luqa 10:2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² yini‑asn: «tggut‑tmgra walaynni drusn ih̬ddamn. ḍalbat bu‑tmgra a‑yazn ih̬ddamn ad‑ssmunn tamgra‑ns.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ييني‑اسن: «تگّوت‑تمگرا والاينّي دروسن ءيخدّامن. ضالبات بو‑تمگرا ا‑يازن ءيخدّامن اد‑سّمونّ تامگرا‑نس.

luqa 10:2 Iomraidhean Croise

matta 20:1

«tagldit n‑ignna tga zund yan‑urgaz bab n‑igr, iffuġ zikk ṣbaḥ a‑d‑ikru ih̬ddamn i‑igr‑ns n‑waḍil.

marqus 13:34

zund yan‑urgaz imudda ifl tigmmi i‑ih̬ddamn‑ns a‑stt‑gabln, ifk i‑kraygatt yan tawuri‑ns. yuṣṣa angabal n‑imi a‑iḍuf.

marqus 16:15

yini‑asn ġakudan: «ffuġat ar‑ttidum s‑ddunit kullutt, ar‑ttbrraḥm s‑lh̬bar‑ad ifulkin i‑kullu mddn.

marqus 16:20

imma ntni ffuġn ar‑tbrraḥn ġ‑kraygatt mani, ar‑tn‑itɛawan siditnnġ ar‑izzga iwaliwn‑nsn s‑tmitar lli‑iskar f‑ufus‑nsn.

luqa 9:1

iġr‑d yasuɛ i‑imḥḍarn‑ns s‑sin d‑mraw s‑dars, ifk‑asn taḥkimt d‑tẓḍḍart ad‑ssufuġn kullu ljnun ar‑jjujjin timuḍan.

irqqasn 11:19

ar‑tmuddun ġwilli akutnin f‑ssibt n‑trfufnt tigira l‑lmut n‑stifanus, ar‑ttidun ġ‑uwssan‑an ar tamazirt n‑finiqiyya d‑igzir n‑qubrus d‑tmdint n‑anṭakiyya, ar‑sslkamn awal n‑rbbi ġir i‑willi ganin ayt‑yudaya.

irqqasn 13:2

yan‑wass aẓumn ar‑tɛbadn siditnnġ, s‑asn‑inna rruḥ lqudus: «fkat‑iyi‑d barnaba d‑šawl ad‑qasan kra n‑twuri, ġriġ‑asn srs.»

irqqasn 13:4

ddun ntni ġmklli‑asn‑imla rruḥ lqudus s‑lmrsa n‑salukiyya, ssudun ġ‑umda s‑igzir n‑qubrus.

irqqasn 20:28

awiyat‑stt ġilad ġ‑ih̬f‑nnun, tawim‑tt ula ġ‑tuwrut kullutt lli‑f‑kʷn‑irur rruḥ lqudus ad‑as‑tgm ingabaln, tksm amnaggar n‑rbbi lli‑isġa s‑idammn‑ns.

irqqasn 22:21

isawl‑daġ yini‑yyi: ‹zayd tddut, ašku ra‑k‑aznġ s‑tmizar aggugnin.›»

irqqasn 8:4

imma ġwilli akutnin, ar‑tkkan kraygatt mani ar‑tbrraḥn s‑wawal n‑rbbi.

1 kurintus 12:28

ġmkad a‑iskr rbbi ġ‑igzman n‑umnaggar: imzwura gan irqqasn. wis sin gan ġwilli ittinin s‑mad‑asn‑imala rbbi. wis kraḍ gan imslmdn. ilin‑daġ ġwilli skarnin lmɛjizat, d‑willi dar tawafka ad‑jjujjin imuḍan, d‑willi tɛawannin d‑willi tguwwadnin d‑willi sawalnin s‑iwaliwn iġribn.

1 kurintus 15:10

walaynni rbbi iskr‑iyi afulki ifk‑iyi ad‑gġ mad‑giġ ġilad. urd bla lfaytt ad‑iyi‑iskr afulki, ašku wrriġ ar‑th̬damġ uggʷar n‑kullu wiyyaḍ, wah̬h̬a urd nkki a‑t‑iskarn walaynni lbaraka n‑rbbi lli‑dari‑illan.

2 kurintus 6:1

s‑ism n‑rbbi lli‑d‑nh̬dm, nḍalb‑kʷn a‑ur‑tadjm rrḥmt‑ns lli‑s‑tumnm a‑tḍr bla lfaytt ġ‑darun.

filibbi 2:21

ašku kud yan ar‑iswingim ġ‑ma‑igan wins, urd ma‑igan win yasuɛ lmasiḥ.

filibbi 2:25

swangmġ is‑ra‑yaf ad‑awn‑in‑rarġ ula gʷmatnnġ abafruditus lli‑didi‑ith̬damn ar‑itbddad ġ‑tama‑nu. iga amazan‑nnun, tuznm‑t‑id a‑yyi‑iɛawn ġ‑ma‑yyi‑ih̬ṣṣan.

filibbi 2:30

ašku h̬da ur‑immut f‑ssibt n‑twuri l‑lmasiḥ. ur‑iġwi ġ‑tudrt‑ns ašku ira a‑yyi‑itɛawan ġ‑maylli mi ur‑tẓḍarm kunni.

kulussi 1:29

f‑ġmkan a‑f‑a‑tnhatafġ ar‑kkatġ takrrayt s‑kullu jjhd l‑lmasiḥ lli‑yyi‑issdusn s‑tḥkimt‑ns iggutn.

kulussi 4:12

ar‑n‑fllawn‑itsllam abafras. iga zġ‑gigun ula ntta, ig ah̬ddam l‑lmasiḥ yasuɛ. s‑nniyt‑ns a‑s‑a‑itẓalla bahra f‑ssibt‑nnun, baš a‑tdusm tzgam ġ‑uġaras n‑rbbi ar‑tskarm kullu ma‑gigun‑ira rbbi.

1 tasaluniki 2:9

way‑aytmatnnġ, is‑ur‑di‑tswangmm mnšk a‑nth̬dam ar‑ntnhataf ġ‑gratun? nkka‑ttin ar‑nth̬dam ġ‑iyḍ ula azal baš a‑fllawn‑ur‑nẓẓay lliġ a‑yawn‑ntbrraḥ s‑lh̬bar ifulkin n‑rbbi.

1 tasaluniki 5:12

imma ġilad ay‑aytmatnnġ, ra‑kʷn‑nḍalb a‑ttuqqarm ġwilli skarnin tawuri n‑rbbi ġ‑gratun, ar‑kʷn‑tgabaln s‑ism n‑siditnnġ ar‑kʷn‑tnṣaḥn.

2 tasaluniki 3:1

imma ġilad ay‑aytmatnnġ, ẓẓallat fllannġ tḍalbm rbbi ad‑aġ‑iɛawn a‑nsslkm lh̬bar n‑siditnnġ ġ‑uwssan‑ad s‑kullu‑tmazirt‑ad baš a‑srs‑sflidn mddn ggutnin ġmklli sfldn ġ‑darun.

1 timutaws 4:10

f‑mayan a‑f‑a‑nth̬dam ar‑fllas‑nkkat takrrayt, ašku nga rrja‑nnġ ġ‑rbbi lli‑iddrn. nttan a‑ijjnjamn kullu mddn, s‑uggʷar ġwilli umnnin.

2 timutaws 4:5

imma kiyi ih̬ṣṣa‑k a‑bdda‑tġwit ġ‑ih̬f‑nnk, tṣbrt i‑trfufnt, ar‑tth̬damt s‑tbrraḥt l‑lh̬bar ifulkin. skar kullu ma‑d‑iqqann wad igan ah̬ddam n‑rbbi.

filimun 1:1

zġ‑bulus aḥbbas f‑ism l‑lmasiḥ yasuɛ, d‑zġ‑gʷmatnnġ timutaws. i‑umddakkʷl‑nnġ iɛzzan filimun lli‑didnnġ‑itmɛawan ġ‑twuri‑ad,

iɛbrin 3:6

ula lmasiḥ issuwfa kullu ma‑gis‑ira rbbi, imma ntta iga yus n‑tgmmi, tili‑tgmmi kullutt ġ‑ddu‑ufus‑ns. imma ayt‑tgmmi‑ns, nkkʷni a‑tn‑igan iġ‑nzga nzɛm, namẓ‑bdda ġ‑rrja‑yad darnnġ illan.

anurẓm 2:1

«ara awal‑ad i‑lmalak n‑umnaggar ġ‑tmdint n‑afsus: ha‑ma‑inna wad yusin ssa n‑itran ġ‑ufus‑ns afasi ar‑ittidu ġ‑gr ssa l‑lḥsaki n‑uwrġ.