luqa 17:16 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ iḍr f‑uwdm‑ns ġ‑dar iḍarn n‑yasuɛ ar‑t‑itškar. iga ntta gu‑samira.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ ءيضر ف‑وودم‑نس غ‑دار ءيضارن ن‑ياسوع ار‑ت‑يتشكار. ءيگا نتّا گو‑ساميرا.

luqa 17:16 Iomraidhean Croise

matta 10:5

ġakudan a‑yuzn yasuɛ irqqasn‑ns s‑sin d‑mraw yuṣṣa‑tn: «a‑ur‑tddum s‑tmizar yaḍni ula tkšmm s‑tmdinin n‑samira.

matta 2:11

kšmn ntni s‑tgmmi, s‑ẓran aḥšmi d‑innas maryam. ḍrn f‑ifaddn‑nsn, knun s‑wakal ġ‑lgddam‑ns. rẓmn itlsan‑nsn, fkn‑as tiwafkiw n‑uwrġ d‑lbh̬ur d‑tujjut l‑lmurr.

marqus 5:33

tiksaḍ‑tmġart‑lli ar‑ttrgigiy s‑tawda, tssn mad‑as‑ijran. tašk‑id tḍr‑d ġ‑dar iḍarn‑ns tini‑as kullu mad‑as‑ijran.

luqa 17:17

isawl yasuɛ yini: «is‑urd mraw a‑iġusn? manza tẓa yaḍni?

luqa 5:8

imma simɛan bṭrus, lliġ iẓra mayd ijran iḍr‑n f‑ifaddn n‑yasuɛ yini‑as: «wa‑sidi, ngara didi. argaz yʷh̬šnn ad‑giġ.»

yuḥanna 4:9

tini‑as‑d‑tmġart: «mah̬ a‑yyi‑tḍalbt a‑tsut? kiyi tgit gu‑yudaya, nkki giġ ullt‑samira.» ašku ayt‑yudaya ur‑a‑ssan zġ‑irukutn n‑ayt‑samira.

yuḥanna 5:23

baš a‑yyi‑kullu‑tuqqarn ġmklli tuqqarn baba. yan ur‑iyi‑yuqqrn, ur‑yuqqr baba lli‑yyi‑d‑yuznn.

yuḥanna 8:48

sawln‑d mddn‑an n‑ayt‑yudaya inin‑as: «is‑ur‑nʷġẓan iġ‑a‑fllak‑nttini tgit gu‑samira ikšm‑k yal‑ljnn?»

irqqasn 1:8

walaynni ra‑tɛmmrm s‑tḥkimt itjhhdn ġakud nna‑d‑fllawn‑igguz rruḥ lqudus. ra‑flla‑takkam tugga ġ‑urušalim ula kullu tamazirt n‑yudaya ula samira ar timizar aggugnin n‑ddunit.»

1 kurintus 14:25

iban kullu ma‑intln ġ‑uwl‑ns. ra‑iḍr s‑wakal yalġ rbbi yini «s‑ṣṣaḥt illa rbbi ġ‑wammas‑nnun.»

anurẓm 19:10

imma nkki ḍrġ‑n ġ‑dar iḍarn‑ns iriġ ad‑as‑sjdġ, s‑iyi‑inna: «a‑ur‑tskrt ġmkan. ašku ah̬ddam kad‑giġ, zund kiyi d‑aytmak lli‑umẓnin ġ‑tugga n‑yasuɛ. rbbi waḥdut a‑ttɛbadt.» ašku tugga n‑yasuɛ a‑idḥayn ġwilli sawalnin s‑mad‑asn‑imala rbbi.

anurẓm 4:10

ar‑n‑ṭṭarn sin id‑mraw d‑kkuẓ n‑umġar ġ‑lgddam n‑walli iskiwsn f‑lɛrš, sjdn i‑walli bdda illan rad‑bdda‑yili, ar‑n‑tluḥn ttaj‑nsn ġ‑lgddam l‑lɛrš ar‑ttinin:

anurẓm 5:14

inint kkuẓṭ lmh̬luqat: «amin.» ḍrn‑in imġarn sjdn‑as.