luqa 12:19 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁹ iniġ ilmma d‑ih̬f‑inu: iggut lh̬ir ma‑s‑a‑zrayġ kigan d‑isggʷasn. rad‑sunfuġ ar‑šttaġ ar‑ssaġ ar‑tfraḥġ.›

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁹ ءينيغ ءيلمّا د‑يخف‑ينو: ءيگّوت لخير ما‑س‑ا‑زرايغ كيگان د‑يسگُّاسن. راد‑سونفوغ ار‑شتّاغ ار‑سّاغ ار‑تفراحغ.›

luqa 12:19 Iomraidhean Croise

luqa 12:18

yini: ‹ġmkad a‑rad‑skrġ, rad‑h̬luġ iḥuna n‑imndi, bnuġ ma‑tn‑yugʷrn, ssmunġ‑n gisn imndi d‑lh̬ir‑inu kullut,

luqa 16:19

«ha‑yan‑urgaz iṭṭafn ayda iggutn, ar‑ilssa aslham aẓggʷaġ d‑tmlsa šwanin, ar‑ištta ar‑issa ifrḥ d‑ih̬f‑ns kraygatt ass.

luqa 21:34

«awiyat‑stt ġ‑ih̬f‑nnun a‑ur‑tlhum s‑umššu ula tissi ula tiġufiwin n‑tudrt‑ad, a‑ur‑imil iruḥ‑kʷn‑d‑wass‑an iġwi‑kʷn zund agḍiḍ lli‑tġwi‑tẓqqurt.

1 kurintus 15:32

walaynni ma‑rad‑iyi‑yili iġ‑mmaġġ d‑luḥuš ġ‑tmdint n‑afsus ġir baš ad‑rḍuġ ih̬f‑inu? iġ‑ur‑rad‑nkrn ġwilli mmutnin ra‑yaf a‑nskar ġmklli ttinin mddn: «a‑nšš nsu ġassad ašku azkka tlla lmut.»

filibbi 3:19

rad‑ggʷrun ntni s‑lhalak, ašku ar‑tɛbadn adis‑nsn. ġaylli‑s‑a‑tfraḥn a‑ra‑tn‑iššḥššm, ašku ar‑tsalan ġir ma‑igan win ddunit‑ad.

1 timutaws 5:6

imma tahjjalt nna‑isalan ma‑ira ih̬f‑ns, han tmmut ġ‑rruḥ wah̬h̬a tsul ġ‑ddat.

1 timutaws 6:17

ini i‑willi dar iggut‑wayda n‑ddunit‑ad, a‑ur‑ssimġurn ih̬f‑nsn ula‑da‑tawin rrja s‑maylli ur‑ssinn is‑rad‑darsn‑iqama. tinit‑asn ad‑gn rrja ġ‑rbbi lli‑irḍan ad‑aġ‑yakka kullu ma‑igan lh̬ir a‑srs‑ntfraḥ.

2 timutaws 3:4

ur‑rad‑zgan ġ‑wawal‑nsn ula‑da‑tnbaḍn ġ‑ih̬f‑nsn, walaynni rad‑tḥgarn wiyyaḍ. rad‑tlhun s‑kullu ma‑tn‑iɛjbn, ur‑ra‑tlhun s‑ma‑ira rbbi.

yaɛqub 5:5

tzzrim ussan‑nnun ġ‑ddunit s‑kullu ma‑ttirim, ar‑tšttam ar‑ttfraḥm ar‑ttɛalafm ddat‑nnun i‑wass n‑tġrsi.

1 bṭrus 4:3

ġayd izrin tkkam‑ttin ar‑tskarm ma‑iɛzzan dar ġwilli ur‑ssinnin rbbi, imma ġilad yuwda‑kʷn ġ‑ma‑yʷh̬šnn. han ntni ar‑tfsadn ar‑tšthun, ar‑ssnufuln ih̬f‑nsn s‑tissi, ar‑tmunun f‑lh̬ʷšant, ar‑skarn lɛib i‑ngratsn, ar‑tɛbadn ilahat n‑ddunit‑ad s‑tjlh̬it‑nsn.

anurẓm 18:7

tɛbbrm‑as tarfufnt d‑tguḍi s‑lɛbrt lli‑s‑tɛbbr i‑ih̬f‑ns lmjd d‑lh̬ir. ašku ar‑ttini nttat ġ‑uwl‑ns: ‹ha‑yyi tagllitt ad‑giġ f‑lɛrš‑inu. ur‑giġ tahjjalt, ur‑sar‑kkin imṭṭawn alln‑inu.›