luqa 1:76 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷⁶ imma kiyi a‑iwi, rad‑ak‑ttinin ‹nnabi n‑rbbi amattuy›. ra‑tzwurt siditnnġ ad‑as‑tjjujadt aġaras.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷⁶ ءيمّا كيّي ا‑يوي، راد‑اك‑تّينين ‹نّابي ن‑ربّي اماتّوي›. را‑تزوورت سيديتنّغ اد‑اس‑تجّوجادت اغاراس.

luqa 1:76 Iomraidhean Croise

matta 14:5

yiri hirudus a‑inġ yuḥanna walaynni iksuḍ zġ‑mddn ašku ar‑kullu‑ttinin izd yuḥanna yan‑nnabi a‑iga.

matta 21:26

walaynni iġ‑nenna ‹bnadm a‑t‑id‑yuznn› ra‑niksaḍ zġ‑mddn‑an ggutnin, ašku ar‑kullu‑ttinin izd yuḥanna yan‑nnabi a‑iga.»

matta 3:11

nkki ar‑kʷn‑ssddamġ ġ‑waman baš a‑tmlm is‑tflm lh̬ʷšant‑nnun, walaynni yugʷr‑iyi ġwalli ra‑d‑yašk tigira‑nu, ur‑sthllaġ ad‑asiġ turẓiyin‑ns. ra‑kʷn‑issddm ntta s‑rruḥ lqudus d‑lɛafit.

matta 3:3

ġwad a‑f‑inna nnabi išaɛya ġayd izrin yini: «ha‑yan‑wawal ar‑itbrraḥ ġ‑lh̬la ar‑ittini ‹jjujadat aġaras n‑siditnnġ, tssnmm tiġarasin‑ns.›»

marqus 11:32

walaynni izd‑nnit‑a‑nini ‹bnadm a‑t‑id‑yuznn›?» ntni ksuḍn zġ‑mddn, ašku ar‑kullu‑ttinin izd yuḥanna yan‑nnabi a‑iga.

luqa 1:32

ra‑ig wad bahra ihiyyan. rad‑as‑ttinin ‹yus n‑umattuy›. rad‑as‑ifk sidi rbbi lɛrš n‑jddis dawd,

luqa 1:35

yini‑as lmalak: «ra‑d‑fllam‑igguz rruḥ lqudus, tdl‑km‑tḥkimt n‑rbbi amattuy. mayan a‑f‑ra‑ttinin i‑wazzan amẓlay lli‑ra‑tarut ‹yus n‑rbbi›.

luqa 6:35

walaynni ḥnnwat ġ‑inuwwašn‑nnun, ar‑asn‑tskarm lh̬ir. rṭṭlat bla‑da‑tswingimm a‑tamẓm arṭṭal‑nnun tigira. ġmkad a‑s‑ra‑tgm tarwa n‑rbbi amattuy, tili‑awn lbaraka iggutn. ašku ntta ar‑itfulki d‑willi‑t‑ur‑tškarnin d‑willi skarnin ma‑yʷh̬šnn.

yuḥanna 1:23

isawl yuḥanna yini‑asn: «giġ ġwalli itbrraḥn ġ‑lh̬la ar‑ittini ‹ssnmat aġaras n‑siditnnġ›,» ġmklli‑s‑inna nnabi išaɛya.

yuḥanna 1:27

ig ġwalli ra‑d‑yašk tigira‑nu. ur‑sthllaġ nkki ad‑rẓmġ ifalan n‑turẓiyin‑ns.»

yuḥanna 3:28

kunni tsfldm‑iyi lliġ nniġ ‹urd nkkin a‑igan lmasiḥ walaynni yuzn‑iyi‑d rbbi ad‑zwurġ i‑lmasiḥ.›

irqqasn 16:17

imma nttat, tḍfar bulus d‑usmun‑ns ar‑ttġuwwat ar‑fllannġ‑ttini: «mddn‑ad gan ih̬ddamn n‑rbbi amattuy. ar‑awn‑tbrraḥn f‑mamnk a‑ra‑tiẓḍarm a‑tnjmm.»