luqa 11:34 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁴ tiṭ‑nnk a‑igan lqndil n‑ddat‑nnk. iġ‑tsfaw tiṭ, ra‑tili ddat kullutt ġ‑tifawt. iġ‑ur‑tsfaw tiṭ, ra‑tili ddat kullutt ġ‑tillas.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁴ تيط‑نّك ا‑يگان لقنديل ن‑دّات‑نّك. ءيغ‑تسفاو تيط، را‑تيلي دّات كولّوتّ غ‑تيفاوت. ءيغ‑ور‑تسفاو تيط، را‑تيلي دّات كولّوتّ غ‑تيلّاس.

luqa 11:34 Iomraidhean Croise

marqus 4:12

ġmklli ityaran ‹rad‑bahra‑tmnadn walaynni ur‑rad‑issann mad‑mnadn. rad‑bahra‑sflidn walaynni ur‑rad‑fhmn ma‑mi‑sfldn. ur‑rin a‑d‑sri‑wrrin a‑fllasn‑ssittiġ ddnub‑nsn.›»

marqus 7:22

d‑ṭṭmaɛ d‑lmunkr d‑lġʷšš d‑ššhwat d‑tnuwwašt d‑tkndawt d‑lkibr d‑unufl.

marqus 8:18

is‑darun alln ur‑a‑ttmnadm? is‑darun imzgan ur‑a‑tsflidm? is‑ur‑a‑tswingimm?

luqa 11:35

awi‑tt ġ‑ih̬f‑nnk ad‑ur‑th̬si tifawt lli‑gik‑illan.

irqqasn 13:11

hati illa‑fllak‑ufus n‑siditnnġ. ra‑tbukḍt ur‑ra‑tisfiwt ar azmz yaḍni.» ġakudan a‑fllas‑iḍr‑umdlu d‑tillas, ar‑itlli s‑mad‑as‑itamẓn afus.

irqqasn 2:46

ass f‑wass ar‑tmunun kullutn ġ‑tgmmi n‑rbbi, ar‑tbbin aġrum ġ‑tgʷmma‑nsn ar‑šttan i‑ngratsn s‑nniyt d‑lfrḥ iggutn,

irqqasn 26:18

ra‑k‑aznġ a‑trẓmt alln‑nsn, trart‑tn‑d zġ‑tillas s‑tifawt, ula zġ‑lquwwa n‑šiṭan s‑rbbi, baš a‑fllasn‑ittin ddnub‑nsn, wrrin ṭṭafn taġamt ġ‑gr ġwilli ẓliġ ad‑gn winu f‑ssibt n‑mad‑sri‑umnn.›

2 kurintus 1:12

nfrḥ ġilad ašku imla‑yaġ‑uwl‑nnġ izd s‑ufulki n‑rbbi a‑s‑a‑nskar d‑kullu mddn s‑nniyt iṣfan. ula kunni, ġmkan a‑didun‑nskr, urd ġir s‑lɛaql n‑bnadm walaynni s‑lbaraka n‑rbbi.

2 kurintus 11:3

ksuḍġ a‑kʷn‑ijllu kra n‑yan f‑iswingimn‑nnun ġmklli‑stt‑izzri‑ulgmmaḍ s‑tkrkas‑ns f‑immatnnġ ḥuwwa. iksaḍġ a‑twrrim zġ‑tayri iṣfan lli‑s‑ttin tkkam ar‑ttirim lmasiḥ s‑nniyt‑nnun.

2 kurintus 4:4

ntni ur‑uminn ašku iblis lli‑iḥkamn ddunit‑ad issbukḍ lɛaql‑nsn a‑ur‑ẓrn tifawt l‑lh̬bar l‑lmjd l‑lmasiḥ lli‑igan ṣṣurt n‑rbbi.

afsus 1:17

ar‑tḍalabġ babatnnġ imqqurn lli‑igan rbbi n‑siditnnġ yasuɛ lmasiḥ ad‑awn‑yakka rruḥ n‑tḥkimt d‑twassna baš a‑ti‑tissanm ġmklli iga.

afsus 6:5

imma kunni a‑ih̬ddamn rad‑awn‑iniġ, skarat s‑wawal n‑id‑siditun n‑ddunit‑ad, ar‑tn‑ttuqqarm ar‑ttadrm i‑ih̬f‑nnun ġ‑lgddam‑nsn. skarat s‑iwaliwn‑nsn s‑nniyt n‑uwl‑nnun zund s‑iwaliwn l‑lmasiḥ.

kulussi 3:22

wa‑ih̬ddamn, skarat‑bdda s‑wawal n‑id‑siditun n‑ddunit‑ad. a‑ur‑ttirim ġir a‑tn‑trḍum ġakud nna‑gigun‑tmnadn, walaynni h̬dmat s‑nniyt n‑uwl‑nnun s‑mklli ttirim a‑trḍum siditnnġ.