luqa 17:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ isawl yasuɛ s‑imḥḍarn‑ns yini‑asn: «iqqan‑d ad‑ilint tabayḍḍrin ma‑issṭarn mddn, walaynni taguḍi a‑ra‑yili i‑wanna‑tnt‑in‑israsn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ ءيساول ياسوع س‑يمحضارن‑نس ييني‑اسن: «ءيقّان‑د اد‑يلينت تابايضّرين ما‑يسّطارن مدّن، والاينّي تاگوضي ا‑را‑ييلي ءي‑وانّا‑تنت‑ين‑يسراسن.

luqa 17:1 Iomraidhean Croise

matta 16:23

igrawl‑d gis yasuɛ yini‑as: «itti‑n zġ‑gigi a‑šiṭan. tabayḍḍrt ad‑iyi‑tgit. ašku ur‑a‑tskart s‑ma‑ira rbbi, walaynni s‑ma‑ira bnadm ka‑s‑a‑tskart.»

matta 18:7

taguḍi a‑ra‑yili i‑ddunit f‑ssibt n‑kullu ma‑gis‑issṭarn bnadm. iqqan‑d‑nnit a‑yili ma‑issṭarn mddn, walaynni taguḍi a‑ra‑yili i‑willi‑tn‑ssḍrnin.

luqa 16:31

irar‑as ibrahim: ‹iġ‑ur‑a‑sflidn i‑musa ula lanbiya ur‑rad‑wrrin, wah̬h̬a‑d‑akkʷ‑inkr kra n‑yan zġ‑lmut.›»

ruma 14:13

mayad a‑f‑d‑iqqan a‑ur‑sul‑ntḥkam f‑ingratnnġ, walaynni a‑ntnbaḍ ġ‑ih̬f‑nnġ a‑ur‑sar‑nsrs kra n‑tbayḍḍrt ġ‑lgddam n‑gʷmatnnġ ula kra ra‑t‑issḍr.

ruma 16:17

ḍalbġ‑kʷn ay‑aytma, a‑stti‑ttawim ġ‑willi aṭṭunin aytmatn ar‑asn‑tggan ifikš ma‑tn‑issṭarn, ar‑tffuġn zġ‑ulmmud lli‑tlmdm ġayd izrin. iniġ‑awn, anfat‑asn

1 kurintus 10:32

a‑ur‑tti‑tssṭiyyarm i‑ayt‑yudaya ula ayt‑tmizar yaḍni ula ayt‑umnaggar n‑rbbi.

1 kurintus 11:19

ašku iqqan‑d a‑yaṭṭu kra f‑kra baš a‑gigun‑iban manwi‑f‑irḍa rbbi.

1 kurintus 8:13

mayad a‑f‑rad‑awn‑iniġ, iġ‑ra‑iḍr gʷma f‑ssibt n‑mad‑šttaġ, ur‑sar‑rad‑ššġ tifiyi, baš a‑ur‑ssḍrġ gʷma.

1 timutaws 4:1

isawl rruḥ lqudus ġilad s‑wawal izgan yini: ġ‑uwssan ggʷranin rad‑fln kra n‑mddn aġaras l‑lmasiḥ, ar‑sflidn s‑tkrkas l‑larwaḥ ʷh̬šnnin ula s‑ulmmud l‑ljnun

anurẓm 2:14

«walaynni llant sul dari kra n‑tġawsiwin fllak. llan ġ‑gratun kra n‑mddn umẓn almmud n‑balɛam lli‑imlan i‑ugllid balaq mamnk a‑ijllu ayt‑rbbi, aylliġ a‑šttan ma‑ityawġrasn i‑laṣnam ar‑tfsadn.

anurẓm 2:20

«walaynni illa sul dari kra fllak. ur‑a‑tssfssat tamġart‑an ‹izabil› lli‑ittinin is‑a‑tsawal s‑iwaliwn n‑rbbi. nttat ar‑bahra‑tjllu ih̬ddamn‑inu s‑ulmmud‑ns ar‑tn‑ttrara ad‑fsadn ar‑šttan ma‑ityawġrasn i‑laṣnam.