luqa 11:42 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴² «wa‑ifarisin, taguḍi a‑rad‑awn‑yili. ar‑takkam i‑rbbi yat zġ‑kraygatt mrawt l‑liqamt d‑uzukkʷni d‑kullu isafarn yaḍni, walaynni ar‑tettum lḥqq ula lḥnant n‑rbbi. ha‑tiġawsiwin‑ad a‑fllawn‑illan a‑srsnti‑tskarm bla tflm tiyyaḍ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴² «وا‑يفاريسين، تاگوضي ا‑راد‑اون‑ييلي. ار‑تاكّام ءي‑ربّي يات زغ‑كرايگاتّ مراوت لّيقامت د‑وزوكُّني د‑كولّو ءيسافارن ياضني، والاينّي ار‑تتّوم لحقّ ءولا لحنانت ن‑ربّي. ها‑تيغاوسيوين‑اد ا‑فلّاون‑يلّان ا‑سرسنتي‑تسكارم بلا تفلم تييّاض.

luqa 11:42 Iomraidhean Croise

matta 23:13

«taguḍi a‑rad‑awn‑yili a‑imslmdn n‑ššrɛ d‑ifarisin. ayt‑sin‑uwdmawn a‑tgam. ar‑tqqnm imi n‑tgldit n‑ignna f‑mddn, ur‑a‑di‑tkššmm kunni ula‑da‑ttadjm ġwilli ranin ad‑d‑kšmn.

matta 23:23

«taguḍi a‑rad‑awn‑yili a‑imslmdn n‑ššrɛ d‑ifarisin. ayt‑sin‑uwdmawn a‑tgam. ar‑takkam i‑rbbi yat zġ‑kraygatt mrawt l‑liqamt d‑lbsbas d‑lkmmun, walaynni ar‑tettum tinbaḍin timzwura n‑ššrɛ zund lḥqq ula laman ula lḥnant. ha‑tiġawsiwin‑ad a‑fllawn‑illan a‑srsnti‑tskarm, bla tflm tiyyaḍ.

matta 23:27

wa‑id‑bu‑sin‑uwdmawn, taguḍi a‑rad‑awn‑yili a‑imslmdn n‑ššrɛ d‑ifarisin. tgam zund imḍḍaln mllulnin s‑ljir, ar‑tbann zġ‑brra is‑fulkin, imma agʷns‑nsn iɛmmr s‑ih̬san n‑willi mmutnin d‑kullu ma‑ijlh̬n.

luqa 18:12

ha‑yyi ar‑taẓumġ kraygatt kraḍ‑uwssan, ar‑akkaġ tis mrawt n‑kullu ma‑dari‑illan.›

yuḥanna 5:42

walaynni ssnġ mamnk a‑tgam, ur‑gigun‑tlli tayri n‑rbbi.

1 yuḥanna 4:20

iġ‑a‑ittini kra n‑yan «ar‑ttiriġ rbbi» walaynni sul a‑itkrhu gʷmas, hati ar‑isskirkis. ašku iġ‑ur‑a‑ittiri gʷmas lli‑itmnad, mamnk a‑ra‑yiri rbbi lli‑ur‑a‑itmnad?