luqa 1:6 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁶ ntni fulkin s‑sin, irḍu fllasn sidi rbbi. ar‑bdda‑skarn s‑iwaliwn n‑rbbi ula luṣiyat‑ns, ur‑a‑zgisnti‑tffuġn s‑yat.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁶ نتني فولكين س‑سين ءيرضو فلّاسن سيدي ربّي. ار‑بدّا‑سكارن س‑يواليون ن‑ربّي ءولا لوصيّات‑نس، ءور‑ا‑زگيسنتي‑تفّوغن س‑يات.

luqa 1:6 Iomraidhean Croise

luqa 1:7

walaynni ur‑jju‑darsn kra n‑warraw, ašku ur‑tẓḍar aliṣabaṭ a‑trbbu, d‑ntni s‑sin uwssrn.

luqa 16:15

imma ntta irur‑asn: «ha‑kunni ar‑tmalam ih̬fawn‑nnun ġ‑lgddam n‑mddn baš a‑fllawn‑ttinin tfulkim, walaynni rbbi issn ma‑illan ġ‑uwlawn‑nnun. ašku ġaylli iɛzzan dar mddn, tajlh̬it a‑iga dar rbbi.

luqa 2:25

yili yan‑urgaz ġ‑urušalim ism‑ns simɛan, ifulki bahra iɛzzu‑dars‑uġaras n‑rbbi, yili fllas rruḥ lqudus. ar‑bdda‑itrju ass lli‑ġ‑ra‑ijjnjm rbbi mddn‑ns.

irqqasn 2:25

ġmklli fllas inna dawd: ‹ar‑bdda‑tmnadġ sidi ġ‑lgddam‑inu, yili‑bdda didi, ur‑sar‑asusġ.

irqqasn 23:1

issmaqql bulus ġ‑ayt‑lmḥkama yini‑asn: «way‑aytma, ha‑yyi kullu mad‑kkiġ sul s‑ġassad ar‑skarġ f‑ad‑trḍuġ rbbi s‑uwl iġusn.»

irqqasn 24:16

mayan a‑f‑a‑n‑tggaġ tiqqi‑nu baš a‑bdda‑iġus‑uwl‑inu zġ‑kullu ma‑igan lɛib ġ‑iẓri n‑rbbi ula win bnadm.

irqqasn 8:21

ur‑dark taġamt ġ‑twuri‑ad ula ra‑gis‑tkšmt, ašku ur‑iġus‑uwl‑nnk ġ‑iẓri n‑rbbi.

ruma 8:4

iskr rbbi mayan baš a‑issafu lḥqq n‑ššrɛ lli‑fllannġ‑illan nkkʷni lli‑iskarn ġilad s‑ma‑ira rruḥ lqudus urd ma‑tra ddat n‑bnadm.

1 kurintus 11:2

hati frḥġ srun ašku ar‑tskarm s‑kullu mad‑awn‑nniġ ar‑tzzgam almmud lli‑awn‑in‑sslkmġ.

2 kurintus 1:12

nfrḥ ġilad ašku imla‑yaġ‑uwl‑nnġ izd s‑ufulki n‑rbbi a‑s‑a‑nskar d‑kullu mddn s‑nniyt iṣfan. ula kunni, ġmkan a‑didun‑nskr, urd ġir s‑lɛaql n‑bnadm walaynni s‑lbaraka n‑rbbi.

filibbi 2:15

baš a‑tġusm bla gigun illa kra l‑lɛib, tgm tarwa šwanin n‑rbbi ġ‑wammas n‑tasut‑ad yʷh̬šnn ijlan. ha‑kunni zund itran ġ‑ignwan a‑s‑a‑tfawm ġ‑wammas‑nsn,

kulussi 1:22

imma ġilad iskr sslamt ġ‑gratun dids f‑ssibt l‑lmut l‑lmasiḥ ġakud lliġ iṭṭaf ddat n‑bnadm. ra‑kʷn‑išškšm s‑lgddam‑ns tġusm tfulkim bla‑gigun‑illa kra l‑lɛib.

1 tasaluniki 3:13

ar‑t‑ntḍalab a‑kʷn‑issdus baš a‑tbiddm ġ‑lgddam n‑rbbi babatnnġ s‑uwlawn‑nnun ġusnin bla gigun illa kra l‑lɛib ġakud lliġ ra‑d‑yašk siditnnġ yasuɛ d‑imẓlayn‑ns kullutn.

2 bṭrus 3:14

imma ġilad ġ‑a‑ttqlm s‑mayad, ay‑aytma ɛzzanin, gat‑n tiqqi‑nnun a‑bdda‑tili sslamt ġ‑gratun d‑rbbi, bla gigun illa kra l‑lɛib ula kra yʷh̬šnn ġ‑uwlawn‑nnun.

1 yuḥanna 2:29

tssnm is‑iskr lmasiḥ kullu ma‑irḍan rbbi, tissanm is‑iwrri ilul kraygatt yan iskarn ma‑t‑irḍan s‑tlalit l‑ljdid zġ‑dar rbbi.

1 yuḥanna 2:3

ġmkad a‑s‑ra‑nissan is‑darnnġ tawassna n‑rbbi: ašku iban ginnġ is‑a‑nskar s‑maylli‑f‑aġ‑yuṣṣa.

1 yuḥanna 3:7

wa‑tarwa ɛzzanin, a‑ur‑tadjm yan a‑kʷn‑ijllu. wanna iskarn s‑lḥqq, ra‑srs‑ifrḥ rbbi ġmklli ifrḥ s‑lmasiḥ.