luqa 16:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ isawl‑daġ yasuɛ s‑imḥḍarn‑ns yini‑asn: «ha‑yan‑urgaz iṭṭafn ayda iggutn, ifl‑t ġ‑ufus n‑uh̬ddam‑ns a‑t‑igabl. isfld bu‑wayda f‑uh̬ddam‑an is‑a‑yas‑izzmzar ayda‑ns.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ ءيساول‑داغ ياسوع س‑يمحضارن‑نس ييني‑اسن: «ها‑يان‑ورگاز ءيطّافن ايدا ءيگّوتن، ءيفل‑ت غ‑وفوس ن‑وخدّام‑نس ا‑ت‑يگابل. ءيسفلد بو‑وايدا ف‑وخدّام‑ان ءيس‑ا‑ياس‑يزّمزار ايدا‑نس.

luqa 16:1 Iomraidhean Croise

matta 20:8

lliġ‑n‑tḍr tafukt isawl bab n‑igr s‑ungabal‑ns yini‑as: ‹ġr‑d i‑ih̬ddamn tfkt‑asn tiġrad‑nsn, tbdut zġ‑willi ggʷranin ġ‑twuri ard tlkmt ġwilli zwarnin.›

luqa 12:42

isawl siditnnġ yini: «manwa igan ah̬ddam ifulkin bab l‑lɛaql? nttan a‑mi‑ra‑ifl sidis tigmmi‑ns baš a‑yaṭṭu f‑ih̬ddamn yaḍni ad‑šttan, kraygatt yan ġ‑tasaɛt‑ns.

luqa 15:13

zrin kra n‑uwssan, issmun yus‑lli imẓẓin kullu ma‑iṭṭaf, imuddu s‑yat‑tmazirt yaggugn. ar‑iskar ġin s‑ššhwat‑ns aylliġ išša kullu maylli dars illan,

luqa 15:30

imma ġilad ha‑yuk lli‑n‑iššan kullu lh̬ir‑nnk d‑tmgganin, tġrst‑as i‑igiz iḍnin.›

luqa 16:19

«ha‑yan‑urgaz iṭṭafn ayda iggutn, ar‑ilssa aslham aẓggʷaġ d‑tmlsa šwanin, ar‑ištta ar‑issa ifrḥ d‑ih̬f‑ns kraygatt ass.

luqa 16:2

iġr‑as s‑dars yini‑as: ‹ma‑iga ġayd mi fllak sflidġ? ašk‑id ġilad, nḥasab didi s‑ma‑tskrt s‑wayda‑nu, ašku ur‑sul‑riġ a‑dari‑th̬dmt.›

luqa 19:20

ikšm wayyaḍ yini‑as: ‹hay‑aqarid‑nnk a‑sidi. ḥḍiġ‑t ġ‑yat‑tummʷist.

luqa 8:3

tili yuwanna tamġart n‑h̬uzi lli‑igan amġar ġ‑tgmmi n‑ugllid hirudus. tili susanna d‑tiyyaḍ ggutnin, ar‑tɛawannt yasuɛ d‑imḥḍarn‑ns zġ‑ma‑igan winsnt.

tiṭus 1:7

iqqan‑d angabal a‑ig wad ġ‑ur‑akkʷ‑illi kra l‑lɛib ašku tawuri n‑rbbi a‑ra‑igabl. a‑ur‑ig wad itḥgarn wiyyaḍ nġd wad itqlaqaln nġd wad bahra issan tissi iktin nġd wad itmmaġn nġd wad ittirin a‑issmun ma‑iggutn i‑ih̬f‑ns.

yaɛqub 4:3

walaynni iġ‑a‑ttḍalabm kra zġ‑rbbi ur‑a‑yawn‑t‑yakka, ašku urd f‑ufulki a‑f‑a‑ti‑ttḍalabm walaynni ġir ma‑s‑a‑tssfraḥm ih̬f‑nnun.

1 bṭrus 4:10

illa f‑kraygatt yan a‑iskar s‑twafka n‑rruḥ nna‑yas‑ifka rbbi, ar‑srs‑itɛawan wiyyaḍ s‑nniyt n‑uwl‑ns, baš a‑kullu‑ttmɛawanm i‑ngratun s‑lbarakat n‑rbbi lli‑ggutnin.