luqa 16:15 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁵ imma ntta irur‑asn: «ha‑kunni ar‑tmalam ih̬fawn‑nnun ġ‑lgddam n‑mddn baš a‑fllawn‑ttinin tfulkim, walaynni rbbi issn ma‑illan ġ‑uwlawn‑nnun. ašku ġaylli iɛzzan dar mddn, tajlh̬it a‑iga dar rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁵ ءيمّا نتّا ءيرور‑اسن: «ها‑كونّي ار‑تمالام ءيخفاون‑نّون غ‑لگدّام ن‑مدّن باش ا‑فلّاون‑تّينين تفولكيم، والاينّي ربّي ءيسّن ما‑يلّان غ‑وولاون‑نّون. اشكو غايلّي ءيعزّان دار مدّن، تاجلخيت ا‑يگا دار ربّي.

luqa 16:15 Iomraidhean Croise

matta 23:5

kullu iskkirn‑nsn ar‑tn‑skarn baš a‑tn‑ẓrn wiyyaḍ. ar‑ssimġurn lḥruz n‑ignzi‑nsn, ar‑ssiġzzifn tamiw n‑islhamn‑nsn.

matta 6:16

«iġ‑a‑ttaẓumm a‑ur‑tskarm zund ayt‑sin‑uwdmawn lli‑kkrsnin ignzi‑nsn baš ad‑ssbayynn i‑mddn is‑aẓumn. lḥqq a‑rad‑awn‑iniġ, mayan ka‑rad‑asn‑yili.

matta 6:2

iġ‑tfkit i‑kra n‑umẓluḍ, a‑ur‑tutt nnaqus baš a‑k‑ẓrn mddn. han ġmkan ad‑skarn ayt‑sin‑uwdmawn ġ‑tgʷmma n‑tẓallit ula ġ‑tswak baš a‑tn‑alġn wiyyaḍ. lḥqq a‑rad‑awn‑iniġ, mayan ka‑rad‑asn‑yili.

matta 6:5

«iġ‑ra‑tẓẓallm a‑ur‑tgm zund ayt‑sin‑uwdmawn lli‑dar‑iɛzza ad‑tbddadn ar‑tẓallan ġ‑tgʷmma n‑tẓallit ula ġ‑gr‑tswak baš a‑tn‑ẓrn mddn. lḥqq a‑rad‑awn‑iniġ, mayan ka‑rad‑asn‑yili.

luqa 10:29

walaynni amslmd‑lli n‑ššrɛ ira a‑issbayyn ih̬f‑ns, isqsa‑t: «ma‑igan adjar‑inu?»

luqa 11:39

isawl srs siditnnġ yini‑as: «wa‑kunni n‑ifarisin ar‑tssġusm lkas d‑tmkilt zġ‑brra, imma agʷns iɛmmr s‑tmh̬h̬art d‑lh̬ʷšant.

luqa 18:11

ibidd‑ufarisi waḥdut, iẓẓall d‑ih̬f‑ns yini: ‹wa‑rbbi, ar‑k‑tškarġ ašku ur‑giġ zund mddn yaḍni. ntni ar‑takʷrn ar‑tġʷššan ar‑tfsadn. ar‑k‑tškarġ ašku ur‑akkʷ‑giġ zund bu‑nkkas‑ad.

luqa 18:14

rad‑awn‑iniġ, lliġ wrrin s‑tgʷmma‑nsn, bu‑nkkas‑an a‑f‑irḍa rbbi, urd afarisi. ašku wanna issimġurn ih̬f‑ns ra‑t‑iẓẓimẓay rbbi, imma wanna iẓẓimẓayn ih̬f‑ns ra‑t‑issimġur.»

luqa 18:21

yini‑as‑unmġur: «mayad kullut ar‑t‑skarġ zġ‑lliġ mẓẓiġ sul s‑ġilad.»

luqa 18:9

izayd yasuɛ isawl s‑kra n‑mddn lli‑iɛjb ih̬f‑nsn, ġaln is‑fulkin ar‑tḥgarn wiyyaḍ. yut‑asn lmɛna‑yad yini‑asn:

luqa 20:20

sul‑t‑gabln, aznn‑d kra n‑irgazn ad‑skarn zund iġ‑a‑ttirin aġaras n‑rbbi, walaynni ran ġir ad‑amẓn yasuɛ f‑wawal‑ns baš a‑t‑in‑dḥin i‑lḥakm n‑rruman a‑fllas‑iḥkam.

luqa 20:47

ar‑šttan tigʷmma n‑thjjalin, ar‑ssiġzzifn tiẓulla‑nsn baš ad‑ssbayynn ih̬fawn‑nsn is‑fulkin. ntni ra‑fllasn‑ittut lḥukm n‑rbbi s‑uggʷar.»

yuḥanna 2:25

ur‑iḥtajja mad‑as‑yakkan tugga f‑bnadm, ašku issn ma‑illan ġ‑bnadm.

yuḥanna 21:17

isqsa‑t yasuɛ tis kraṭṭ‑twal: «wa‑simɛan yus n‑yuna, is‑dark‑ɛzzaġ?» ṭiyyr ilmma i‑bṭrus ašku inna‑yas tis kraṭṭ‑twal «is‑dark‑ɛzzaġ?» isawl yini‑as: «a‑sidi, tssnt kullu ma‑illan. tssnt is‑dari‑tɛzzat.» yini‑as‑d yasuɛ: «ks ulli‑nu.

irqqasn 1:18

isġa yahuda yan‑igr s‑tġrad lli‑yumẓ f‑lbaḍl, iḍr‑n ġ‑igr‑ns immt, ifrsi‑waḥlig‑ns ffin‑d‑wadan‑ns ġ‑wakal.

irqqasn 1:24

ẓẓalln ilmma inin: «wa‑siditnnġ, tssnt ulawn n‑kullu mddn. ml‑aġ ġilad manwa ġ‑sin‑ad a‑igan ġwalli tstit

irqqasn 15:8

rbbi issnn ma‑illan ġ‑uwl n‑kullu mddn, iml‑aġ ġakudan is‑irḍa f‑ibrraniyn, ašku ula ntni ifka‑yasn rruḥ lqudus ġmklli‑aġ‑t‑ifka nkkʷni.

ruma 3:20

ašku ur‑iẓḍar yan a‑iskr sslamt ġ‑gras d‑rbbi s‑iskkirn n‑ššrɛ. walaynni ššrɛ ad‑aġ‑imalan ma‑igan ddnub.

ruma 8:27

imma rbbi lli‑iẓrran ma‑illan ġ‑uwlawn‑nnġ, issn ma‑iqṣad rruḥ. ašku rruḥ ar‑itḍalab f‑imẓlayn n‑rbbi ġmklli ittiri rbbi.

1 kurintus 4:5

mayad a‑f‑kʷn‑ih̬ṣṣa a‑ur‑ttinim f‑yan is‑yʷh̬šn, ašku ur‑ta‑d‑ilkim‑uzmz l‑lḥukm. walaynni ġakud nna‑d‑yuška siditnnġ ra‑ifaw kullu ma‑irgsn ġ‑tillas, issbayyn‑d ula iswingimn lli‑ntlnin ġ‑uwlawn n‑mddn. ġakudan a‑ra‑ifk rbbi rrḍa‑ns i‑kud yan d‑ma‑t‑id‑yuškan.

1 bṭrus 3:4

walaynni ih̬ṣṣa a‑ig‑ufulki‑nnunt afulki intln n‑uwl ihnnan iɛmmrn s‑lḥnant. ur‑sar‑iḍr‑ufulki‑ad, iɛzzu bahra dar rbbi.

1 bṭrus 5:5

ġmkan ula kunni a‑iɛyyaln, illa fllawn a‑tsflidm s‑imġarn‑nnun. bkisat kullukn s‑tbannka n‑ṣṣbr baš a‑tth̬damm i‑ngratun. ašku ityara: «rbbi ar‑itḍaḍḍa wanna issimġurn ih̬f‑ns, ar‑itbarak wanna iẓẓimẓayn ih̬f‑ns.»

anurẓm 2:23

rad‑utġ tarwa‑ns s‑lmut. ġakudan a‑rad‑ẓrn ayt‑imnaggarn kullutn is‑giġ wad issnn kullu mad‑swingimn mddn ula ma‑ttirin ġ‑uwl‑nsn. rad‑rarġ i‑kraygatt yan gigun f‑ma‑iskr.