luqa 10:20 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁰ walaynni rad‑awn‑iniġ, a‑ur‑tfrḥm f‑ssibt l‑ljnun ar‑skarn s‑wawal‑nnun, walaynni frḥat f‑ssibt n‑ma‑tyaran ismawn‑nnun ġ‑ignna.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁰ والاينّي راد‑اون‑ينيغ، ا‑ور‑تفرحم ف‑سّيبت لّجنون ار‑سكارن س‑واوال‑نّون، والاينّي فرحات ف‑سّيبت ن‑ما‑تياران ءيسماون‑نّون غ‑يگنّا.»

luqa 10:20 Iomraidhean Croise

matta 10:1

iġr‑d yasuɛ i‑imḥḍarn‑ns s‑sin d‑mraw s‑dars, ifk‑asn taẓḍḍart ad‑ssufuġn ljnun ʷh̬šnnin ar‑jjujjin kraygatt tamaḍunt ula aṭṭan.

matta 26:24

ha‑yus n‑bnadm ra‑immt ġmklli fllas ityaran, walaynni taguḍi a‑ra‑yili i‑urgaz lli‑izznzan yus n‑bnadm. yuf‑as i‑urgaz‑an mrad is‑ur‑akkʷ‑ilul.»

matta 27:5

iddu yahuda iluḥ‑n iqaridn ġ‑tgmmi n‑rbbi, iffuġ yagʷl ih̬f‑ns s‑yan‑izikr immt.

filibbi 4:3

ḍalbġ‑k ula kiyi ay‑amɛawn‑inu ifulkin, a‑tɛawnt timġarin‑an. h̬dmnt ntnti ġ‑twuri l‑lh̬bar ifulkin ġ‑tama‑nu nkki d‑klimantus d‑imɛawann‑inu yaḍni lli‑mi‑tyaran ismawn‑nsn ġ‑warra n‑willi ṭṭafnin tudrt idumn.

iɛbrin 12:23

ula s‑umnaggar n‑willi iga rbbi d‑tarwa‑ns ih̬fdditn lli‑mi‑tyaran ismawn‑nsn ġ‑ignna. takmurm‑d s‑rbbi lli‑itḥkamn f‑kullu mddn, ula s‑larwaḥ n‑mddn lli‑f‑irḍa issafu‑asn kullu mad‑asn‑inna.

anurẓm 13:8

ra‑ti‑tɛbadn kullu imzdġn n‑ddunit, abla ġwilli mi ityara ism‑nsn zġ‑isizwar n‑ddunit ġ‑warra n‑tudrt n‑ulqqaġ lli‑ityawġrasn.

anurẓm 17:8

aġʷẓn‑an ikka‑ttin illa, ur‑sul‑a‑itban, ra‑d‑iġli zġ‑tdrut n‑wakal iftu s‑lhalak. ra‑gis‑tɛjjabn imzdġn n‑ddunit lli‑mi‑ur‑ityara ism‑nsn ġ‑warra n‑tudrt zġ‑isizwar n‑ddunit. ašku rad‑ẓrn aġʷẓn lli‑sttin‑ikkan illa, ur‑sul‑a‑itban, ra‑d‑daġ‑iban.

anurẓm 20:12

s‑ẓriġ ġwilli mmutnin, ma‑imqqurn ula ma‑imẓẓin, biddn kullu ġ‑lgddam l‑lɛrš. tyawrẓamn kra n‑warratn ġakudan, s‑ityawrẓam yan‑warra yaḍni igan arra n‑tudrt. yut rbbi lḥukm ġakudan f‑willi mmutnin, irar‑asn f‑ġaylli skrn ġmklli ityaran ġ‑warratn.

anurẓm 20:15

wanna mi ur‑ityara ism‑ns ġ‑warra n‑tudrt, ittluḥ‑n ġ‑tmda l‑lɛafit.

anurẓm 21:27

walaynni ur‑ra‑srs‑ikšm ma‑ijlh̬n ula ma‑issrkawn ula ma‑isskirkisn. ur‑ra‑srs‑ikšm abla ġwilli mi tyaran ismawn‑nsn ġ‑warra n‑tudrt n‑ulqqaġ.

anurẓm 3:5

kullu wanna inran, ra‑ils ula ntta timlsit tumlilt. rad‑addrġ ism‑ns ġ‑dar baba rbbi ula lmalayka‑ns, iniġ fllas izd winu a‑iga. ur‑sar‑kkisġ ism‑ns zġ‑warra n‑tudrt.