luqa 14:13 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹³ walaynni iġ‑trit a‑tskrt kra n‑imnsi imqqurn, ɛrḍ i‑imẓlaḍ d‑ikušamn d‑ibiḍarn d‑ibukaḍn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹³ والاينّي ءيغ‑تريت ا‑تسكرت كرا ن‑يمنسي ءيمقّورن، عرض ءي‑يمژلاض د‑يكوشامن د‑يبيضارن د‑يبوكاضن.

luqa 14:13 Iomraidhean Croise

matta 15:30

munn‑d fllas mddn ggutnin, awin‑as‑d ikušamn d‑ibiḍarn d‑ibukaḍn d‑iẓnẓam d‑wiyyaḍ ggutnin, srsn‑tn‑d ġ‑dar iḍarn‑ns ijjujji‑tn.

matta 22:10

ġakudan ffuġn ih̬ddamn s‑tswak ssmunn‑d kullu ma‑n‑ufan, gn‑iyt wid ʷh̬šnnin ula wid šwanin, aylliġ tɛmmr‑tgmmi n‑tmġra s‑inbgiwn.

luqa 11:41

walaynni fkat i‑imẓlaḍ ma‑illan ġ‑irukutn‑nnun, s‑awn‑iġus kraygatt kra.

luqa 14:12

yini yasuɛ ilmma i‑walli‑as‑iɛrḍn: «iġ‑trit a‑tskrt kra n‑imkli nġd kra n‑imnsi ad‑ur‑tɛrḍt i‑imddukkʷal‑nnk nġd aytmak nġd ayt‑dark nġd adjarn‑nnk lli‑dar lh̬ir. ašku ula ntni rad‑ak‑ɛrḍn tigira, tamẓt zġ‑darsn mad‑asn‑tfkit.

luqa 14:14

ra‑k‑ibark rbbi ašku ntni ur‑darsn ma‑s‑a‑yak‑traran lh̬ir. rbbi a‑rad‑ak‑t‑irar ġ‑wass lli‑ġ‑ra‑d‑nkrn ġwilli‑f‑irḍa.»

luqa 14:21

iwrri‑d‑uh̬ddam yini iwaliwn‑ad i‑sidis. ṭiyyr‑as i‑bu‑tgmmi bahra, yini ġakudan i‑uh̬ddam‑ns: ‹ffuġ tazzlt ġ‑iswak ula tiswak n‑tmdint, tawid‑d imẓlaḍ d‑ikušamn d‑ibukaḍn d‑ibiḍarn.›

irqqasn 9:39

inkr bṭrus imun didsn. lliġ iruḥ tigmmi ssġlin‑t s‑uḥanu. aškind‑d‑thjjalin kullutnt lullint i‑bṭrus ar‑allant ar‑as‑malant iqšban d‑islhamn lli‑tskr ṭabita lliġ sul didsnti tlla.

1 timutaws 3:2

iqqan‑d angabal a‑ig wad ġ‑ur‑illi lɛib, iṭṭaf ġir yat‑tmġart, izga‑bdda ġ‑lɛaql‑ns ar‑itnbaḍ ġ‑kullu ma‑iskar, ar‑itfulki d‑mddn ar‑issmrḥba s‑willi tmuddunin, yissan mamnk a‑isslmad wiyyaḍ.

1 timutaws 5:10

ar‑tti‑talġn mddn f‑lh̬ir lli‑tskar, trbbu tarwa‑ns f‑ma‑ifulkin, ar‑tssmrḥba s‑willi tmuddunin ar‑ttqasa imẓlayn n‑rbbi, ar‑ttɛawan winna llanin ġ‑tnukmut, ar‑n‑bdda‑ttgga tiqqi‑ns a‑tskar afulki d‑kullu mddn.

tiṭus 1:8

iqqan‑d a‑ig wad issmrḥban s‑willi tmuddunin, ig wad dar iɛzza kullu ma‑ifulkin, ar‑itnbaḍ ġ‑ugayyu‑ns ar‑bdda‑iskar s‑lḥqq, iġus‑uwl‑ns iġwi ġ‑ih̬f‑ns.

filimun 1:7

wa‑gʷma ha‑yyi thnnaġ, frḥġ bahra ašku ɛzzan dark aytmatn, tssfjjijt f‑uwlawn n‑imẓlayn kullutn.

iɛbrin 13:2

a‑ur‑tettum a‑tssmrḥbam s‑iġribn, ašku ġayd izrin ssmrḥban kra n‑mddn s‑lmalayka, ur‑ssinn izd lmalayka ad‑gan.