luqa 16:24 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁴ iġr‑as: ‹wa‑baba ibrahim, ḥnnu gigi. ha‑yyi ġ‑lɛafit‑ad ar‑bahra‑trfufunġ. azn liɛazr a‑d‑issayk aḍaḍ‑ns aman, issilwiġ ils‑inu.›

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁴ ءيغر‑اس: ‹وا‑بابا ءيبراهيم، حنّو گيگي. ها‑يّي غ‑لعافيت‑اد ار‑باهرا‑ترفوفونغ. ازن ليعازر ا‑د‑يسّايك اضاض‑نس امان، ءيسّيلويغ ءيلس‑ينو.›

luqa 16:24 Iomraidhean Croise

matta 25:41

iniġ ilmma i‑willi llanin f‑uẓlmaḍ ‹ittyat‑n zġ‑gigi a‑willi ih̬za rbbi, tddum s‑lɛafit lli‑ur‑ra‑sar‑ih̬si, ttyawskar i‑iblis d‑lmalayka‑ns.

matta 3:9

a‑ur‑ttinim i‑ngratun ‹nkkʷni nga tarwa n‑ibrahim,› ašku rad‑awn‑iniġ, rbbi iẓḍar a‑d‑issnkr tarwa i‑ibrahim ula zġ‑iẓran‑ad.

matta 5:22

imma nkki rad‑awn‑iniġ, kullu wanna ikurhan gʷmas, illa fllas lḥukm. d‑wanna irgmn gʷmas iqqan‑t‑id a‑izri zġ‑lmḥkama, d‑wanna‑yas‑innan ‹kiyi wašš a‑tgit› isthlla lɛafit n‑jhnnama.

luqa 16:30

yini‑as bu‑wayda: ‹uhu a‑baba ibrahim, walaynni iġ‑n‑darsn‑yuška kra n‑yan zġ‑gr ġwilli mmutnin rad‑fln ddnub‑nsn wrrin s‑uġaras n‑rbbi.›

luqa 19:9

isawl yasuɛ yini‑as: «ġassad ilkm‑d‑ujnjm n‑rbbi tigmmi‑ad, ašku yumn ġwad ula ntta ġmklli yumn babatnnġ ibrahim.

luqa 3:8

skarat afulki baš a‑iban is‑tflm ma‑yʷh̬šnn. a‑ur‑ttinim i‑ngratun ‹nkkʷni nga tarwa n‑ibrahim,› ašku rad‑awn‑iniġ, rbbi iẓḍar a‑d‑issnkr tarwa i‑ibrahim ula zġ‑iẓran‑ad.

yuḥanna 4:10

isawl yasuɛ yini‑as: «mrad is‑tssnt tawafka n‑rbbi ula ma‑iga ġwad‑am‑innan ‹fk‑iyi ad‑suġ,› ikun tḍalbt‑iyi fkġ‑am aman n‑tudrt.»

yuḥanna 4:14

imma wanna iswan zġ‑waman lli‑rad‑as‑fkġ nkki, ur‑sar‑irufi. ašku aman lli‑rad‑as‑fkġ ra‑zgis‑ngin zund yat talɛint n‑tudrt idumn.»

yuḥanna 7:37

ġ‑wass iggʷran l‑lɛid, iga ass kullu ihiyyan, ibidd yasuɛ yall awal‑ns yini: «wanna yaġ irifi, a‑d‑sri‑yašk isu.

ruma 4:12

imma ibrahim iga babatsn ula n‑willi ẓẓullanin i‑ddat, urd ġir f‑ssibt n‑tẓallit walaynni f‑ssibt n‑mad‑umnn rbbi ula ntni ġmklli yumn ibrahim lliġ ur‑ta‑iẓẓulli i‑ddat‑ns.

2 tasaluniki 1:8

ġakudan a‑ra‑yut rbbi lɛqubit f‑willi srs rurnin tiġurdin‑nsn, agʷin ad‑sflidn s‑lh̬bar ifulkin n‑siditnnġ yasuɛ.

yaɛqub 2:13

ašku wanna ur‑itṣamaḥn, ra‑fllas‑iḥkam rbbi bla‑yas‑iṣamḥ. imma wanna itṣamaḥn, ur‑ra‑t‑ilkm lḥukm.

yaɛqub 3:6

zund ġmkan a‑ijddr ils, ašku iɛmmr s‑lh̬ʷšant ġ‑ugʷns n‑ddat‑nnġ, ar‑issyʷh̬šan bnadm kullut. ar‑itznad i‑ddunit s‑lɛafit lli‑d‑iffuġn zġ‑jhnnama.

anurẓm 19:20

imma ntta yumẓ aġʷẓn, yamẓ ula nnabi bu‑tkrkas lli‑iskrn lmɛjizat s‑ism n‑waġʷẓn ijlu srsnt ġwilli dar ṭṭabɛ n‑waġʷẓn d‑willi tɛbadnin ṣṣurt‑ns. ġakudan sul ddrn a‑tn‑in‑iluḥ s‑sin ġ‑tmda l‑lɛafit lli‑ijddrn s‑lkbrit.

anurẓm 20:15

wanna mi ur‑ityara ism‑ns ġ‑warra n‑tudrt, ittluḥ‑n ġ‑tmda l‑lɛafit.

anurẓm 22:1

iml‑iyi ilmma lmalak asif n‑waman n‑tudrt. ar‑issmrqiqiy zund adfl iṣfan, iffi‑d zġ‑dar lɛrš n‑rbbi d‑ulqqaġ,