luqa 12:37 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁷ mnšk a‑s‑ra‑ifulki i‑ih̬ddamn‑an iġ‑d‑yuška siditsn yaf‑tn‑d ḍufn. rad‑awn‑iniġ, ra‑ibkis ntta yini‑asn ad‑skiwsn yawi‑asn‑d mad‑šttan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁷ منشك ا‑س‑را‑يفولكي ءي‑يخدّامن‑ان ءيغ‑د‑يوشكا سيديتسن ياف‑تن‑د ضوفن. راد‑اون‑ينيغ، را‑يبكيس نتّا ييني‑اسن اد‑سكيوسن ياوي‑اسن‑د ماد‑شتّان.

luqa 12:37 Iomraidhean Croise

matta 24:42

ḍufat ašku ur‑tssinm man ass a‑ra‑d‑yašk siditun.

luqa 12:36

a‑bdda‑tujadm, zund ih̬ddamn lli‑tqlnin s‑siditsn ard‑d‑iwrri zġ‑dar‑tmġra, irin ad‑as‑rẓmn imi ġakud nna‑d‑issḍuqqr.

luqa 12:43

ambarki a‑iga‑uh̬ddam nna‑mi‑d‑iwrri sidis yaf‑t‑id ar‑iskar mayan.

luqa 17:8

uhu, rad‑as‑tinit: ‹skr‑iyi imnsi‑nu, tbkist ar‑flla‑ttsh̬h̬art, ard ššġ suġ nkki ġakudan a‑ra‑tššt ula kiyi tsut.›

luqa 21:36

rarat lɛaql tḍufm‑bdda ar‑ttḍalabm rbbi a‑kʷn‑issdus a‑tnjmm zġ‑kullu ġaylli ra‑ijru, tbiddm ġ‑lgddam n‑yus n‑bnadm tzgam.»

luqa 22:27

ma‑imqqurn? izd ġwalli igawrn ar‑ištta nġd ġwalli‑as‑d‑israsn amššu? is‑urd ġwalli igawrn ar‑ištta? walaynni lliġ nkki ġ‑gratun zund ah̬ddam.

yuḥanna 12:26

wanna iran a‑ig zġ‑ih̬ddamn‑inu, illa fllas ad‑didi‑itmunu, yili‑uh̬ddam‑inu ġ‑innaġ lliġ nkki. d‑wanna igan ah̬ddam‑inu, rbbi baba a‑ra‑t‑yuqqr.

1 kurintus 2:9

walaynni ityara: «ur‑jju‑iẓri yan ula isfld yan ula iswangm lɛaql n‑bnadm f‑ma‑ijjujad rbbi i‑willi‑ti‑ttirinin.»

filibbi 1:21

ašku dari nkki: iġ‑ddrġ, lmasiḥ a‑igan tudrt‑inu. iġ‑mmutġ, rad‑iyi‑yili ma‑yufn tudrt‑ad.

filibbi 1:23

riġ mayad ula mayan s‑sin. riġ bahra ad‑ffuġġ ddunit‑ad iliġ d‑lmasiḥ, ašku ifulki mayan s‑uggʷar.

2 bṭrus 1:11

hati ra‑tkšmm s‑lfrḥ iggutn s‑tgldit idumn n‑unjjam siditnnġ yasuɛ lmasiḥ.

2 bṭrus 3:14

imma ġilad ġ‑a‑ttqlm s‑mayad, ay‑aytma ɛzzanin, gat‑n tiqqi‑nnun a‑bdda‑tili sslamt ġ‑gratun d‑rbbi, bla gigun illa kra l‑lɛib ula kra yʷh̬šnn ġ‑uwlawn‑nnun.

anurẓm 14:13

sfldġ ilmma i‑yan‑wawal isawl ġ‑ignna yini‑yyi: «ara maya, ‹imbarkin ad‑gan winna mmutnin f‑ism n‑siditnnġ zġ‑ġilad s‑uflla.›» isawl‑d rruḥ n‑rbbi yini: «s‑ṣṣaḥt, rad‑sunfun ntni zġ‑unhataf‑nsn, awin didsn lḥsab n‑kullu mad‑skarn ifulki.»

anurẓm 16:15

inna siditnnġ: «hati ra‑n‑aškġ zund amh̬h̬ar. ambarki a‑ra‑ig wanna iḍufn yawi dids timlsa‑ns a‑ur‑iffuġ bla yat iḥšm ġ‑lgddam n‑mddn.»

anurẓm 3:21

kullu wanna inran, rad‑as‑fkġ a‑didi‑iskiws f‑lɛrš‑inu ġmklli nriġ nkki skiwsġ d‑baba rbbi f‑lɛrš‑ns.

anurẓm 7:17

ašku alqqaġ lli‑illan ġ‑lɛrš, nttan a‑ra‑tn‑iks izwur‑asn s‑talɛinin n‑waman n‑tudrt. rad‑asn‑isfiḍ rbbi kullu imṭṭawn‑nsn.»