarġ.

1 kurintus 9:22

gġ ih̬f‑inu d‑wad iḍɛfn ġ‑dar willi ḍɛfnin, baš ad‑rarġ ula ġwilli ḍɛfnin i‑rbbi. ġ‑dar kullu mddn ar‑twrriġ gġ zġ‑gisn baš ad‑afġ mamnk ad‑zgisn‑jjnjamġ kra.