luqa 13:15 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁵ imma siditnnġ irur‑as: «wa‑id‑bu‑sin‑uwdmawn, manwa gigun ur‑ifssin i‑tmugayt‑ns nġd aġiyyul‑ns kraygatt ass n‑usunfu ar‑t‑itawi zġ‑rrwa s‑maniġ a‑issa?

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁵ ءيمّا سيديتنّغ ءيرور‑اس: «وا‑يد‑بو‑سين‑وودماون، مانوا گيگون ءور‑يفسّين ءي‑تموگايت‑نس نغد اغيّول‑نس كرايگاتّ اسّ ن‑وسونفو ار‑ت‑يتاوي زغ‑رّوا س‑مانيغ ا‑يسّا؟

luqa 13:15 Iomraidhean Croise

matta 15:14

ġir thnnayat zġ‑gisn. ntni gan ibukaḍn ar‑zggurun i‑ibukaḍn. iġ‑izwar‑ubukaḍ i‑wayyaḍ ra‑n‑ḍrn s‑sin ġ‑ugḍi.»

matta 15:7

wa‑id‑bu‑sin‑uwdmawn, s‑lḥqq a‑s‑fllawn‑inna rbbi f‑imi n‑nnabi išaɛya, inna

matta 23:13

«taguḍi a‑rad‑awn‑yili a‑imslmdn n‑ššrɛ d‑ifarisin. ayt‑sin‑uwdmawn a‑tgam. ar‑tqqnm imi n‑tgldit n‑ignna f‑mddn, ur‑a‑di‑tkššmm kunni ula‑da‑ttadjm ġwilli ranin ad‑d‑kšmn.

matta 23:28

ha‑kunni tbanm zġ‑brra is‑tfulkim, imma agʷns‑nnun iɛmmr s‑ddnub d‑lh̬ʷšant lli‑gigun‑irgsn.

matta 7:5

wa‑bu‑sin‑uwdmawn, ssitti zwar taggjdit zġ‑tiṭ‑nnk, baš a‑tẓrt mamnk a‑di‑tssittit arftus zġ‑tiṭ n‑gʷmak.

luqa 12:1

munn‑d kigan d‑id‑walf n‑mddn ġ‑tasaɛt‑an, aylliġ a‑takʷln f‑ingratsn. igr yasuɛ ar‑isawal s‑imḥḍarn‑ns yini‑asn: «rarat lɛaql‑nnun zġ‑th̬mirt n‑ifarisin, ašku ntni sin‑uwdmawn ad‑skarn.

luqa 14:5

yini‑asn: «ma‑ra‑tskrm iġ‑awn‑in‑iḍr iwitun nġd tamugayt‑nnun ġ‑wanu ġ‑wass n‑usunfu? is‑ur‑ra‑tazzlm a‑ti‑di‑tldim?»

luqa 6:42

mamnk a‑trit a‑tinit i‑gʷmak ‹adj‑iyi a‑gʷma, ad‑ak‑d‑ssittiġ arftus‑an a‑k‑illan ġ‑tiṭ,› imma kiyi ur‑akkʷ‑tẓrit taggjdit lli‑illan ġ‑tiṭ‑nnk? wa‑bu‑sin‑uwdmawn, ssitti‑zwar taggjdit zġ‑tiṭ‑nnk baš a‑tẓrt mamnk a‑tssittit arftus zġ‑tiṭ n‑gʷmak.

luqa 7:13

lliġ‑tt‑iẓra siditnnġ tqama gis bahra, yini‑as: «ad‑ur‑tallat.»

luqa 7:19

yazn‑tn s‑dar siditnnġ, yuṣṣa‑tn a‑t‑sqsan «izd kiyi a‑igan ġwalli ra‑d‑yašk, nġd a‑sul‑ntql s‑yan yaḍni?»