iɛbrin 2:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ imma ġilad, mamnk a‑ra‑nnjm iġ‑ur‑tt‑niwi ġ‑ujnjm‑ad ihiyyan? siditnnġ yasuɛ a‑izwarn inna‑yaġ fllas, sawln fllas ula ġwilli sfldnin i‑siditnnġ mln‑aġ is‑iga lḥqq.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءيمّا غيلاد، مامنك ا‑را‑ننجم ءيغ‑ور‑تّ‑نيوي غ‑وجنجم‑اد ءيهيّان؟ سيديتنّغ ياسوع ا‑يزوارن ءينّا‑ياغ فلّاس، ساولن فلّاس ءولا غويلّي سفلدنين ءي‑سيديتنّغ ملن‑اغ ءيس‑يگا لحقّ.

iɛbrin 2:3 Iomraidhean Croise

matta 23:33

wa‑ilgmmaḍn, wa‑tarwa n‑ifaġrn, mamnk a‑ra‑tnjmm zġ‑lhalak n‑jhnnama?

matta 4:17

ġakudan a‑igra yasuɛ ar‑itbrraḥ ar‑ittini: «flat kullu ma‑tskarm yʷh̬šn, ašku takmur‑d‑tgldit n‑ignna.»

marqus 1:14

lliġ ityamaẓ yuḥanna ġ‑lḥbs yašk‑id yasuɛ s‑tmazirt n‑jalil ar‑itbrraḥ s‑lh̬bar ifulkin n‑rbbi

luqa 1:2

ġmklli‑aġ‑nnan ġwilli‑tnt‑ẓranin zġ‑isizwar, gn fllasnt inagan awin‑aġ‑d lh̬bar‑nsnt.

luqa 1:69

issmġi‑d ġ‑gr tasutin n‑uh̬ddam‑ns dawd yan igan anjjam itjhhdn,

luqa 24:19

yini‑as: «ma‑ijran?» inin‑as: «ġaylli ijran i‑yasuɛ gu‑naṣira. iga yan‑nnabi imqqurn s‑iskkirn‑ns ula s‑iwaliwn‑ns. ifrḥ srs rbbi ula mddn kullutn.

yuḥanna 15:27

ula kunni ra‑flla‑takkam tugga, ašku tllam didi zġ‑isizwar.»

irqqasn 2:22

«wa‑irgazn ayt‑rbbi, sfldat i‑ma‑rad‑awn‑iniġ. yasuɛ gu‑naṣira, tlla gis lbaraka n‑rbbi, iskr ġ‑darun lquwwat d‑lmɛjizat d‑tmitar tjhhdnin. kullu mayad, imla‑yawn‑t rbbi.

irqqasn 4:12

ur‑iẓḍar yan a‑injm zġ‑lhalak abla srs nttan, ašku ur‑illi ġ‑ddu ignwan kra n‑ism yaḍni ifka‑t rbbi ma‑s‑a‑itnjam bnadm.»

ruma 11:14

a‑ur‑imil rarġ‑d kra ġ‑ayt‑yudaya ad‑irin ad‑amẓn mad‑darun‑illan, baš ad‑njmn ula ntni.

ruma 2:3

imma kiyi a‑bnadm, is‑tġalt is‑ra‑tnjmt zġ‑lḥukm n‑rbbi? ar‑tḥkamt f‑willi skarnin ġmkan, walaynni ar‑tskart ġmkan ula kiyi.

1 kurintus 1:21

ašku rbbi s‑tḥkimt‑ns a‑s‑iqṣad ġ‑mddn n‑ddunit‑ad a‑ur‑iẓḍarn ad‑wrrin issann rbbi s‑lɛaql‑nsn, walaynni irḍa a‑ijjnjm winna umnnin s‑tbrraḥt‑nnġ lli‑f‑a‑ttinin «tga anufl.»

1 tasaluniki 5:3

ra‑ttinin mddn «labas thnna luqt,» imil igguz‑d fllasn lhalak. ḥayna ra‑tn‑iġwi ġmklli iqqʷay‑ungaẓ tamġart lli‑ra‑yaru, ur‑akkʷ‑rad‑njmn.

1 timutaws 1:15

awal izgan ayad, iqqan‑d kud yan a‑t‑yamn: yuška‑d lmasiḥ yasuɛ s‑ddunit baš a‑ijjnjm mddn ʷh̬šnnin, d‑nkki a‑kullu‑gisn‑yʷh̬šnn.

tiṭus 2:11

issbayyn‑d rbbi lḥnant‑ns ġilad a‑srs‑ijjnjm kullu mddn.

iɛbrin 1:1

f‑imi l‑lanbiya ggutnin a‑f‑isawl rbbi s‑imzwura‑nnġ ġayd izrin, kraygatt azmz d‑mad‑asn‑imla.

iɛbrin 1:14

ašku lmalayka ur‑gin ġir larwaḥ lli‑th̬damnin i‑rbbi, ar‑tn‑d‑itazn ad‑qasan ġwilli ra‑injm.

iɛbrin 1:2

imma ġ‑uwssan‑ad ggʷranin isawl‑d srnnġ f‑imi n‑yan igan yus. nttan a‑s‑ih̬lq kullu ma‑illan, iẓli‑t a‑iwrt kraygatt kra.

iɛbrin 12:25

awiyat‑stt bahra ġ‑ġwalli srun isawaln. ašku lhalak a‑iḍrn f‑willi agʷinin ad‑sflidn s‑musa lli‑tn‑yumrn ġ‑ddunit‑ad, walaynni uggʷar n‑ġayan a‑rad‑aġ‑yili nkkʷni iġ‑nrur tiġurdin‑nnġ s‑walli‑aġ‑d‑yumrn zġ‑ignna.

iɛbrin 4:1

isawl rbbi s‑wawal izgan, yini is‑ra‑ifk asunfu i‑mddn‑ns. imma ġilad, illa fllannġ a‑nrar lɛaql a‑ur‑ginnġ‑yili ma‑ur‑ra‑yiẓḍar a‑srs‑ikšm.

iɛbrin 4:11

imma ġilad illa fllannġ a‑bahra‑nttiri a‑nkšm s‑usunfu‑ad, a‑ur‑iḍr yan ginnġ ġmklli ḍrn ntni, ffuġn zġ‑wawal n‑rbbi.

iɛbrin 5:9

walaynni lliġ ikmml kullu ma‑fllas‑illan, ijjnjm ġwilli skarnin s‑wawal‑ns s‑ujnjm idumn,

iɛbrin 9:28

ġmkan a‑s‑ifka lmasiḥ ula ntta ih̬f‑ns yat‑twal baš a‑yasi ddnub n‑mddn ggutnin. ra‑d‑iwrri tis snat‑twal, urd baš a‑yasi ddnub walaynni baš a‑ijjnjm kullu winna srs tqlnin rjun‑in gis.

1 yuḥanna 1:1

ġwalli illan zġ‑isizwar, nsfld‑as nẓr‑t nssmaqql gis nggr‑as. iga nttan awal n‑tudrt.

yahuda 1:17

way‑aytma ɛzzanin, swangmad‑d iwaliwn n‑irqqasn n‑siditnnġ yasuɛ lmasiḥ lli‑s‑awn‑nnan f‑ma‑ra‑ijru.

anurẓm 7:10

alln awal‑nsn ar‑ttinin: «rbbi‑nnġ lli‑iskiwsn f‑lɛrš, nttan d‑ulqqaġ ad‑aġ‑ijjnjmn.»