luqa 13:19 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁹ trwas yat taqqayt imẓẓin l‑lh̬rdl, yiwi‑tt yan‑urgaz iẓẓu‑tt ġ‑igr‑ns. tmġi‑d timġur twrri tga tasġart aylliġ a‑di‑ttaškin igḍaḍ n‑ignwan ar‑zddġn ġ‑gr ifrawn‑ns.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁹ ترواس يات تاقّايت ءيمژّين لّخردل، ييوي‑تّ يان‑ورگاز ءيژّو‑تّ غ‑يگر‑نس. تمغي‑د تيمغور توورّي تگا تاسغارت ايلّيغ ا‑دي‑تّاشكين ءيگضاض ن‑يگنوان ار‑زدّغن غ‑گر ءيفراون‑نس.»

luqa 13:19 Iomraidhean Croise

matta 17:20

yini‑asn: «ašku idrus liman‑nnun. lḥqq a‑rad‑awn‑iniġ, iġ‑gigun‑illa liman unšk n‑taqqayt imẓẓin l‑lh̬rdl, ra‑tinim i‑uwrir‑ad ‹itti zġ‑ġid s‑ġin› ra‑iskr s‑mad‑as‑tnnam. ur‑ra‑yili kra mi ur‑tẓḍarm.

marqus 4:30

yini‑asn yasuɛ: «ma‑s‑ra‑nssrwas tagldit n‑rbbi? mal‑lmɛna a‑s‑ra‑fllas‑nsawl?

luqa 17:6

irar‑asn siditnnġ: «mrad is‑gigun‑illa liman unšk n‑taqqayt imẓẓin l‑lh̬rdl, ra‑tinim i‑tsġart‑ad n‑imršiq ‹akuf ttyawẓẓat‑n ġ‑umda› ra‑tskr s‑mad‑as‑tnnam.

irqqasn 2:41

ssddmn ilmma kullu willi umnnin iwaliwn‑ns. ġassan ad‑asn‑izuyd rbbi ma‑itggan kraḍ id‑walf (3000) n‑yan.

irqqasn 21:20

lliġ sfldn i‑ma‑inna ar‑kullu‑talġn rbbi. inin ilmma i‑bulus: «wa‑gʷmatnnġ, tẓrit kigan d‑wafḍan n‑ayt‑yudaya a‑d‑iwrrin amnn s‑siditnnġ, ar‑kullu‑ttirin ššrɛ n‑musa bahra.

irqqasn 4:4

imma ġwilli sflidnin i‑wawal n‑rbbi, iggut gisn ma‑yumnn ġ‑tasaɛt‑an. ar‑ttigatn imumnn aylliġ illa ma‑itggan smmus id‑walf (5000) n‑yan.

anurẓm 11:15

yut ilmma wis ssa l‑lmalayka nnffar‑ns, s‑sfldġ i‑waqqur s‑iwaliwn tjhhdnin ġ‑ignna ar‑ttinin: «hati tagldit n‑ddunit twrri tga tagldit n‑siditnnġ ula tin lmasiḥ‑ns. nttan a‑stt‑iḥkamn ġilad ula kullu mayd‑d‑iftan.»