luqa 14:23 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²³ yini bu‑tgmmi i‑uh̬ddam‑ns: ‹ffuġ‑daġ s‑iġarasn d‑tġarasin, tamrt mddn ad‑d‑kšmn ard tɛmmr‑tgmmi‑nu.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²³ ييني بو‑تگمّي ءي‑وخدّام‑نس: ‹فّوغ‑داغ س‑يغاراسن د‑تغاراسين، تامرت مدّن اد‑د‑كشمن ارد تعمّر‑تگمّي‑نو.

luqa 14:23 Iomraidhean Croise

matta 21:43

f‑mayan a‑f‑rad‑awn‑iniġ, ra‑kʷn‑issufġ rbbi zġ‑tgldit‑ns, ifk‑tt i‑mddn yaḍni lli‑ra‑yakka lġllt‑ns.

matta 5:41

iġ‑k‑yumr kra n‑yan ad‑as‑tasit taġawsa‑ns yan kilimitr, ddu dids sin.

luqa 14:22

yan imikk iwrri‑d‑uh̬ddam yini‑as: ‹skrġ ma‑tnnit a‑sidi, walaynni sul iqama mani ih̬wan ġ‑uḥanu n‑imnsi.›

luqa 14:24

ašku rad‑awn‑iniġ, ġwilli mi ɛrḍġ ġ‑isizwar, ur‑illi yan zġ‑gisn ra‑imḍi imnsi‑nu.›»

luqa 24:29

imma ntni ḍalbn‑t bahra inin‑as: «qama didnnġ ašku idda‑wass, tinušši aya.» ikšm didsn s‑tgmmi a‑darsn‑ins.

irqqasn 16:15

nssddm‑tt ilmma ġ‑waman nttat d‑ayt‑tgmmi‑ns. tḍalb zġ‑ginnġ: «iġ‑iyi‑tgam d‑tad yumnn s‑siditnnġ, aškad‑d tgguzm ġ‑tgmmi‑nu.» tamẓ ginnġ.

irqqasn 18:6

walaynni ẓin dids ayt‑yudaya rgmn‑t aylliġ fllasn issus timlsa‑ns yini‑asn: «ddnub‑nnun f‑ih̬f‑nnun. nkki brraġ gigun. hati zġ‑ġilad rad‑dduġ s‑ibrraniyn.»

irqqasn 28:28

f‑mayan a‑f‑rad‑awn‑iniġ, ajnjm‑ad ifka‑t rbbi ġilad i‑ayt‑tmizar yaḍni. ntni a‑ra‑srs‑isfld.»

irqqasn 9:15

yini‑as siditnnġ: «ddu s‑dars, ašku argaz‑an stiġ‑t a‑ig aruku lli‑ra‑yasi ism‑inu dar ayt‑tmizar aggugnin d‑igldan ula dar ayt‑rbbi.

ruma 10:18

imma ayt‑rbbi is‑ur‑sfldn f‑lh̬bar‑ad ġayd izrin? nssn is‑fllas‑sfldn, ašku ityara: «timitar‑nsn kkant kraygatt mani, truḥ‑twaġra‑nsn ttmi n‑wakal.»

2 kurintus 5:11

nssn tiksaḍ n‑sidi rbbi. mayan a‑f‑a‑n‑ntgga tiqqi‑nnġ a‑nssfham wiyyaḍ baš ad‑amnn ula ntni. rbbi issn kullu ma‑ginnġ‑illan. swangmġ is‑aġ‑tssnm ula kunni ġ‑uwlawn‑nnun.

2 kurintus 5:20

nkkʷni‑ad nga imazann l‑lmasiḥ. f‑imi‑nnġ a‑f‑a‑srun‑isawal rbbi. ar‑kʷn‑ntḍalab ġilad s‑ism l‑lmasiḥ a‑twrrim s‑rbbi baš ad‑awn‑tili sslamt ġ‑gratun dids.

2 kurintus 6:1

s‑ism n‑rbbi lli‑d‑nh̬dm, nḍalb‑kʷn a‑ur‑tadjm rrḥmt‑ns lli‑s‑tumnm a‑tḍr bla lfaytt ġ‑darun.

kulussi 1:23

ġmkad a‑ra‑iskr iġ‑tzuydm tzgam ġ‑lmasiḥ tamẓm‑bdda gis bla tflm rrja iṣḥan lli‑f‑tsfldm ġ‑wawal l‑lh̬bar ifulkin. lh̬bar‑ad a‑mi‑ttkka‑tbrraḥt‑ns kullu ddunit, wrriġ gġ ah̬ddam‑ns ula nkki bulus.

kulussi 1:28

hati lmasiḥ a‑f‑a‑ntbrraḥ i‑kullu mddn, ar‑ntnṣaḥ kud yan, ar‑nsslmad kud yan s‑kullu ma‑igan taḥkimt, baš a‑n‑nšškšm kud yan s‑lgddam n‑rbbi imqqur ġ‑lmasiḥ.

2 timutaws 4:2

iniġ‑ak: tbrraḥ s‑wawal n‑rbbi, tbrrḥt srs ġ‑uzmz išqan ula wad irh̬an. rar‑d winna ffuġnin aġaras, tššḥššmt‑tn f‑ddnub nna‑skarn, tzzɛamt‑tn f‑ufulki, ar‑tsslmadt bla‑da‑ttrmayt.