luqa 10:42 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴² ġir yat‑tġawsa a‑d‑iqqann. hatti maryam th̬tar taġamt lli‑ifulkin. ur‑illi ma‑rad‑as‑tt‑ikkis.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴² غير يات‑تغاوسا ا‑د‑يقّانّ. هاتّي ماريام تختار تاغامت لّي‑يفولكين. ءور‑يلّي ما‑راد‑اس‑تّ‑يكّيس.»

luqa 10:42 Iomraidhean Croise

marqus 8:36

ma‑ra‑yili i‑bnadm iġ‑iwrri iṭṭaf ddunit kullutt ih̬sr ih̬f‑ns?

luqa 10:39

tili‑dars‑uwlltmas ism‑ns maryam, tskiws nttat ġ‑dar iḍarn n‑siditnnġ ar‑tsflid i‑ma‑ittini.

luqa 11:1

yan‑wass illa yasuɛ ġ‑yan mani ar‑itẓalla. lliġ ikmml, iḍalb‑t yan zġ‑imḥḍarn‑ns yini‑as: «wa‑siditnnġ, sslmd‑aġ mamnk a‑ntẓalla, ġmklli isslmd yuḥanna amsddam imḥḍarn‑ns.»

luqa 12:20

walaynni argaz‑an, inna‑yas rbbi: ‹way‑anafal, ġ‑iḍ‑ad a‑ra‑k‑kkisġ zġ‑tudrt. win mi a‑ra‑ig kullu mayad‑di‑tssmunt?›»

luqa 12:33

zznzat ma‑teṭṭafm tbḍum‑t i‑imẓlaḍ. skarat i‑ih̬f‑nnun iqrban lli‑ur‑ra‑imdu, yili‑awn‑wayda ġ‑ignna illiġ ur‑ra‑zgis‑ityattay yat, ula iruḥ‑t‑umh̬h̬ar, ula tšša‑t‑twukka.

luqa 16:2

iġr‑as s‑dars yini‑as: ‹ma‑iga ġayd mi fllak sflidġ? ašk‑id ġilad, nḥasab didi s‑ma‑tskrt s‑wayda‑nu, ašku ur‑sul‑riġ a‑dari‑th̬dmt.›

luqa 16:25

irar‑as ibrahim: ‹kti‑d a‑iwi is‑tumẓt timih̬ar‑nnk ġ‑ddunit, yamẓ liɛazr tarfufnt. imma ġilad ifrḥ liɛazr ġid, trfufnt kiyi.

luqa 18:22

lliġ isfld yasuɛ i‑mayad yini‑as: «yat‑tġawsa ad‑ak‑iqaman. zayd tzznzt kullu mad‑dark‑illan tfkt‑t i‑imẓlaḍ, yili‑ak‑wayda ġ‑ignna. taškid‑d ilmma tmunt didi.»

luqa 8:18

awiyat‑stt ġ‑mayd mi tsflidm, ašku wanna dar illa, rad‑as‑izayd rbbi. imma wanna ur‑dar‑illi, rad‑as‑ikkis ula maylli‑s‑iġal is‑dars‑illa.»

yuḥanna 11:1

ġ‑uwssan‑an yuḍn bahra yan‑urgaz ism‑ns liɛazr, izdġ ġ‑bitɛanya lli‑igan aduwwar n‑maryam d‑uwlltmas marta.

yuḥanna 11:19

uškan‑d mddn ggutnin n‑ayt‑yudaya s‑dar marta d‑maryam a‑tnt‑ṣbbrn f‑gʷmatsnt.

yuḥanna 12:3

tnkr maryam tawi‑d yat‑tbuqqalt n‑tujjut n‑nardin iṣfan, iggut‑watig‑ns bahra. tẓġur srs iwurzan n‑yasuɛ, ar‑as‑tsfaḍ iwurzan s‑wazzar‑ns. tɛmmr‑tgmmi s‑waḍu n‑tujjut‑an.

yuḥanna 17:3

ġmkad a‑tga tudrt idumn, a‑k‑issann kiyi lli‑igan rbbi l‑lḥqq, issann yasuɛ lmasiḥ lli‑di‑tuznt.

yuḥanna 4:14

imma wanna iswan zġ‑waman lli‑rad‑as‑fkġ nkki, ur‑sar‑irufi. ašku aman lli‑rad‑as‑fkġ ra‑zgis‑ngin zund yat talɛint n‑tudrt idumn.»

yuḥanna 5:24

«lḥqq ayad, lḥqq a‑rad‑awn‑iniġ. wanna isfldn s‑wawal‑inu yamn ġwalli‑yyi‑d‑yuznn, ra‑iddr tudrt idumn. ur‑ra‑fllas‑ittut lḥukm, ašku izri zġ‑lmut s‑tudrt.

yuḥanna 6:27

a‑ur‑tth̬damm f‑umššu lli‑ith̬sarn, walaynni th̬damat f‑umššu lli‑rad‑bdda‑iqama i‑tudrt idumn. nttan a‑rad‑awn‑fkġ nkki lli‑igan yus n‑bnadm, ašku imla rbbi baba is‑iyi‑iẓli i‑mayad.»

1 kurintus 13:3

iġ‑fkiġ kullu ma‑dari‑illan fkġ ula ddat‑inu ar ajddar bla‑da‑tḥnnuġ, ur‑rad‑iyi‑yili yat.

گالاطيّا 5:6

ašku yan igan win lmasiḥ, han taẓallit n‑ddat ur‑dars‑tgi yat, zund iġ‑as‑iẓẓulla zund iġ‑as‑ur‑iẓẓulli. ašku illa dars mad‑bahra‑yufn mayan. hati yumn s‑lmasiḥ, iɛmmr s‑lḥnant‑ns.