iɛbrin 4:2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² ašku lh̬bar n‑usunfu‑ad lli‑mi‑nsfld, sfldn‑as‑yad imzwura‑nnġ walaynni ur‑uminn awal lli‑mi‑sfldn. mayan a‑f‑ur‑zgis‑umẓn kra l‑lfaytt.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² اشكو لخبار ن‑وسونفو‑اد لّي‑مي‑نسفلد، سفلدن‑اس‑ياد ءيمزوورا‑نّغ والاينّي ءور‑ومينّ اوال لّي‑مي‑سفلدن. مايان ا‑ف‑ور‑زگيس‑ومژن كرا لّفايتّ.

iɛbrin 4:2 Iomraidhean Croise

irqqasn 13:46

irar‑asn ilmma bulus d‑barnaba s‑zzɛamt inin‑asn: «niwi‑awn‑d awal n‑rbbi ġmklli‑aġ‑d‑iqqann baš a‑tzwurm kunni. imma ġilad ur‑ti‑trim, tgm ih̬fawn‑nnun d‑willi ur‑isthllan ad‑kšmn s‑tudrt idumn. ra‑kʷn‑nfl ġilad nawi‑tt ġ‑ibrraniyn,

irqqasn 3:26

ġmkad a‑s‑iẓli rbbi ah̬ddam‑ns yasuɛ, yazn‑t‑id s‑darun baš a‑tzwurm kunni ibark‑kʷn, isswrri‑d kud yan gigun zġ‑iġarasn ʷh̬šnnin lli‑ġ‑a‑ttidum.»

ruma 2:25

rad‑ak‑išwu iġ‑tgit zġ‑willi tẓallanin i‑ddat‑nsn, iġ‑a‑tskart s‑ššrɛ. walaynni iġ‑ur‑a‑tskart s‑ššrɛ, han taẓallit n‑ddat‑nnk ur‑tgi yat.

ruma 3:3

walaynni lliġ ur‑zgan kra n‑ayt‑yudaya ġ‑iwaliwn n‑rbbi, is‑iffuġ nttan zġ‑iwaliwn‑an?

1 kurintus 13:3

iġ‑fkiġ kullu ma‑dari‑illan fkġ ula ddat‑inu ar ajddar bla‑da‑tḥnnuġ, ur‑rad‑iyi‑yili yat.

گالاطيّا 3:2

imma ġilad ra‑kʷn‑sqsaġ, izd f‑ssibt n‑ma‑tskarm s‑ššrɛ n‑musa a‑f‑awn‑in‑yuška rruḥ lqudus, nġd f‑ssibt n‑ma‑tsfldm i‑lh̬bar‑nnġ ifulkin tamnm srs?

گالاطيّا 3:8

ašku ityara ġ‑warra n‑rbbi f‑mamnk a‑ra‑irḍu rbbi ula f‑ayt‑tmizar aggugnin f‑ssibt mad‑umnn. isawl rbbi s‑ibrahim iml‑as lh̬bar ifulkin lli‑ra‑yili yini‑as: «s‑ism‑nnk a‑s‑rad‑barkġ kullu timizar n‑ddunit.»

گالاطيّا 4:13

tssnm izd f‑ssibt n‑mad‑uḍnġ a‑f‑n‑darun‑uškiġ ġ‑isizwar, awiġ‑awn‑in lh̬bar ifulkin.

1 tasaluniki 1:5

ašku ilkm‑awn‑in lh̬bar‑nnġ ifulkin, urd ġir s‑iwaliwn walaynni s‑lquwwa ula s‑tḥkimt n‑rruḥ lqudus aylliġ‑awn‑iban is‑iga lḥqq. tssnm kunni mamnk a‑nga ġ‑uwssan lli‑nzzri ġ‑gratun, nskr kullu f‑a‑kʷn‑ntɛawan.

1 tasaluniki 2:13

mayad‑daġ a‑f‑a‑bdda‑ntškar rbbi, ašku ġakud lliġ tsfldm i‑wawal n‑rbbi lli‑awn‑in‑niwi, tamẓm gis tamnm izd awal n‑rbbi a‑iga, urd awal n‑bnadm. s‑ṣṣaḥt awal n‑rbbi a‑iga, ih̬dm ġilad ġ‑uwlawn‑nnun kunni lli‑srs‑yumnn.

1 timutaws 4:8

ašku yan issdusn ddat‑ns, afulki ayn iskr, walaynni yan issdusn rruḥ‑ns s‑ma‑irḍan rbbi, rad‑as‑ifulki s‑uggʷar i‑tudrt‑ns n‑ddunit‑ad ula tin lih̬rt.

iɛbrin 11:6

walaynni yan ur‑yuminn rbbi, ur‑ra‑yiẓḍar a‑yamẓ rrḍa‑ns. ašku wanna iran a‑n‑yakmur s‑rbbi, iqqan‑t‑id a‑yamn is‑illa rbbi, yujad a‑ibark wanna‑t‑isiggiln.

iɛbrin 3:12

way‑aytma, rarat lɛaql a‑ur‑gigun‑yili ma‑mi‑yʷh̬šn‑uwl‑ns yagʷi a‑yamn irar tiġurdin‑ns s‑rbbi lli‑iddrn.

iɛbrin 4:6

hati ur‑kšimn ġwilli iruḥ lh̬bar ġ‑uwssan‑an ašku ur‑srs‑skirn. walaynni sul llan wiyyaḍ rad‑kšmn.

yaɛqub 1:21

kkisat zġ‑gigun iskkirn rkanin ula lh̬ʷšant lli‑iggutn ġ‑mddn. tadrat i‑ih̬f‑nnun ar‑ttqbalm awal lli‑gigun‑itẓẓu rbbi, ašku iẓḍar‑wawal‑an a‑kʷn‑ijjnjm.

1 bṭrus 1:12

walaynni issbayyn‑asn‑d rbbi is‑urd f‑ssibt n‑ih̬f‑nsn a‑f‑a‑sawaln f‑tġawsiwin‑ad walaynni f‑ssibt‑nnun. imma ġilad tsfldm f‑kullu mayad f‑imi n‑willi‑awn‑in‑iwinin lh̬bar ifulkin, ar‑darun‑tbrraḥn s‑tḥkimt n‑rruḥ lqudus lli‑d‑ityazann zġ‑ignna. imma tiġawsiwin‑ad, ula lmalayka ar‑bahra‑ttirin ad‑issann mamnk ad‑gant.