luqa 1:17 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁷ ra‑izwur siditnnġ s‑tḥkimt itjhhdn zund nnabi iliyya, irar‑d ulawn n‑mddn a‑tḥnnun ġ‑tarwa‑nsn, irar‑d ġwilli ffuġnin zġ‑wawal n‑rbbi ad‑d‑wrrin s‑uġaras n‑willi‑f‑irḍa, ijjujad i‑siditnnġ yat tasut a‑tg tins.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁷ را‑يزوور سيديتنّغ س‑تحكيمت ءيتجهّدن زوند نّابي ءيليّا، ءيرار‑د ءولاون ن‑مدّن ا‑تحنّون غ‑تاروا‑نسن، ءيرار‑د غويلّي فّوغنين زغ‑واوال ن‑ربّي اد‑د‑وورّين س‑وغاراس ن‑ويلّي‑ف‑يرضا، ءيجّوجاد ءي‑سيديتنّغ يات تاسوت ا‑تگ تينس.»

luqa 1:17 Iomraidhean Croise

matta 11:14

walaynni iġ‑tram a‑tamnm awal‑nsn, tissanm izd yuḥanna a‑igan ‹nnabi iliyya› lli‑s‑nnan ra‑d‑yašk.

matta 14:4

ašku yuḥanna ikka‑ttin ar‑ittini i‑hirudus: «ur‑ak‑iḥlla a‑tawit tamġart n‑gʷmak.»

matta 3:3

ġwad a‑f‑inna nnabi išaɛya ġayd izrin yini: «ha‑yan‑wawal ar‑itbrraḥ ġ‑lh̬la ar‑ittini ‹jjujadat aġaras n‑siditnnġ, tssnmm tiġarasin‑ns.›»

matta 3:4

ar‑ilssa yuḥanna taḍut n‑irɛaman ar‑yaggs s‑ubkkas n‑ilm, ar‑ištta tamurġi d‑tammnt l‑lh̬la.

luqa 1:16

irar‑d kigan d‑mddn n‑ayt‑rbbi ad‑d‑wrrin s‑uġaras n‑rbbi‑nsn.

luqa 1:76

imma kiyi a‑iwi, rad‑ak‑ttinin ‹nnabi n‑rbbi amattuy›. ra‑tzwurt siditnnġ ad‑as‑tjjujadt aġaras.

yuḥanna 1:13

ntni, urd s‑tlalit n‑waḥlig a‑s‑luln nġd s‑tayri n‑ddat nġd s‑tayri n‑urgaz, walaynni rbbi a‑tn‑igan d‑tarwa‑ns.

yuḥanna 1:34

ha‑yyi ẓriġ‑t ġilad, fkġ‑awn tugga‑nu, ġwad a‑igan yus n‑rbbi.»

yuḥanna 3:28

kunni tsfldm‑iyi lliġ nniġ ‹urd nkkin a‑igan lmasiḥ walaynni yuzn‑iyi‑d rbbi ad‑zwurġ i‑lmasiḥ.›

irqqasn 10:33

aznġ‑n srk ġakudan. hati tskrt gigi ma‑ifulkin lliġ‑d‑tuškit. imma ġilad ha‑nkkʷni kullwaġ ġ‑lgddam n‑rbbi, nra a‑nsfld i‑kullu ma‑f‑k‑yuṣṣa siditnnġ ad‑aġ‑ti‑tmlt.»

ruma 9:23

iṣbr ašku ira a‑issbayyn timih̬ar l‑lmjd‑ns i‑willi irḥm lli‑f‑iskr ad‑kšmn ġ‑lmjd.

kulussi 1:12

ar‑ttfraḥm ar‑ttškarm rbbi babatnnġ lli‑awn‑ifkan taġamt ġ‑lwrt lli‑ra‑yili i‑imẓlayn‑ns ġ‑tgldit n‑tifawt.

2 timutaws 2:21

iġ‑isird yan ul‑ns zġ‑irkan, ra‑ig aruku iṣlḥn iġus ġ‑ufus n‑sidis, yujad i‑twuri nna‑ifulkin.

1 bṭrus 2:9

imma kunni, tgam mddn tyawẓlaynin, tgm ayt‑tgldit n‑rbbi, ar‑n‑tsrasm ġ‑lgddam‑ns tiwafkiw lli‑s‑a‑itrḍu. tgm ayt‑rbbi, iẓli‑kʷn a‑tgm wins, baš a‑ttawim lh̬bar i‑mddn f‑kullu ma‑iskr ġwalli‑awn‑d‑iġran zġ‑tillas s‑tifawt l‑lmjd‑ns.

1 yuḥanna 2:28

imma ġilad a‑tarwa ɛzzanin, zaydat tzgam ġ‑lmasiḥ, baš a‑izɛm‑uwl‑nnġ ġakud nna‑d‑iwrri ibayyn‑d, ur‑ra‑niri a‑zgis‑nrgs.

anurẓm 20:4

ẓrġ ilmma kra l‑lɛruš ġ‑ignna. ityawfka i‑willi fllasn skiwsnin lḥqq ad‑tḥkamn. ẓrġ larwaḥ n‑willi mi ityawbbay ih̬f‑nsn f‑ssibt n‑tugga‑nsn f‑yasuɛ ula f‑wawal n‑rbbi. ur‑a‑tɛbadn aġʷẓn ula ṣṣurt‑ns, ula qbln ṭṭabɛ‑ns f‑ignzi‑nsn ula f‑ufus‑nsn. nkrn ntni zġ‑lmut ar‑tḥkamn d‑lmasiḥ alf n‑usggʷas.